Jeremaia 31:40 - Godigo dwagi yai po buku

⁴⁰ Tama te tǫ bogo me saut badu, te bulu odogode te gų page me elalu, te keli sąbo pesage me elaluali, te taun dąį yali tomode elalueibao. Te giliga pedalubo badu, te tigidali tǫ pedai te odogo bulu te ąį Kidron sesegeba usu nigi paibao, te me te taun tomode elalueibao. Te dąį pabo te Hos Dabego Sunumi te not badu usu naibao. Tama te taun tomode tǫ tigidali te gasagi yai tedali tǫ dao, te ena Genuai Bidigo tǫ elalueibao. Te boi bidi dabe aselama, te taun dolama, te aluama, te doado bage me sagasogobeo. Menio. Te taun te sesemane sogo bugagia elalueibao,” Genuai Bidigo te po wali.

Jeremaia 31:40 Referans Kwoze

Joel 3:17

Agai te tama po wai, “Te sogo te Israel dagego koneiagameo, ena tama ena God, te duga Genuai Bidi da waibao. Ena te Saionde bidibao, ena bulu du deli digi dao. Te Jerusalem eno te ena taun naga pedelama, te gasa hani dabe augwaligo boi bidi homu eyu, te tomoba ma pogobeo.

2 Samuel 15:23

Te Devit aga hani dali augwa te Jerusalem taga pabo sogo, te tigidali we bidi gela umabo sę elama, mu dwai homu dene ebo gela wai. Tama king te aga hani dali te wę Kidron nogelama, tama te bulu kemi tǫ wa pai bulu pedaiba poloba pelawali.

Dwagi Yai Gesi Po Jongo Asęani 18:1

Te Jisasgo te po olama, tama Jisas aga bidi dabe dali augwaligo te bulu tagalama, tama peyu, Kidron ąį odogo nogogi pai. Te ni oliv sili, te ąį u badu elaluai. Tama Jisas aga wali pabo bidi dabe dali augwali te oliv ni sili bulu tomoba pai.

Tuni Bidi Dabego Po Elalubo Buku Si 23:15

Tama tialima, augwaligo Atalia toulama, tama augwaligo aga kingo be obo tomodu osa pali, te augwaligo Hos Dabego Sunumi wabo, te sunumide odasa pali. Tama augwaligo aga tomoba odasa pelama, aga elama isilali.

Te Israel me Juda Hani Sigo Tuni Bidigo Po Elalubo Buku Si 11:16

Tialima, augwaligo te kwin we te Atalia tulama, tama augwaligo te aga selasa, te kibu hos te kingo be obo banis tomoba pabo tųdu pali. Tama augwaligo aga te tomoba odasa pelama, tama augwaligo te Atalia aga tede ela muani.

Sekaraia 14:20

Te sogo augwaligo te tama homu eyu, te tigidali nai Genuai Bidigo nai naga da homu elama, te dwasianu nai belo te hos dabego magede domoani naiba usu nama yaibao. Tama te po me deli augwaligo te belode te tiwai asęani elaluaibao, “Te nai da Genuai Bidigo dao,” teda asęna elalueibao. Te olo sospen sęnę dabe tama me te Genuai Bidigo bede munaluali nai baso da, teda Genuai Bidigo nai mu pedelaibao, te ofa ebo kaneme gelebo genuai pou dis dabe tiwai yai baso te Genuai Bidigo dao.

Nehemia 3:28

Tama te pris hani mebago te obo te gasa badu te Hos Dabego Sunumi elalubo madi te not badu wadolama yai, tama te tigidali deli deligo te masigi obo sę ebo te augwa be pąde digi ela palio.

Te Israel me Juda Hani Sigo Tuni Bidigo Po Elalubo Buku Si 23:12

Tama te kingo be ugwadu te pedu badu rum habu me deli nigai, te habu badu augwaligo e tama nogi wabo da, te King Ahasgo Be Habu Badu da wabo da. Polobadu te Juda hanigo king bidi dabe augwaligo te me badu alta sai te rum habu badu te be pedu doloba pai pedude te alta sai nigali. Tama te king Manasego te alta sai te sisinibo pesage si elalubo madigi te Genuai Bidigo te be obo bologobea sali tomode elaluali. Tialima, te king Josaiago te tigidali alta sai hųgia sąnama, tama te miminama mu, dwasianunu mu ilali. Tama nosali augwali te alta mimina sąyani, te pobele bage selama, tama augwaligo te Kidron wę elalubo odogo buluba sągi pali.

Te Israel me Juda Hani Sigo Tuni Bidigo Po Elalubo Buku Si 23:6

Tama agai te augwaligo te tibo god we Asera noma nigilama, te Genuai Bidigo tempel bede munaluali piksa noma me sela sąyani, tama augwaligo te Jerusalem bulu tagalama, tama te bulu me odogo te wę Kidron elalubo odogoba selasa pai. Tama te augwaligo siaba ulali. Tama te nosali augwaligo te sisi selama, tama augwaligo haluama, te pauda mu dolo nigali. Tama tilama, augwaligo te pauda selasa pelama, te taun Jerusalem bulude te olo we bidi dabe isali te pubulali gų pageba sąsą biligi pali. Magi baso meni, te Aseraba lotu po wabo nai te dwai dwai nai mu da, te ola momainogo tama tiali.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.

Esekiel 39:29

Tama eno ena mobo bidi augwalibolo mawaibao. Tama eno augwali tudi munu me ma ola magobeo. Ena God Genuai Bidi, eno te tama po te wali dao,” te po wali.

Esekiel 37:25

Tama dage hani bidi dabe tigidali sogo polobadu duga wąį dabe bidali te tǫde bidada paibao. Te da, te eno ena sę bidi Jekopbolo mani te tǫ dao. Tama Devitgo hani bidi me deli augwaligo tomode king tigidali sogo bida bida peyu bidaibao.

Esekiel 37:2

Tama agai ena te bulu odogode odasa bilibadi suali da, eno bidi dili dabe hauwa mu suali. Tama tigidali dili dabe mu wa pai elalubo suali.

Jeremaia 32:36

Genuai Bidigo te tiwai po wali, “Te we bidi augwaligo te po waibao, ‘Te boi bidi dabego daba hwįagaselama, te da nai sǫą palio. Tama dwai gasigo da dolobao. Tama tebo kolesagade te Genuai Bidigo te Babilon kingo te taun somainu ilalio.’ Augwaligo te po waibao. Tialima, ena Genuai Bidi, ena dage Israelgo God, eno te taunde homu koneama, eno te gasa po me elalubao.

Jeremaia 18:7

Me sogo eno te we bidi hani me deliba hanilama weyu, ma te tǫ kantri we bidi augwali me te eno ela gudulama, te aiyaba elaluyu, te dolabo po hanilama, augwaliba wabo dao.

Jeremaia 8:2

Te Juda dabego te giliga, me polua, me hǫ dabe, te godolo homu mu yalio. Tama augwa te nai dabeba kidu sugunama, gedu haluasa po augwaliba weyu, te augwali tau somainu augwaliba hanalu wali. Te augwaligo te tobage kolesaga dabe augwaliba lotu weyu ebo sę dabe yali. Tama tibaso, te boi bidi dabego te Juda dabego tigi dili dabe selama, te tǫba sąyu, te yowigo di tabo tiwai yaibao. Te giligago, me poluago, me hǫ dabego te tigi dili sueibao. Tama te dili dabe selama, te ma pubulabo bidi dabe meni yaibao.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 48:9

God, da te nago tempel bede bidibao, tama dago te nago da sesemane godolo ebo kolesagade te homu kone palubo dao.

Sekaraia 14:11

Tama te Jerusalem we bidi dabe bugagia bidaibao, te magi nai me deligo augwali munu me ma dologobeo.