Jeremaia 31:25 - Godigo dwagi yai po buku

²⁵ Te bidi me deligo tigi bomo silibaso da, teda eno aga dąų walaibao. Tama te bidi aga haliga sęgę elalubaso, te eno agai haliga usu naibao,” wali.

Jeremaia 31:25 Referans Kwoze

Matyu 5:6

Tama te doloba pai kolesaga sainogo bomo eyu godolo ebo we bidi dabe augwali wiegi yai homu pemene emainao. Te homu tiwai ebo we bidi dabe augwaligo homu kolesaga te Godigo augwali mu usu nama te tiwai pedelaibao.

Dwagi Yai Gesi Po Jongo Asęani 4:14

Tialima, bidi me deli eno mabo ąį tuyu da, tigidali sogo te bidi ąį nogone ma egobeo. Te ąį eno mawainogo ebo ąįgo da, te tama tiaibao, te ąį da bidabo bomo mabo wę ulu pedalubo ąǫ te bidi tigi tomode tiwai yaibao. Tama te ąį tigidali sogo pedaliyu, te bidi mu bidada peyu, mu bidada paibao,” Jisasgo te po wai.

Matyu 11:28

“Dage we bidi dabe sę dene genuai eyu sęgę yai nai tolobo tiwai we bidi dabe, dage tigidali enaba asao, te eno dage tau siyu, tama dagego toma tueibao.

Godigo Nogi Ugwaba Sabo Tęąbi Po Wabo Buku Dabe 107:9

Agai te wę nogonego dogoni wa sali we bidi dabeba te wę mayu, tama augwa te wę tulama mu usu yali. Tama agai te nai hauwa te nasi ebo bidi dabeba menama, tama augwa te dwagi yai nai tulama, tama augwa tabi pągąna pali.

Jeremaia 31:14

Te we bidi dabego ofa hauwa enaba selasa asaibao. Tama tibaso, te pris dabe augwa nai hauwa elalueibao. Tama eno te wiegi yai nai hauwa te eno we bidi dabeba mawaibao. Ena Genuai Bidi, eno te po wai dao,” wali.

2 Korin 7:6

Tiali goli God da, te sęgę elalubo bidigo homu dua nagame ilibo bidi dao. Agai te Taitus da bidibo madi asobogo agai da wiegi yai homu nagame ilai dao.

Aisaia 50:4

God Genuai Bidigo enabolo te wiegi yai po wabo kolesaga ola mawai, tama eno te wiegi yai po te bomo meni yai we bidi dabego haliga dąų walu, waibao. Tigidali sogo kigamude agai enabolo te wiegi yai gesi sę po ola mawainu ebo po odabo homu godolo mu ebo dao.

Dwagi Yai Gesi Po Lukgo Asęani 1:53

Agai te nasi ebo bidi dwagi yai naigo tabi pągąlobo dao. Agai te sibage hauwa mubo bidi olo dali gudula palobo dao.

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Aisaia 40:29

Genuai Bidigo te bomo meni yai bidi dabe dąų walobaso, te dili bomo kimi silai digi, te agai augwali bomo selama, bidimainu ebo dao.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Esekiel 34:14

Tama augwali Israel dabego bulu du dabede bidiyu, te wiegi yai nosai dabe tuyu bidaibao.

Godigo Nogi Ugwaba Sabo Tęąbi Po Wabo Buku Dabe 23:3

Agai enabolo gesi bomo mabo dao. Tama agai ena te doloba pai sunumidu odasa pabo dao, te agai tama tiaiba po polobadu wali gilama ebo dao.

Aisaia 41:17

“Te eno we bidi dabe te ąį mu sǫą pelama, te augwali dogoni te ąį tuabo wa pali sogo, te augwaligo ena i obaso, tialima ena, Genuai Bidi, te eno augwaligo gedu haluasa po wabo odaibao. Ena, te Israelgo God, te eno dage homu kone me gegeda palogobeo.