Jeremaia 31:35 - Godigo dwagi yai po buku

³⁵ Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Jeremaia 31:35 Referans Kwoze

Jeremaia 10:16

Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.

Aisaia 51:15

“Magi baso meni. Ena da Genuai Bidi, duga God. Eno te tamu ąį hodolama, te genuai ąį dini pedelama, te genuai mumunu ebao. Eno nogi te tiwai, Te Tigidali Bomo Elalubo Genuai Bidi dao.

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Jeremaia 51:19

Tialima, Jekopgo God te tiwai me tegobeo. Aga te gasagi yai tedali mu dao. Agaduba deligo naga te tigidali nai nigali. Te agai Israel dabe sa munama, te aga hani mu tiwai elaluai. Aga nogi e dao, Tigidali Bomo Elalubo Genuai Bidi dao. Babilon te Genuai Bidigo egebe wąbi tiwai dao.

Jeremaia 46:18

Tialima, te king mu bidibo kingo nogi, te Tigidali Bomo Elalubo Genuai Bidi dao, te agai te tiwai po wali, “Ena Genuai Bidi, ena sesemane sogo bidada paibao, eno po dolo obao, bidi me deli asaibao, tama te bidigo bomogo te gasa bidi dabego bomo aiyaba elalueibao, te bulu du Taborgo te gasa bulu du dabe aiyaba elalubo tiwai yaibao, tama te bulu du Karmel te tamu ąį nambisde ugwadu mu elalubo tiwai yaibao,” wali.

Jeremaia 32:18

Sesemane sogo nago olo tau sabo wiegi yai kolesaga te umabo tausen we bidiba ebao. Tialima, te bidi me deligo dwai sę ebaso da, teda nago dwai dene mabo sę agabolo eyu, te aga wai dabeba yaibao, te aga yali dwai sę wei ponoyu tebao. God, nage polalubao, te nago bomo umabo elalubao, nago nogi e tiwai, Tigidali Bomo Elalubo Genuai Bidi dao.

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Aisaia 63:12

Agai te aga genuai bomo te Mosesba mawai. Agai te tamu ąį si badu peda somainu elama, te aga we bidi dabe te ąį nogelama, u badu pedaiba sabolali, tama te kolesagade aga genuai nogi sali, te sesemane elalumainu yai dao.

Aisaia 48:2

Tama duga digi duga nogi ugwaba siyu, te po weyu, dage te God aga digi sa muyu, aga da wali, te taungo hani we bidi da, po wabo dao. Tama dage te Israelgo Godide tau mabo sainu tonalubo dao. Aga nogi da, te Tigidali Bomo Elalubo Genuai Bidi dao.

Godigo Nogi Ugwaba Sabo Tęąbi Po Wabo Buku Dabe 119:89

Genuai Bidi, nago po da, sesemane sogo elalua pidu elalua paibao. Te nago bidibo bulude nago pogo bomo munu me siligobeo.

Godigo Nogi Ugwaba Sabo Tęąbi Po Wabo Buku Dabe 106:9

Agai te nosa elaluali tamu ąįba po bomonama obaso, tama tamu ąį te wa pai tǫ tiwai pedelali. Tama agai te we bidi dabe peyu, tama augwa te tamu ąį nogegi pali, te bidi te wa pai tǫdu pabo tiwai ąǫ yai dao.

Godigo Nogi Ugwaba Sabo Tęąbi Po Wabo Buku Dabe 89:2

Eno koneani, nago da sesemane bidada pabo sogo wei homu ebo koneani. Awe, te nago mu po te me hasegeligobeo, te dagalu bomo elalubo tiwai gilama elaluaibao.

Godigo Nogi Ugwaba Sabo Tęąbi Po Wabo Buku Dabe 78:13

Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

Godigo Nogi Ugwaba Sabo Tęąbi Po Wabo Buku Dabe 74:16

Nago te be posobo me be hulibo nigali, tama nago te giliga me polua te ugwadu muai elalubao.

Godigo Nogi Ugwaba Sabo Tęąbi Po Wabo Buku Dabe 74:13

Te nago bomode naga, nago te genuai tamu ąį togolama, tama me badu buga siyu, meba buga siyu elama, dolaluali. Tama nago te Isip we bidi dabe dolali. Augwali te tamu ąįde moni sųgų tiwai yalio.

Godigo Nogi Ugwaba Sabo Tęąbi Po Wabo Buku Dabe 72:17

Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.

Godigo Nogi Ugwaba Sabo Tęąbi Po Wabo Buku Dabe 72:5

Te giliga me polua ula elalubadi, te naga we bidi dabego nageba lotu po omainu yao.

Jopgo Po Asęani Elalubo Buku 26:12

Polobadu Rahap, te moni hwa gula tamu ąį hasamani da, te Godide tobolu gagea pai dao. Tiali goli, Godigo bomo dali, aga dwagi yai kolesaga dali sigo pode Godigo te Rahapgo bomo aiyaba elaluai dao. Tama agai tamu ąį dua bidimainu yai dao.

Jopgo Po Asęani Elalubo Buku 38:33

Nago te dagalude hǫ dabego wali pabo bomai po page nago konealubadi bogo, agawe? Nago te tǫde nai dabego me te po wali pomainu yaibawe?” Godigo Jopbolo te po hanalu wali.

Godigo Nogi Ugwaba Sabo Tęąbi Po Wabo Buku Dabe 119:91

Naga digi nago po wali gilama te tigidali nai sibi te polobadu elalua asali, megi e sogoba usu nagaselama, megi me elalubao. Magi baso meni, tigidali nai sibigo nago sę naga ebao.

Godigo Nogi Ugwaba Sabo Tęąbi Po Wabo Buku Dabe 148:6

Agai te po wali gilama tama augwa te bidimainu yali pesagede mu sesemane sogo bidibao, tama te agai po munu me siligobeo.

Jeremaia 33:20

“Ena Genuai Bidi, eno po dolo obao, eno bomo yai podąų wali po te giligade me hulide dali yali, te augwa sisesemane sogo eno augwa siba dąį ilali sogo pedaliyuyaibao. Tama eno te dąų wali bomo yai po bidi medeligo me hasegelabo usu egobeo.

Jeremaia 33:25

Tialima, ena Genuai Bidi, eno po dolo obao. Eno dąų walali bomo yai po te giligade dali, hulide meeno bomo yai po tigidali te dagalude me tǫde muai dao.

Hosea 13:14

Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Amos 9:8

Ena God, Genuai Bidigo, eno dage Israel we bidi dabego kolesaga bugagia subo sę idubao, magi baso meni, te dwai sęgę dagede mu pągąnalubao. Tama tialima, te eno dage dolama, te dage mu silaibao. Tiali goli, eno te Jekopgo hani me badu naga bidimainu sula tagalaibao. Eno augwali tigidali mu me dologobeo,” wali.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.