Jeremaia 31:37 - Godigo dwagi yai po buku

³⁷ Ena Genuai Bidigo, eno te po obao, te bidigo dagalu tigidali badu habu usu sobaso, usu yaibao weyu, te bidi mego te tǫ bulali pageba mu aiya dulama, te tigidali habu badu subaso, usu yaiba obaso da, teda te sogo naga tama eno te Israel we bidi tigidali tudiba mueibao, te augwa yali dwai kolesaga wei ponoyu, tiaibao. Ena Genuai Bidigo, eno te po wai dao,” wali.

Jeremaia 31:37 Referans Kwoze

Aisaia 40:12

Te me deli bidibo bidi agai nogode te tamu ąį tigidali sabua sabo bidi bidiba, agawe? Te dagalu daide ugwadu usu siyu ebo bidi me deli elaluba, agawe? Te tǫ tigidali kabude bubo bidi me deli elaluba, agawe? Te bulu du dabe te skelba munama, skel ebo bidi me deli bidibawe?

Jeremaia 33:22

Te bidi dabegote hǫ dabe me nambisde masigi sani nedainu ebaso, usumu me egobeo. Te tiwai naga, te eno sę bidi Devitgo hanidali, te Livai hani dabe me, te hauwa umabo pedelama, te bidigo nedabo usu egobeo,” wali.

Jeremaia 46:28

Dage Israel, dage eno hani, dage eno sę bidi, me sę ebo we dabe, dage wi me igimio, magi baso meni, ena Genuai Bidi, ena dage dali bidibao. Eno dage sela sąnama, te augwali dali dage bidigi pali hani dabe te eno augwali mu silimainogo yaibao. Dagego te dwai sę yali dao. Tama eno dage dodolobo sę igi menigi da, te dolo meni da. Tama tibaso, eno dage e tǫde sela sąwaibao. Tiali goli, dage da, eno me siligobeo. Mu tama, eno dwai dene dagebolo mawai, tialima, te eno doloba pai kolesaga wali peyu, te eno dage dodolobo sę yai dao,” te po wali.

Bugagia Bidibo Kolesagade Po Asęai Buku 30:4

De te dagaluba ugwa holama, te tǫba aiya ma dulaliwe? Tama dego te asobo wali te nogogo tola saliwe? Tama dego te pǫde wę muani, te bidigo nai me deli te name ugwade munama, tama halubo tiwai yaliwe? Dego te tǫ habu ununani tigidali dąų walama, tama megi tǫ elalubawe? Aga nogi, me aga ogwago nogi de dawe? Te nago koneba, agawe?”

Godigo Nogi Ugwaba Sabo Tęąbi Po Wabo Buku Dabe 89:2

Eno koneani, nago da sesemane bidada pabo sogo wei homu ebo koneani. Awe, te nago mu po te me hasegeligobeo, te dagalu bomo elalubo tiwai gilama elaluaibao.

Jeremaia 30:11

Ena Genuai Bidi, ena dage dali bidibao, te dage tau saibao. Dagego te dwai sę yali dao. Tama eno dage dodolobo sę igi menigi da, te dolo menigi da. Tama tibaso, eno dage e tǫde sela sąwaibao. Te eno dage augwali tomoba te tagala palobaso bidigi pali tǫ pedai kantri dabe te mu silaibao. Tialima, te dage eno me silimainogo egobeo. Mu tama, te eno dwai dene dagebolo mawaibao, tialima, eno te doloba pai kolesaga naga wali peyu, te eno dage dodolaibao,” wali.

Aisaia 65:9

Te eno Juda dabeba wiegi yai sę eyu, te tigidali Israel haniba me tiaibao. Eno augwali te genuai we bidi hani pedalumainu ilaibao, te augwali eno bulu du pesagede bidalumainu yaibao. Te hani we bidi dabe eno augwali sa munama, te eno sę bidi bidimainogo yai, te tǫde augwali bidimainu yai dao.

Jopgo Po Asęani Elalubo Buku 38:18

Te tǫ genuai mu elalubo. Te nago tigidali badu sese koneai dawe? Ma, nago koneani wida, enabolo pusao,” wali.

Aisaia 54:9

“Te Noa bidali sogo, eno te tiwai bomai po dąų weyu, te eno genuai ąįgo te tǫ ma dologobeo wali. Te megi eno te tobage bomai po dąų walaibao. Eno mu po weyu, te eno haliga sębę ma isiąma, te nageba wado iliyu, te nage me dene mabo sę egobeo wai.