Jeremaia 31:27 - Godigo dwagi yai po buku

²⁷ “Ena Genuai Bidi, eno te tiwai po wai, eno tebodolu me deli munama elalubo, tama te sogo eno te webidi dabe, me te hasa sibi hauwa, te Juda tǫde me Israeltǫde pedalumainogo ilaibao, te bidigo gide sę elama, naihauwa pedalubo tiwai yaibao.

Jeremaia 31:27 Referans Kwoze

Hosea 2:23

Tama eno te ena we bidi te tǫba munama, tama augwali te eno nigali wiegi yai gi tiwai pedelaibao. Polobadu eno ena we bidibolo te tama wali, ‘Eno Dage Godolo Me Ebeo,’ wai. Tiali goli, nosali te eno augwali godolo mu yaibao. Polobadu eno augwaliba te tiwai po wali, ‘Dage Eno Menio,’ wali. Tiali goli, nosali eno te tiwai po waibao, ‘Dage Te Ena We Bidi Mu Dao,’ waibao. Tama te augwaligo te tiwai po wei ponaibao, ‘Nage dago God mu dao,’ waibao.”

Esekiel 36:11

Tama te we bidi dabe me dagede bidibo hasa dabe hauwa mu pedelaibao. Tama te we bidi tigidali pesage badu polobadu bidali yali gilama yaibao, tama eno dage dali wiegi yai kolesaga mu yaibao. Tama te kolesagago da, eno polobadu yali kolesaga edelama mu yaibao. Tama dagego bugagia mu koneaibao, ena deli naga ena Genuai Bidi dao homu yaibao.

Esekiel 36:9

Eno dage bulu du dabe dali wiegi yai sę yaibao. Tama tialima, eno te Israel dabe augwaligo dagede gi dabe ma emainu yaibao.

Sekaraia 10:9

Mu tamao, eno augwali gasa tǫ kantriba gugula palama, teba bidigi pomainu ilali. Augwali te digibulude bidaluali, tiali goli augwaligo ena homu kone palobo sę me gegeda palogobeo. Te hani dabe augwa wai puluba dabe dali te augwali bugagia mu bidama, te tigidali deliba sisinama, te augwa page buluba ma asaibao.

Jeremaia 30:19

Tama te Israel dabego enaba buba hwi wabo tęąbi po waibao. Te augwa tęąbi weyu, wiegi yai pemene yaibao. Te eno augwali hani genuai pedalumainogo elama, te augwali dwasianu hani me bidigobeo. Tama te gasa we bidigo augwali haniba te genuai nogi momainogo elama, tama te hani dabego augwali nogi aiyaba elalumainogo me egobe dao.

Bomai Po 30:9

Tama Genuai Bidigo dagego tigidali sę dabe wiegi yai pedalomainu yaibao. Tama dagego wai bǫų dabe hauwa mu elama, me kau kibu dabe hauwa mu yaibao. Tama me dagego gide nai dabe hauwa mu holaibao. Tama Genuai Bidigo dagebolo nai hauwa mabo agai wiegi yai homu pemene mu yaibao, te agai dagego wąį dabe dali polobadu yali gilama.

Esekiel 36:10

Tama eno Israel we bidi hauwa mu pedelemainu ilama, tama augwali dagede bidimainu yaibao. Tama augwaligo te taun dabe ma geseleyu, me te boi bidi dabego dolali bulu dabe ma dodoliyu yaibao.

Godigo Nogi Ugwaba Sabo Tęąbi Po Wabo Buku Dabe 107:41

Tiali goli, te magi doado bage meni yai bidi dabe te dwai bidibaso, agai augwali tau sali. Tama agai te augwaligo wai dabe te hauwa te sipsip dabe tiwai pedalumainu yai.