Jeremaia 31:29 - Godigo dwagi yai po buku

²⁹ Tama te sogo da, dagewe bidi dabego te tiwai po begelama, munu me wagobeo, ‘Te aya idago te wain du tau isąwai tuali. Tialima, te augwa wai puluba pedauwalide ha yalio,’ me wagobeo.

Jeremaia 31:29 Referans Kwoze

Te We Bidi Dabego Jerusalem Hagede Gela Wali 5:7

Dago wąį dabe augwaligo polobadu te dwai sę yai digi, augwali polo isila palio. Tama megi da, da augwaligo dagede da sęgę tolobao.

Jeremaia 31:30

Menio. Te sogo da, te bidigo dwai sę me ebaso da, te aga digi naga isaibao, te aga wai dabe tede isigobeo. Te bidigo te tau isąwai wain du tuali tiwai ebaso, te aga pedauwalide digi naga ha yaibao,” wali.

Bomai Po 24:16

“Tialima, te niwai bidi mego dwai sę yaibaso da, teda dagego aga ida ayaba te sę wei ponamo dao, tama augwali si elama, isilamo dao. Te tiwai naga, te aga ida ayago dwai kolesaga yaibaso da, dagego te augwaligo wai puluba me ela munamo dao. Dagego te dwai kolesaga yali bidi deli digi naga ela muao,” wali.

Jopgo Po Asęani Elalubo Buku 21:19

Bidi dabego te po wabo dao, ‘Godigo dwai sę ebo bidigo wai dabe dolobo dao,’ wali, ‘augwa ayago dwai sęgę wei ponoyu.’ Tiali goli, eno homugo te kolesaga dolo meni. Teda Godigo te dwai bidi dabe augwa tigide digi te dene maiabo goli da, teda augwaligo koneaibao, Godigo augwa dwai sę dolo ponobo dao.