Jeremaia 31:32 - Godigo dwagi yai po buku

³² Te dąų wabo bomo yai po te polobadu eno duga wąį nǫų dabe dali yali tobage tiwai meni, te eno augwali te Isipde selama, te augwali nogo tolasa odasa asai. Augwali te eno we tiwai bidibaso, te ena, Genuai Bidi, ena te augwa bidi tiwai bidali. Tiali goli, augwaligo te polasa dąų wai elaluali bomo ya i po te bolai dao.

Jeremaia 31:32 Referans Kwoze

Bomai Po 5:3

Agai te dąų walali po te dago wąį dabe dali naga dąų walai menio. Menio. Agai te po dąų walali te da megi e bidibo bage da dali me dąų walali dao.

Bomai Po 1:31

Me, te nai meni yai kemi sane bulude yali me. Dagego gedugo polobadu suali, agai dage odasa asiyu yali kolesaga, me megi dage e bidibo te buluba me te sabalobao. Te da, te aya me deligo aga wai nogode tolasa bilibo tiwai te ebao.’

Ma Dobola Sali 19:5

Tama dagego megi eno bomai po dąų olama, tama eno po mu wali peyu da, teda dage eno gasagi yai tedali we bidi hani pedelaibao. Tigidali tǫ me, tigidali we bidi me, te eno naga, tiali goli eno dage sa munama, hagea siyu, tama dage ena we bidi mu bidaibao.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Dwagi Yai Gesi Po Jongo Asęani 3:29

Tama tibaso, bidi me deligo we sobaso da, te we te bidigo sali we dao. Tama te bidi aga abagi dolaluyu, aga abagigo po odobao. Tama we sali bidigo po wabode, tama aga abagi megi tama dwagi yai homu ebo dao. Tama te tiwai, Jisas aga sę megi e baso, tama ena dwagi yai homu mu ebao.

Hosea 3:1

Genuai Bidigo enabolo te tama po ma wali, “Nago te naga we godolo ma yao, megi da agai te gasa bidi dali penani yali te palia salio. Nago aga godolo mu eyu, te eno ena we bidi Israel dabe, augwali godolo mu ebo tiwai gilama yao. Mu tama, te augwaligo ena tagalama, te tibo godiba pelama, tama augwaligo te olali wain wai dabe te tibo godiba ofa yainu sali. Tiali goli, tagalao, eno te Israel dabe godolo mu idubo dao,” wali.

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Pris Sę Ebo Bomai Po 26:15

“Te dagego eno bomai po me eno po dali te tudiba munama, tama eno dage dali te dąų wali bomai kontrak te dagego togwali da,

Hibru 8:9

Te megi e sogo te dąų wabo gesi po polobadu eno te augwa wąį dabe dali dodolama dąų wali po tiwai me ebeo. Menio. Polobadu te eno augwali te Isip tǫ taga somainogo te eno augwali nogo bugagia tulama soali sogo te eno augwali tau sabo po dąų wai. Tiali goli augwaligo eno augwalibolo mani dąų wali po te pode augwaligo augwa homugo kęą pisiąma tama te po wali me pabeo. Tama tibaso, augwali eno tudiba munama tagalali,’” Genuai Bidigo te po wai.

2 Korin 11:2

Te gasa bidi dabe augwaligo te dagego Krais wali pabo kolesaga dolidali weyu, eno augwalide dwai homu ebo dao, te Godigo augwalide dwai homu ebo tiwai gilama. Magi baso meni. Bidigo aga penani sę munu me isąwai wiegi yai bidibo gesi wegi noma te bidi delibolo naga mabo tiwai, te eno dage te bidi deligo naga somainogo eyu sa muanio. Eno dage Kraisbolo maiabo homu ebo dao.

Dwagi Yai Gesi Po Makgo Asęani 8:23

Tialima, Jisasgo te gedu widai bidigo nogo tola selama, tama agai aga te buluba odasa soali. Tama agai te bidi geduba pesa sąnama, tama aga geduba te nogo ugwadu munama, tama agabolo hanalu wali, “Nago te nai me deli subowe, ma meniwe?”

Hosea 11:1

Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Hosea 2:2

Godigo te tiwai po begelama, te aga we bidiba wali, “Eno wai dabeo, dagego ida te eno we da homu me elalugobeo, tama ena te agai bidi ma elalubeo. Tiali goli, dagego aga dali konila po weyu, agaba bomonama hanalu, te penani ebo kolesaga tagalao po wao.

Esekiel 23:4

Te gomunai wegi nogi Ohola, te Samariade po kisilama wali, te Israel tǫ not badu kantrigo genuai taun da. Te tomo wegi nogi da, Oholiba, te Jerusalemde po kisilama walio, te Juda tǫ kantride saut badu elalubo genuai taun dao,” wali. “Tialima, eno te wegi si sali, te augwali sigo eno wai dabe ame nanio.

Esekiel 20:37

“Tama te bulude te dagego eno bomo yai dąų wali po wali pomainogo yaibao. Te eno dage deli deligo kolesaga dagalaibao.

Jeremaia 34:14

‘Te a naga olama, me badu si te kibu be tigidalide, dagego te duga abagi dabe te olo sę ebo bidi me we dabe te tagala palama, te augwa olo pomainao. Te abagi dabe dagego olo sę ebo bidi, me olo sę ebo we dabe, te dagede olo sę ebaso da, teda augwaligo dagego sę ebo te kibu be a naga me badu delide naga sę emainao, tama nosali dagego augwali olo tagala palao.’ Te dagego wąį dabego te po koneani, tiali goli, augwaligo eno po odama, te augwaligo wali pabeo,” wali.

Jeremaia 31:1

Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Jeremaia 22:9

Te augwade digi po wei ponoyu, te tiwai po waibao, ‘Te page e tama elalubao. Te hanigo te Genuai Bidi augwa Godigo dąų walali bomo yai po tudiba munama, tama augwa te gasa god dabe wali pelama, augwaliba lotu obaso, te tiwai sę yai dao.’ Augwaligo te po waibao.”

Jeremaia 2:2

“Nage pelama, Genuai Bidi eno te po te Jerusalem dabeba pusugi pao,” wali. “‘Eno homugo dage homu konealudu, dage eno we bidi hani pedelali sogo dagego duga homu enaba kęą pai. Te sogo dagego ena godolo mu yali, te gesi tamadi sai wego aga bidi godolo mu ebo tiwai yali. Te Isip tǫ kantri tagalama, dagego te dwai masigi kemi olo tǫ bulude, te bidi dabego gi bulusiąwai pesagede bilali goli, te dagego ena wali piduai dao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Aisaia 41:13

Ena Genuai Bidi, te duga God dao, eno dage ugwaba sagualu tonalu, te eno te tiwai po dageba obao, dage wi me igio. Te eno dage tau saibao, te po wai dao.”

Aisaia 24:5

Te tǫ te we bidigo dwai meda yai kolesagago meda ilalio. Augwaligo te Godigo bomai habu selali poba tudi ola menama, tama agai po sela sąnama, tama augwaligo God aga dali dąų walali po toga sąyu yai dao. Teda te aga dali tigidali sogo bidiabo dąų wali po augwaligo sela sąwai dao.

Solomon 8:5

Te wa pai bulude bidali tagalama asali, te mena we dawe? Agai aga abagi wali bidi nogo tolasa, augwa si asobao. Da te ni laulau tįwai madi dologode bidalu, tama eno nage hodolali. Naga idago nage te ni dologode ame nai dao.

Godigo Nogi Ugwaba Sabo Tęąbi Po Wabo Buku Dabe 73:23

Tiali goli, ena nage dali sesemane bidibaso, tama nago ena nogo tolalubo dao.

Te Israel me Juda Hani Sigo Tuni Bidigo Po Elalubo Buku Deli 8:9

Te halobage tomode te hauwa nai me munalubeo. Te Godigo bomai po elalubo masigi sawali si elaluali, te naga munaluali. Polobadu te Israel dabego te Isip bulu taga soyu, te Sainai bulu duba bidagasali sogo, tama Genuai Bidigo bomai po augwali dali dąų wai. Te dąų wali bomai po te masigi sawali side asęai elaluai, tama Mosesgo te masigi si te halobage tomoba muai dao.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

Bomai Po 29:1

Te Genuai Bidigo Israel dabe dali te kantri Moapde dąų wali po page dabe te e dao. Agai te Israel dabe dali kontrak po dąų wali po wadolama, ma wali, te Sainai bulu dude polobadu wali po.

Bomai Po 29:21

Tama Genuai Bidigo te bidi deli naga dįą selama, dene menama, tama aga mu doloba usu naibao. Te Genuai Bidigo te tigidali dwai sę aga tigide yaibao, tama aga mu tama dolaibao, te agai e bukude wali gilama, te bomai po bukude wali gilama, agai te kontrak dąų walali po wali pisąma yali bidide te sę yaibao,” wali.

Bomai Po 5:2

God, dago Genuai Bidigo, da dali te Sainai bulu dude po dąų walai dao.

Jeremaia 11:4

Te dąų wabo bomai po te eno duga wąį nǫų dabe te Isipdu odasa asali sogo mawai dao. Augwaligo te Isip taga soali sogo, te sia posolo tiwai mu yali bulu, te eno augwaliba te tama po wali, “Dagego eno po tigidali wali pobaso da, teda dage eno we bidi hani bidiyu, te ena dagego God bidaibao.

Jeremaia 34:13

“Ena Genuai Bidi, ena te Israelgo God dao, eno bomo yai po dagego wąį nǫų dabe dali dąų wali. Eno augwali te Isipde sali, te kalabus sę yali bulude, tama eno augwali odasa aselama, tama nosali eno te bomo yai po augwali dali dąų wali. Te dąų wali bomo yai pode te tiwai po wali,

Ma Dobola Sali 32:8

Tama eno po weyu, augwalibolo te wali pao wali tų polo geda munama, tama augwaligo te bulmakau wai te golgo nigilama, tama agabolo lotu po weyu, tama agabolo ofa ilibao. Tama augwaligo te po wai, ‘Odao,’ wali, ‘te aga dago god dao. Agai da Isipde selama, odasa asai dao.’ Te po megi obao.

Bomai Po 29:24

Tama te tigidali bulu tǫ we bidi dabego hanalua paibao, ‘Magi baso Godigo te Israel dabe augwaligo bulude te tama tialiwe?’ te po weyu, ‘Magi baso agai augwali dali sębę dwai mu yaliwe?’ te po waibao.

Bomai Po 31:20

Eno augwali te wiegi yai buluba odasa painogo ebao. Te agai tǫ ili hauwa elalubo, te eno augwaligo wąį dabebolo po dąų walali gilama tama. Tama te bulude da, augwaligo nai hauwa mu saibao, tama augwali wiegila mu bidaibao. Tama tialima, te tama tibo sogo augwaligo ena tudiba togolaibao, tama tibo godiba lotu po waibao. Te augwaligo eno dąų walali po togwaibao.

Godigo Nogi Ugwaba Sabo Tęąbi Po Wabo Buku Dabe 78:37

Augwaligo agai po wali me pabe, tama augwaligo te aga dali dąų walali bomai po bolama, togalio.

Jeremaia 11:3

wagi pao. ‘Ena Genuai Bidi, eno duga Israelgo God, eno te po obao, mena bidigo eno bomai dąų wabo po me wali pisąbaso da, teda aga dolaibao.

Godigo Sęba Tagala Palai Bidigo Po 23:19

Te ami hani tobolu bidigo te gesi bidi nogo tolasa, augwali si gasa habuba bidi meni yaiba pelama, agai te gesi bidibolo hanalu wali, “Nago homugo magi po enabolo waiwe?” wali.