Jeremaia 31:18 - Godigo dwagi yai po buku

¹⁸ Te Efraim hani dabego gela wabo eno mu odalio. Augwa gela weyu, te tiwai po wali, ‘Genuai Bidi, nago da keloago elali, te nago da dodolali, te bidigo te hagoma ebo ogwa bidi bulmakau elibo tiwai yai. Genuai Bidi, nage naga dago God, te da nageba ma asabo homu ebao. Tama tialima, nago da odasa asao.

Jeremaia 31:18 Referans Kwoze

Jeremaia 31:9

Te eno augwali odasa asobo sogo, augwa gela weyu, enaba gedu haluasa po weyu, tama asaibao. Te eno augwali dodolo asu, te augwali eno wiegi yai wę elalubo pesageba pedelama, te eno augwali doloba pai sunumidu odasa asu, te augwali me tula mugobeo. Eno te tama tiwai yaibao, magi baso meni, ena te Israel hani dabego Aya bidibao, tama Efraim te eno gomunai wai tiwai dao,” wali.

Godigo Nogi Ugwaba Sabo Tęąbi Po Wabo Buku Dabe 80:3

God, nago da selasa, te nagaba ma pao. Nago te olo tau sabo wiegi yai kolesaga dabolo eyu, tama da tau sobaso da, teda da munu me hagagobeo.

Aisaia 9:13

Te Israel we bidi homu begelebeo. Genuai Bidi Tigidali Bomo Elalubo Bidigo augwali dene mani. Tiali goli, augwali agaba ma asobeo.

Jopgo Po Asęani Elalubo Buku 5:17

“Ma, te Tigidali Bomo Elalubo God agai bidi me deli kolesaga dodolobaso da, teda te bidigo dwagi yai homu yao. Tama megi da, agai nage dodolaiba, tiyu nago aga tudi ola maidali weyu.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Godigo Sęba Tagala Palai Bidigo Po 3:26

Tama te sę emai hagede, Godigo aga sę ebo bidi sa munama, dabolo hasia tagala palali. Agai homugo dage tigidaligo dwai kolesaga tagalama, dage bugagia bidaibao,” Pitago te po wai.

Dwagi Yai Gesi Po Lukgo Asęani 15:20

“Te homu elama, te bulu taga pelama, tama pelama, aga aya pageba painu yai. Tialima, digibulu aga tomode asodubadi, aga ayago aga asobo suali. Tama ayago agabolo homu dene eyu, aya aga ogwanu pageba udulama pali, te nogogo pageali, te gesabide nono nani.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Te We Bidi Dabego Jerusalem Hagede Gela Wali 5:21

Genuai Bidi, nago da tudi ola menama, tama nago da dali sębę genuai mu yalio. Tiali goli, da nage pageba ma asaio. Tama tialima, nago da ma odasa asao. Tama nago da polobadu bugagia bidali tiwai ma bidimainu ilao.

Jeremaia 17:14

Genuai Bidi, eno homugo nago ena gasi usu ilama, te ena wiegi yai ma pedelaio. Nago ena me selama, te ena bugagia bidainogo yao. Eno nageba naga genuai nogi mabo dao.

Godigo Nogi Ugwaba Sabo Tęąbi Po Wabo Buku Dabe 94:12

Genuai Bidi, nago te bidi me deli dodolomainu eyu, nago bomo yai po te bidi ola mayu da, te bidi aga dwagi yai homu emainao.

Godigo Nogi Ugwaba Sabo Tęąbi Po Wabo Buku Dabe 80:19

Genuai Bidi, nage te Tigidali Bomo Elalubo God dao, nago da te nagaba ma sao. Nago te olo tau mabo wiegi yai kolesaga dabolo eyu, te da tau sao, te da me hagagobeo.

Godigo Nogi Ugwaba Sabo Tęąbi Po Wabo Buku Dabe 80:7

Te Tigidali Bomo Elalubo God, nago da edaba ma sao. Nago te olo tau sabo wiegi yai kolesaga dabolo eyu, tama da tau sobaso da, te da me hagagobeo.

Godigo Nogi Ugwaba Sabo Tęąbi Po Wabo Buku Dabe 32:9

Nage te hos me donki tiwai pedelamuo. Te augwali sigo kolesaga me elalubeo. Nago te ain elalubo bobobage baklain te augwali sigo pedauwaliba munama, tama augwali si pabo ola mabo te baklaingo kegeyu, ola mabo dao. Te menibaso da, teda augwali sigo te nago homu wali me pogobeo.”

Hibru 12:5

Te Godigo dagego homu bugagia dąų walomainogo bomo mayu wali po te dagego homugo gegeda pai dawe? Agai dage te aga wai da olama nogi ilama, tama agai te po wai, augwaligo te bukude asęani, “Te eno waio, te eno nage dodolobo kolesaga me deli nagebolo ebaso da, nago homugo te olo nai tiwai da me wagio. Nago geda muani kolesagade bugagia kone palao. Te eno sęgę nagebolo mayu te nage dodolobaso da, teda nago homu me dolamu dao.

Filipai 2:13

Magi baso meni, te dagego aga homu wali pabo homu emainogo, te dagego aga homu wali pabo bomo me elalumainogo, te God aga digi dage tomode aga sę eyu, tama dagego homu agai hodolobo dao.

Dwagi Yai Gesi Po Lukgo Asęani 1:17

Agai te Godigo po polobadu pusa mawai bidi Elaijago yali sę me, bomo me tigidali selama, Genuai Bidi nosali asaibao obaso, te Jon aga polasa paibao. Agai te aya dabego homu hasegelama, wai bǫų hobede emai yaibao. Me agai te po sela sąbo bidi dabego homu hasegelama, augwali doloba pai bidigo homu somai yaibao. Agai bidi hauwa sisi elama elaludu, Genuai Bidi asabo tonalu mai yaibao. Tama tibaso, te we bidi augwaligo te Jonde bugai homu mu yaibao,” te ensel bidigo te po wali.

Malakai 4:6

“Tama agai te aya me wai dabe te deli haliga pedalumainu ilama, tama augwali tama meni eyu da, teda te eno dagego bulu tǫ kantri dolaibao,” Genuai Bidigo te po wai.

Sefanaia 3:2

Augwaligo bidi dabego po odisąwai, awe, augwaligo Genuai Bidigo po me odai menio. Tama augwaligo Genuai Bidigo augwali dodolomainu homu ebo hagela yai dao. Tama augwaligo agaba homu dąų olama, tama augwaligo Genuai Bidigo augwali tau somainu me hanalu wai menio.

Hosea 10:11

“Polobadu Israel te ogwa we bulmakau so me deli tiwai bidali, te agai te wit bugagia agabo koneani, te nai wit te we bidi dabego somainu yalio. Tama agai te sę godolo mu elama yali. Hasia agai te sinabo sę dene me isąwai, tiali goli megi te eno agaba te sina yabo sę mawai. Megi da, eno te Juda me Israel te bulmakau tiwai sę dene emainu ilali, bidigo te sę yabo bulmakau magede te ni nami pedai kęnama, tama agai te tǫ elibo masin kekasa bilaibao. Aga te nai kekasa bilibo sę dene elama, te ni nami pedaigo aga dogoni me mage me dilama, dolalio.

Hosea 4:16

Te Israel dabe augwali te hagoma ebo bulmakau dabe tiwai yai. Augwaligo homugo te eno augwali te sipsip tonalubo bidigo te aga sipsip dabe tonalubo tiwai yaibao homu yali. Tiali goli, augwali te hagoma mu eyu, te eno usu me egobeo.

Jeremaia 31:6

Te sogo te Efraim hanigo bulu dude bidibo tonalubo bidi dabego, augwa te tama i waibao, ‘Tegoba, da te Saion bulu duba pinao. Da Genuai Bidiba pobao, dena God dao.’”

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Jeremaia 2:30

Eno dagego wai puluba dabeba dwai dene mabo sę yali, te dage dodoliyu yali, tiali digi ena odolali sę dene yai. Dagego duga kolesaga me hasegelebeo. Menio. Iya! Dagego te eno dageba tagala palali profet dabe deli deli ela muna muna pela silali, te nasi yai boma pai laiongo hasa elebo tiwai yai.

Aisaia 53:7

Genuai Bidigo te tiwai po wali, “Te bidi dabego te sę bidiba dwai sę ilali, tiali goli aga digi aga aiyaba elaluama, te dene tolali. Te agai po me deli wabeo. Agai pedauwali pania sali, te augwaligo sipsip wai sela pelama, elainu ebo tiwai eyu, te sipsip augwaligo te nisi poawainogo sela pabo tiwai yai dao.

Aisaia 51:20

Te nago we bidi dabego bomo meni yai, te augwa gedu gęǫ page elama, te augwa degasa dulama, te augwali tigidali sunumi bagude pila muna muna palio. Augwali te hasa bade tuali tiwai elaluali. Augwa te magi sę yabo usu me ebeo. God, Genuai Bidigo te augwaliba wado po olama, te aga haliga sębę ebo kabude te ąį tumainu ilali, te augwali dodolo pelama, elaluai dao.

Aisaia 1:5

Magi baso dagego Godigo po me sela sądubawe? Dage tigidali sogo dene sabo hagela meniwe? Israel, nage te bidi me bidi dabego elai bidi tiwai dao, te agai tigi sese mu dolama, bomo mu meni yai. Agai tobolu keni kenigo pągąna pai.

Bugagia Bidibo Kolesagade Po Asęai Buku 29:1

Te bidi me deli augwaligo hauwa sogo dodolali, tiali goli te aga hagoma ebo sę te umabo pedaludubaso da, teda polo tama mu te aga dolama, tama augwaligo aga tau sabo sunumi menia saibao.

Bugagia Bidibo Kolesagade Po Asęai Buku 26:3

Te bidi dabego te hos dabe dila pai bįgo eliyu, tama te donki dabego pedauwalide te ain munama, te augwali pabo dolasa pomainu ebo dao, tama augwaligo te dobo kolesaga ebo bidi dabe augwali te keloago elaibao.

Bugagia Bidibo Kolesagade Po Asęai Buku 3:11

Waio, te Genuai Bidigo nage dodolainu ebo sogo, nago wado po olama, te haliga dwai me igio. Agai nagede po elaluyu da, nago aga dali sębę igio.

Godigo Nogi Ugwaba Sabo Tęąbi Po Wabo Buku Dabe 119:75

Genuai Bidio, eno koneani, nago bomo yai po tigidali te dolo naga mu elalubao. Nago eno ebo kolesaga deli naga dodolabo homu eyu, tama nago enabolo sęgę mawai dao.

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Aisaia 63:16

Tiali, nage te dago aya dao. Te da bulai wąį monu aya, Abraham me Jekop augwali te da dali me bidibe, te augwaligo da konesiąwai. Tialima, nage Genuai Bidi, nage dago aya mu dao. Tama nago nogi te tiwai elalubao, “Te da tudibadu tonalu, polobadu digi tau sesa asali bidi dao.”

Israel Hanigo Namba 2:18

“Te giliga dega sabo badu te bidi hani sela te Efraim wąį hanigo plak pąde sisinalubo, tama te bage augwali te augwa hani tobolu bidi dologode naga bidimainao. Te Efraim hanigo tobolu bidi te Amihutgo ogwa Elisama dao. Te Efraim hani bidi te 40,500 bidi tama bidibao. Te Manase hanigo tobolu bidi te Pedasurgo ogwa Gamaliel dao. Te Manase hani bidi te 32,200 bidi dabe tama bidibao. Tama augwali te Efraim hani bogo badude bidaibao. Te Benjamin hanigo tobolu bidi da, te Gideongo ogwa Abidan dao. Te Benjamin hani bidi te 35,400 bidi dabe tama bidibao. Tama augwali te Manase hani bogo badude bidaibao. Te bidi hani selago nedali bidi namba deliba taluyu, te 108,100 bidi dabe tama elalubao. Tama te gasaba pabo sogo da, te bidi hani sela te Livai dabe wali nosali tama peyu yao.”

Godigo Nogi Ugwaba Sabo Tęąbi Po Wabo Buku Dabe 118:18

Eno dwai sę ebaso, Genuai Bidigo enaba te dene mabo sę mu yali, tiali goli, agai ena isimainu me ebeo.

Godigo Nogi Ugwaba Sabo Tęąbi Po Wabo Buku Dabe 119:67

Nago dene me enaba wasiąbadi digi, te eno nago sunumi wali asobeo. Tiali goli, megi da, eno nago po wali pabo dao.

Esekiel 20:43

Tama dagego duga te tobage dwai kugumini yai kolesaga dabe eyu, dage te eno gedude meda pedelali teba homu kone palaibao. Tama duga te yali dwai kolesaga dabede dage hale mu yaibao.

Daniel 9:13

Nago te Mosesgo bomai po tomode wali po gilama dago te sęgę tigidali sali. Tiali goli, megi me dago te sęgę sabo kolesaga me tagalisiąma, tama dago nageba hanalu, te dabolo bugai haliga yabo po me hanalusiąwai, tama dago nago mu po wali me pisąwai.

Jona 3:10

Tialima, augwaligo augwa dwai kolesaga ebo tagalali, tama Godigo augwaligo te tebo sę suai. Godigo agai homu hasegelama, tama agai te sę yaibao wali, tama te dwai dene mabo sę agai me ebeo.

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Godigo Nogi Ugwaba Sabo Tęąbi Po Wabo Buku Dabe 31:15

Ena nago nogode sesemane sogo bidibao. Nago enade te boi bidi ebo bidi me, te ena pobeasa bilibo bidi dabego nogode ma dobola sao. Tiyu, augwaligo ena dolidalio.