Biblia Todo Logo
Bib sou entènèt

- Piblisite -




Jeremaia 31:15 - Godigo dwagi yai po buku

15 Genuai Bidigo te tiwai po wali, “Genuai gela wabo me, te hobede ebo po me, te Rama taunde pedelaibao. Te we Reselgo aga wai dabe isaide te hobedai gela waibao. Te aga te we bidi dabego wiegi yai haliga penebo aga hagela homu yali, magi baso meni, aga wai dabe tigidali te munu me bidibeo.

Gade chapit la Kopi




Jeremaia 31:15
18 Referans Kwoze  

Nebusaradango Jeremaia olo pomainogo tagala palama, te tudi badu nosali Genuai Bidigo Jeremaiabolo po mawai. Te Babilon dabego te Jeremaia dali, te Juda we bidi dabe me, Jerusalem me selama, augwali te sengo kęnani, te augwali Babilonba kalabus odasa painogo tialio. Tialima, augwali te Rama taunba sabalobo sogo, te polalubo ami tobolu bidi ofisa Nebusaradango Jeremaia te augwali dali bidibo suali, te agai aga te olo tagala palu pao wali.


Te sęgę ebo sogo, eno te Genuai Bidiba gedu haluasa po agaba weyu yali, tiali goli, eno te nagame pai homu ebo me sabeo.


Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.


Jerusalem dolama, te olo mu elalubao, te ugwa be me deli pisila pelama, te degasa dulali tiwai elalubao. Tama te ugwa be ma sę yabo bidi me deli meni yaibao, magi baso meni, tigidali we bidigo te Jerusalem tagalama, pela silai dao.


Tama tibaso, eno dagebolo te walobao. Dagego eno haliga nagame elama bidimainu igimio. Dagego enaduba deli naga bidimainu tagalao. Magi baso meni. Eno we bidi mu dolai baso, ena homu sęgę elama, ena gela weyu ebao.


Tama augwaligo te po wali, “Genuai bidi, da te nogo si olama, sągągo si bidi da. Da te Kenan tǫde te bidi deligo ogwa dabe dao. Te dago ama gesi bidi mu te megi dago aya dali bidibo, tama dago ama gasa me te hagawai dao,” wali.


Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.


Dago wąį dabe augwaligo polobadu te dwai sę yai digi, augwali polo isila palio. Tama megi da, da augwaligo dagede da sęgę tolobao.


Tama Jekopgo augwalibolo te po wai, “Dagego eno ogwa si doligi pai. Josep te hagawai. Simeon me te hagawali. Tama megi dagego te Benjamin hagaligi painu obao. Te tama tebo sęgo te ena homu sęgę mawai!” wali.


Te buku te pepa me deli tiwai augwaligo te bebe pelama, te kęąį elaluai. Tialima, nogo te buku diliginama, tama eno suali, te bukude te si badu po asęai elaluali. Te bidi dabe augwali te haliga sęgę eyu, dwai gela weyu, homu dene ebo tęąbi ebo po dabe augwaligo asęai elalubo suali. Te tobage po te pepade asęani pągąnalualio.


Tiali goli, nosali ena te badu ma pali, tama aga te munu ma elalubeo. Eno aga gegebo sę yali, tiali goli eno aga me subeo. Mu menio.


Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.


Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.


Te e tama hanu me elaluali, Gibeon, Rama, Berot,


Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.


Aga te ni me deli te ni pam dologode dulalu bidibadi, tama te Israel dabe agaba aselama, tama agai augwaligo po tų dodolomainu eyu, augwaligo agai po odagasiyu yali. Te ni te bulu Rama me Betel te Efraimgo bulu du tomode elaluali.


Augwali aiya dulama, wę odogo nogegi pali. Tama augwali ugwaba holama, hanu Gebaba pigi pali. Te Rama hanu we bidi wi genuai mu eyu, midigi sali. Tama te hanu Gibea, te tuni bidi Solgo hanu, augwali hanu tagalama, wi pepelawali.


Swiv nou:

Piblisite


Piblisite