Jeremaia 31:23 - Godigo dwagi yai po buku

²³ Israel hanigo God, aga Tigidali Bomo Elalubo Genuai Bidi, agai te tiwai po wali, “Nosali eno te kantri Juda bugagia elalumainogo yaibao, te Juda dabe augwatǫ te augwa taunde bidaibao. Te augwa te po waibao, ‘Nage Genuai Bidigo bulu du, Genuai Bidi nagede bidiyu, te wiegi yai doloba pai kolesaga mu ebao. Genuai Bidigo nageba wiegi yai sę bugagia mu emainao,’ te po waibao.

Jeremaia 31:23 Referans Kwoze

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.

Jeremaia 50:7

Te subigila bidi hanigo augwali sulama, te augwali dolali. Tama te boi bidi dabego te tiwai po wali, ‘Te dago augwali dolabo page elalubaso, me dolobeo. Magi baso meni, augwa digi te Genuai Bidiba dwai sę yali. Genuai Bidi da, te augwali bugagia toma neyu, bidabo pesage tiwai elalubao. Te augwa wąį nǫų dabego konealubo homu dąų olama, te agai augwali tau somainogo tonaluai. Aga te augwaligo Genuai Bidi dao,’ te boi bidi dabego te po waibao,” wali.

Aisaia 1:26

Tama eno dwagi yai tobolu bidi me, po tų dodola mu odabo bidi dabe ena digi dąį ilaibao, te polobadu nago bidali bidi dabe yali gilama. Tama bidi dabego nage nogi te doloba pai kolesaga ebo hanu dao waibao. Tama Godigo po dolo wali pabo hanu dao waibao.”

Maika 4:1

Te me sogo si deli te nosali pedalubo side te bulu du, te Genuai Bidigo be elaluali madi, te daide mu elalu, te gasa bulu du tigidali aiyaba elalueibao wai. Tama we bidi hani hauwa teba sisinagasaibao.

Obadia 1:17

Te Genuai Bidigo te tiwai po ma wali, “Tialima, meba te bulu du Saionde bidali te me dologobeo, tama te Saion bulu du te ena bulu mu pedelaibao. Tama te Jekopgo hanigo te eno augwali mani tǫ te augwa ma saibao.

Jeremaia 30:18

Genuai Bidigo te tiwai po wali, “Eno te olo mu tau sabo wiegi yai kolesaga te Jekopgo haniba elama, augwali tau saibao. Te augwaligo augwa bidabo be dabe sęnama, te augwa tǫde bugagia ma bidaibao. Tama augwa te Jerusalem taun ma dodolama, te polobadu elaluali pesagede ma nigaibao. Tama augwa te kingo be aga elaluali pesagede ma sę yaibao.

Aisaia 60:21

Te sogo te nago we bidi tigidaligo doloba pai kolesaga naga eyu, te eno augwa tǫ da olama, sa muani tǫ te augwa saibao, tama augwa tede sesemane bidada paibao. Te ena nogogo digi eno augwali te deli hani we bidi pedalumainu ilali, tama augwali te eno bulai ni nologo tiwai pedelali. Eno tama tiali, te gasa hani we bidi dabego sulama, te enaba genuai nogi momainogo tiai dao.

Aisaia 1:21

Mena tama te pedalaliwe? Hanu Jerusalem, polobadu nago eno po wali dolo pai dao. Tiali goli, megi da, nage penani we gaga wali. Tega! Polobadu nagede bidali bidi dabego te po tų dodolobo kolesaga dolo yai dao. Awe, polobadu nage te dwagi yai doloba pai kolesaga ebo bidi dabego pągąwai dao. Tiali goli, megi da, nage bidi ela mabo bidigo pągąyani.

Godigo Nogi Ugwaba Sabo Tęąbi Po Wabo Buku Dabe 134:3

Genuai Bidigo te dagalu me tǫ nigali, tama te Saionde bidiyu, eno homugo agai dage dali wiegi yai sę emainao.

Godigo Nogi Ugwaba Sabo Tęąbi Po Wabo Buku Dabe 129:8

Tama te we bidi dabe augwali pąba pobaso, te augwaligo te tama po me wagobeo, “Te dago homugo Genuai Bidigo nage wiegi yai sę yaibao. Te Genuai Bidigo nogide, dago dagebolo te tobage wiegi yai po mobao,” augwaligo te tobage po wagobeo.

Godigo Nogi Ugwaba Sabo Tęąbi Po Wabo Buku Dabe 128:5

Genuai Bidi te Saionde bidibao, eno homugo agai te nage wiegi yai sę ilaibao. Me eno homugo te tigidali sogo nage te tǫde bidibo sogo te nago te Jerusalemde tigidali nai te bugagia mu pedalubo suaibao.

Godigo Nogi Ugwaba Sabo Tęąbi Po Wabo Buku Dabe 28:9

Genuai Bidi God, naga we bidi dabe tau siyu, tama naga te sa muani we bidi hani dabe bugagia wiegi yai ilao. Nage te augwali tonalubo bidi bidiyu, tama augwali te bidada peyu, bidada pabo sesemane sogo bugagia tonaluao.

Rutgo Po Elalubo Buku 2:4

Tama nosali gana, Boas agaduba digi aga te Betlehem hanude bidali tagalama, aga sę ebo bidi dabe augwali pageba sabolama, tama siade da weyu, te po wai, “Eno homugo te Genuai Bidi dage dali bidimainao,” wali. Tama augwaligo po wei ponoyu, te po wai, “Genuai Bidigo wiegi yai sę nagebolo ilimainao.”

Jeremaia 32:44

Te bidi dabego tǫ abelama, te tǫ abelali dąų wabo bomo yai po asęaibao. Tama te bidi mebago gedude te augwa dąų wali po bebelama, te augwa dąį te mueibao. Te bidi dabego tǫ abelama, bidibolo mayu ebo te Benjamin hanigo tǫ me, te Jerusalem pąde tǫ me, Juda gasa taun dabe badu me, te bulu dude me, te Juda pedai saut badu me, te giliga degasa dulubo dwasianu bulu badu me, te tǫ abelama bidibolo mabo sę eyu yaibao. Te tama te sogo eno te Juda tǫ kantri bugagia ma bidimainu yaibao. Ena Genuai Bidigo, eno te po wai dao,” wali.

Aisaia 11:9

Te Genuai Bidigo bulu du ugwadu te tigidali nai dabe augwa hasi bugagia deliba bidaibao. Te mego me dali dwai sę me egobeo. Magi baso meni. Te tigidali tǫde nai dabe sesego Genuai Bidi mu konea pela silaibao. Te kolesaga te tigidali tǫ mu usu nigi paibao, te tamu ąįgo aga dąįba usu nani tiwai yaibao.

Aisaia 32:16

Te wiegi yai doloba pai kolesagago naga te tigidali tǫ dabe tonaluaibao. Te po tų dolo naga dodolobo kolesagago te we bidi dabe bugagia dodolaibao.

Aisaia 33:5

Genuai Bidi aga genuai nogi mu elaluyu, tama aga bulude ugwade mu bidibao. Tama agai aga doloba pai kolesaga dali, agai po tų dolo naga ebo kolesaga dali, te tigidali Jerusalem tǫde pągąna paibao.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.