Biblia Todo Logo
Bib sou entènèt

- Piblisite -




Jeremaia 31:30 - Godigo dwagi yai po buku

30 Menio. Te sogo da, te bidigo dwai sę me ebaso da, te aga digi naga isaibao, te aga wai dabe tede isigobeo. Te bidigo te tau isąwai wain du tuali tiwai ebaso, te aga pedauwalide digi naga ha yaibao,” wali.

Gade chapit la Kopi




Jeremaia 31:30
14 Referans Kwoze  

Te sęgę sali bidi, te aga naga isaibao. Te ayago sęgę sai baso da, teda te ogwago mena dwai sę me isąwani, tama agai te ayago yali sęgę tolabo usu munu me egobeo. Te ogwago dwai sę ebaso da, teda ayago te magi dwai sę me isąbaso, te ogwago sęgę agai me tologobeo. Doloba pai bidigo te aga yali doloba pai kolesagade te wiegi yai mone sabo tiwai eyu, te dwai sę ebo bidigo te aga yali dwai kolesagade sęgę tolobo dao,” wali.


Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.


Magi baso meni. Godigo tigidali bidi deli delibolo augwaligo e tǫde yabo sę tedali tedali dobolama mawai dao. Tama tiyu, tama augwali deli deligo te mani sę te ni nagede tolobo tiwai ebo dao.


“Te aya idago bidibo ula tigidali, me te wai dabego bidibo ula eno nogode naga elalubao. Tama tibaso, te bidi deligo te sęgę sabo dwai sę ebaso, te bidi naga isaibao,” te po wai.


“Tialima, te niwai bidi mego dwai sę yaibaso da, teda dagego aga ida ayaba te sę wei ponamo dao, tama augwali si elama, isilamo dao. Te tiwai naga, te aga ida ayago dwai kolesaga yaibaso da, dagego te augwaligo wai puluba me ela munamo dao. Dagego te dwai kolesaga yali bidi deli digi naga ela muao,” wali.


Tialima, te doloba pai bidigo aga te doloba pai kolesaga tagalama, tama dwai kolesaga ebaso da, teda aga isaibao.


Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.


Eno te doloba pai bidi dabebolo augwali bugagia bidaibao po wabo dao. Tiali goli, bidi mego homugo agai yali wiegi yai kolesagago aga tau saibao olama, tama agai doloba pai kolesaga tagalama, tama agai dwai sęgę sabo sę eyu da, teda God eno agai polobadu te yali doloba pai kolesaga kone me egobeo. Menio. Megi aga dwai kolesaga yai baso da, teda aga isimainao.


Tialima, eno bidi mego dwai kolesaga ebo subaso da, tama eno aga isaibao obaso da, teda nago agabolo pusao. Nago agabolo agai homu kolesaga, me agai ebo kolesaga hasegeleyu yao po wao. Tialima, nago agabolo wasiąma yali da, teda agai sęgę me tama elaluaibao, tama aga isaibao. Tiali goli, eno gedude da, teda nago dagede aga isaibao.


Tialima, te Godigo Mobo Noma Bidi enaba aselama, ena hodolobaso, ena dologulali. Tama Genuai Bidigo enabolo te tiwai po wali, “Tǫde bidio, naga buluba pelama, te naga be tomoba bula sigi pelama, te sunumi paliao,” wali.


Tiali goli, agai te gavman ofisa bidigo wai dabe da me elebe. Menio, tama agai te bidimainu sulama tagalali. Agai Genuai Bidigo bomai po te Mosesgo te polobadu Israel we bidibolo mawai, te bomai po elalubo bukude sulama, wali pali. Te Genuai Bidigo po e tama tiwai, “Tialima, bidi me deligo waigo kolesaga geda mugi sobaso da, teda dagego te wei begelama, te aga ida aya ela mugio. Tama tialima, aga ida ayago kolesaga geda muai baso da, teda dagego te ida aya naga dagego ela muao. Dagego te kolesaga wei ponoyu, te augwaligo wai puluba ela mugio. Bidigo kolesaga dwai ebaso da, te aga deli naga ela muao,” te asęani po te Amasiago wali peyu yali.


Awe, augwa digi sulama, dene konemainu te Godigo sębę, te God Tigidali Bomo Page Bidi.


Swiv nou:

Piblisite


Piblisite