Jeremaia 31:19 - Godigo dwagi yai po buku

¹⁹ Dago nage tagalali, tiali goli, megi da, dago haliga begelalio. Te dago dena yali dwai sę koneama, da hale mu elama, dago tobolu basi gulali. Polobadu dago hani dabe augwali te gesi we bidi tiwai bidalu, te dwai kolesaga hauwa yali. Tialima, megi da, da dena te dwai kolesaga yalide hale dwai mu ebo dao.’ Te Efraim hani bagego te po wabo eno odali.

Jeremaia 31:19 Referans Kwoze

Esekiel 36:31

Tama te sogo da, dagego duga yali te dwai damua pai kolesaga dabe sęgę dabe kone palaibao, me te dagego yali eno godolo mu isąwai sę dabe kone paliyu, tama dage hale genuai mu yaibao.’ Te po me pusao,” wali.

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Esekiel 21:12

Tǫde bidio, nago i hae weyu, hobede ebo gela wao, magi baso meni, te bainat hwągo te Israel dabe polalubo bidi dabe eleyu, te eno we bidi dabe dali elaibao. Nago gela weyu, te bidigo hobede mu yabo kolesaga yao.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Bomai Po 30:2

Tialima, dage me duga wąį dabe dage homu begelama, tama Genuai Bidi wali mu peyu, tama dagego homu sese dąų olama, tama eno agai bomai po dage megi mabo te bomai po mu wali painogo ebaso da,

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Godigo Nogi Ugwaba Sabo Tęąbi Po Wabo Buku Dabe 25:7

Genuai Bidi, nago eno dwai sęgę sali, me dwai sę yali kolesagade homu kone me palamuo, te ena gesi bidide te sę yali. Nage te da godolo ebo Genuai Bidi God dao, tama nage te sesemane wiegi yai elalubo da. Nago enade homu koneama, tama nago ena te olo mu tau sabo wiegi yai kolesaga yao.

Esra 9:6

Tama eno gedu haluasa po te tiwai wali, “God, te ena genuai hale mu elalubao. Tama eno homugo te eno gedu haluasa po nageba wagasogobeo homu yai. Dago te dwai sę hauwa mu yalio. Tama dago sęgę te pobele bage pesage genuai moni bage me deli te dagaluba usu nainu holobo tiwai mu ebao,” wai.

Polgo Si Wali Pas Timotiba Asęani - 2TI 2:25

Te agai ola mabo po sela sąbo bidi dabe dali agai te nagamea pai homu naga eyu, augwaligo homu dodolao. Te agai tama tiyu da, teda Godigo augwali tau siyu, tama augwali homu hasegeleyu tama te mu po bugagia koneabo tų elaluaibao.

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Dwagi Yai Gesi Po Lukgo Asęani 15:30

Tiwai goli, u bidi nago ogwanu, agai nago mani doado bage te penani sęde bilibo we dabede olo silama, bidali. Aga te dwai sę yali goli, aga eba ma asobo si, naga sa muani tuabo kibu kau wai ela mani, tumainu, nage dwagi yai homu ebaso,’ te gomunai bidigo te po wali.”

Esekiel 36:26

Tama eno dagebolo gesi kolesaga me gesi homu mawaibao, te eno poba begi pabo homu kolesaga dao. Polobadu dagego tobolu te masigi tiwai dila pai dao. Tiali goli, eno te dwai homu kolesaga sela sąnama, tama eno dagebolo gesi homu kolesaga mawaibao.

Esekiel 23:3

Te augwali wegi ogwa we elalubadi, augwali si te Isipde bidali. Te bidi dabego augwali sigo tigide gagali eyu, augwali si dali penani elama, augwali si te penani we pedelalio.

Esekiel 6:9

Augwali te digibulu bulude bidibo sogo augwaligo ena homu kone palaibao, tama augwa te tiwai koneaibao, te augwaligo tibo godiba gedu eyu, te wali pali kolesagago ena haliga sęgę mu ilama, tama ena augwaligo mu tagalalio. Tama augwa te yali dwai kugumini yai kolesagade hale dwai mu eyu, tama tiai sę yai dao.

Jeremaia 32:30

“Te Israel me Juda augwali te gesi hani elalubo sogo gagalama, te megi e sogoba usu nagasobao, te eno suali, augwaligo dwai kolesaga naga iduali. Ena Genuai Bidi, eno po dolo obao, sesemane sogo augwaligo te tibo god nigibo kolesagago ena haliga sębę iliduai dao.

Jeremaia 22:21

Te nage bugagia bidibo sogo, te nago doado bage hauwa elalubo sogo, eno po nagebolo mobadi, tialima, nago te tama po wai, ‘Eno nago po odobo hagela ebao,’ wali. Sesemane sogo nago eno po sela sąwani. Nago kolesaga te tiwai, te nage gesi ogwa bidide dąį elasa, te megi e sogoba usu nagasali dao.

Aisaia 54:4

“Jerusalem, nage wi me igio. Te nage hale munu ma egobeo. Te bidi dabego posobo po nageba munu ma wagobeo. Te nage gesi ogwa bidi elalubadi hale sali, te nago homu kone mu gegeda palama, te sogo nagaduba te bidibo we tiwai homu ebo kone me isiąyu, te aga bidi isai we tiwai egobeo.

Jopgo Po Asęani Elalubo Buku 20:11

Ma, aga gesi bidide bidiyu, bomo hauwa mu elaluai da, teda deli sogo tama aga isaibao. Tama aga bomo sese mu tama siliyu, aga te gų pagede pila muyu elaluaibao,” wali.

Jopgo Po Asęani Elalubo Buku 13:26

Eno tonobo da, nago eno polobadu gesi bidide yali sęgę me konealubo ąǫ ebao. Tama megi nago te sęgę wei ponoyu, ena sęgę mabo ąǫ ebo.

Godigo Nogi Ugwaba Sabo Tęąbi Po Wabo Buku Dabe 119:67

Nago dene me enaba wasiąbadi digi, te eno nago sunumi wali asobeo. Tiali goli, megi da, eno nago po wali pabo dao.

Esekiel 21:17

Te eno digi me, eno nogo bada elama, te eno haliga sębę yali usu naibao. Ena Genuai Bidigo eno tama po wai dao,” wali.