Jeremaia 31:22 - Godigo dwagi yai po buku

²² Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Jeremaia 31:22 Referans Kwoze

Jeremaia 49:4

“Amon, nago koneai, te nago odogo malu bulu te mu polalubao, te nago sesemane sogo nago te bulude wiegi yai nai hauwa pedalubo po minama, te pemene ebao. Nage hagoma ebo we, magi baso nago te tiwai po wabo dawe? Nago te naga mone me doado bagede homu kone palama te po wali, ‘Dego ena dali hwįagasaibawe?’ wali.

Jeremaia 7:24

Eno te tama po wali, tiali goli, augwaligo te po odama, te augwaligo wali me pabeo. Augwa te dwai kolesaga naga yabo homu elalu, te augwa hagoma eyu, te augwa homugo digi ebo sę wali piduali. Tama te ebogo augwali tau me sabeo. Menio. Augwa digi augwa aiyaba elalubo sę yali.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Hosea 8:5

“Eno te bulmakau gol te Samaria dabego nigali te lotu wabo eno hagela mu yai. Eno wado po dwai mu augwaliba wali. Eno homu augwa te dwai kolesaga polo tagalomainu yai. Tiali goli, te me tebeo.

Hosea 4:16

Te Israel dabe augwali te hagoma ebo bulmakau dabe tiwai yai. Augwaligo homugo te eno augwali te sipsip tonalubo bidigo te aga sipsip dabe tonalubo tiwai yaibao homu yali. Tiali goli, augwali te hagoma mu eyu, te eno usu me egobeo.

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 3:6

Te Josaia king bidali side, Genuai Bidigo enabolo te tiwai po wali, “Nago te enaba homu kęą pabo kolesaga tagalali we Israelgo ebo dwai kolesaga suyu digi eba, agawe? Aga te tigidali bulu duba holama, me te tigidali genuai ni dologoba pelama, te dwai penani kolesaga ebo dao.

Jeremaia 2:36

Nago sunumi me deli wali pali, te polo tagalama, te nago gasa sunumi wali pobao. Te Isip dabego nage tau sisąbaso, te nage dwai hale siyu, te nage Asiria dabego tau sisąbaso, te sogo te dwai hale yali tiwai gilama yaibao.

Jeremaia 2:23

Tiyu, mena tama nage te eno gedude meda me pedali sabe da homu elama, nago te god Bal dabeba lotu wabe homu egowe? Waa? Israel, nago te bulu tǫ odogo pesagede nago te dwai sę yali homu kone ma palao. Nage te tigidaliba peyu, biliyu, te tibo god gegali, te so kibu kamelgo te tigidaliba pelama, udada peyu, te omai kibu kamel gegebo tiwai yalio.

Jeremaia 2:18

Magi baso nage te tǫ kantri Isipba pelama, te wę Nail tugi paiba obawe? Magi baso nago homu kone paliyu, te bulu tǫ kantri Asiriaba pelama, te wę Yufretis tugi pabo homu eyuwe? Te kolesagago nage dwasianu tau sainu ebaso, usu mu egobeo. Mu menio.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Israel Hanigo Namba 16:30

Tiali goli, Genuai Bidigo gasa sunumi medu te bidi dabe isilibaso da, te e tiwai elama, te tǫ tomode mu peda pelama, tama te bidi dabe augwa doado bage dali te tǫ dedageba gealubaso da, tama augwali bidibadi te isai bidigo buluba pobaso da, teda dagego koneaibao, te bidi dabe augwaligo te Genuai Bidi tudi ola menama, agai po sela sąwali dao,” te po wali.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Sekaraia 7:11

“Tiali goli te we bidi augwali tobolu gagea pelama, augwaligo po odabo homu hagela yali. Augwaligo augwa homu kolesaga dąų ola selama,

Hosea 14:4

Genuai Bidigo te po wai, “Tialima, ena te tagalali we bidi dabe eno ma dobola saibao. Te eno haligago augwali godolo mu eyu, te eno augwaliba wado yabo homu begelama, munu me egobeo.

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Jeremaia 13:27

Eno nago ebo kugumini yai kolesaga sualio. Nago te tibo god dabe wali pabo sę bomonama eyu, te augwaliba te bulu du dabeba lotu weyu, me te kala pesage dabede lotu weyu ebao. Nage te we me deli tiwai aga sali bidi mu tagalama, te gasa bidi dabe dali pigi pelama, te penani sę umabo mu yali. Tama nage te so hosgo te omai hos dabeba bomonama i wabo tiwai ebao. Hobede muo, Jerusalem, nage te meda yai mu bididu, te nage wiegi yai meda meni yai pedelabo homu ebeo. Nage te tiwai tama bidada pidubadi, te mena sogoba usu naibawe?” te po wai dao.

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

Jeremaia 3:8

Israelgo we bidi dali bidibo tiwai elaluali, te togwali sogo te penani kolesaga hauwa mu ebaso, eno te bidigo we tagalobo pepa asęnama, te eno agaba menama, te aga sela sąwai. Aga ama, Juda da, agai tebo suali, tiali goli, aga wi dwasianu me ebeo. Menio. Tama eno suali, aga me pelama, te penani sę ebo kolesaga ela bilali.

Jeremaia 3:1

Genuai Bidigo te tiwai po wai, “Te bidigo aga we sela sąbaso, te wego aga tagalama, te gasa bidiba pali, teda te polasa sali bidigo te we ma sogobeo. Te we agai ma siyu da, teda agai bulu kantri te dwai meda mu eno gedude pedelaibao. Israel, nage te bidi hauwa dali penani ela bilama, tama megi da, te nage enaba ma asainogo, ebawe?

Jeremaia 3:4

Megi tama nago enaba i weyu, te tiwai po wali, ‘Genuai Bidio, nage eno Aya dao, te nago ena gesi ogwa wegi elalubadi godolo elama, tama megi e sogoba usu nani,’ wali.