Jeremaia 31:12 - Godigo dwagi yai po buku

¹² Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Jeremaia 31:12 Referans Kwoze

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Joel 3:18

Te sogo wain gi pedalama, te bulu du mesega sigulaibao, te bulmakau hauwa te dwasianu bulu du dabede bidalueibao. Te Juda we bidi dabego wę hauwa elalueibao. Wę me deli te Genuai Bidigo bedu gomo gudama, te Odogo Bulu Tǫ Te Ni Akas Elalubo madiba dulaibao,” wai.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Dwagi Yai Gesi Po Jongo Asęani 16:22

Tama dage dali me te tiwai dao. Tama tiyu, megi dage homu sęgę ebao. Tiali goli, eno dage ma sueibao, tama dage dwagi yai homu ma yaibao. Tama niwai bidi mego dagego te dwagi yai homu ebo me sela sągobeo,” Jisasgo te po aga bidi dabe dali wai.

Aisaia 65:19

Ena digi me eno wiegi yai pemene te Jerusalemba elama, te ena we bidi dabeba bugai haliga yaibao. Te gesi nigali Jerusalemde te bidi dabe gela wabo kulukulu munu me elalugobeo, te genuai dene elalubo bidi dabego te i wabo sę me elalugobeo.

Aisaia 60:20

Nago te giliga me polua iba dega sigi pelama, te be hulia siyu ebo me pedalugobeo, magi baso meni, ena Genuai Bidi, sesemane sogo ena te nago ula tiwai elalueibao. Tama nago sęgę dali homu dene ebo sogo me tigidali silaibao.

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.

Kraisgo Geme Dualali Sę Pedelabo Po Jonbolo Ola Mani 7:17

Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.

Polgo Po Pas Rom Dabeba Asęani 2:4

Te ma, nago e homu ebawe, “Te Godigo ena wiegi yai bugagia iliyu, tama ena bobobage sogo tonaluyu, tama agai te dwai sę ebo wei enabolo polo me ponogobeo.” Te homu egio. Te Godigo wiegi yai polo wei ponosiąbo kolesaga ebode, te nago homugo te olo nai tiwai da, te homu ebawe? Godigo homugo nage homu begelemainogo, tama agai dwagi yai kolesaga naga nagebolo eyu tonalubo dao. Te kolesaga page nago konebewe?

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Godigo Nogi Ugwaba Sabo Tęąbi Po Wabo Buku Dabe 130:4

Tiali goli, nago dago dwai sęde sali sęgę sela sąbo da, tama tiyu, dago nagede noma siyu, wi ebo dao.

Esekiel 20:40

“Magi baso meni. Te ena God Genuai Bidi, eno tama po obao. Te po tų yali tudi badu, dage eno we bidi te Israel eno tǫba ma pelama, te dage tigidaligo enaba te genuai tedali gasagi yai bulu dude digi lotu obaso, te eno dageba wiegi yai homu pemene yaibao. Te dagego enaba wiegi yai homu eyu, polasa inayai wiegi yai ofa yabo nai dabe selasa aselama, te dagego enabolo maiagameo,” te po wai dao.

Aisaia 51:11

Te naga ma sali hani dabe tau sali, te augwa wiegi yai pemene elama, te Jerusalemba ma aselama, te augwa balia po weyu, genuai po dagą te sunumidu ola asaibao. Te augwa bugagia mu bidiyu, te augwa pemene umabo mu yaibao, augwa te pemene ebo me sia sogobeo. Te dene me haliga sęgę augwali dali me elalugobeo.

Aisaia 1:30

Te dage te genuai ni kali sasilama, mobia pabo tiwai yaibao. Tama dage te gi wę meni yai gi tiwai dage tama tiaibao.

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Jeremaia 31:6

Te sogo te Efraim hanigo bulu dude bidibo tonalubo bidi dabego, augwa te tama i waibao, ‘Tegoba, da te Saion bulu duba pinao. Da Genuai Bidiba pobao, dena God dao.’”

Jeremaia 31:7

Genuai Bidigo te tiwai po ma wali, “Te Jekopgo haniba wiegi yai pemene ebo tęąbi po wao, te hanigo te tigidali gasa hani dabe edelama, polalubo mu dao. Te enabolo genuai nogi mabo tęąbi weyu, te tiwai po wao, ‘Genuai Bidi, naga we bidi dabe ma sao, te me badu bidali hani Israel pedai dao,’ te po wao.

Jeremaia 31:24

Te gide sę ebo bidi dabe, me te sipsip tonalubo bidi dabe me, augwali te Juda dabego tǫde bidiyu, te taun dabede me bidaibao.

Jeremaia 31:25

Te bidi me deligo tigi bomo silibaso da, teda eno aga dąų walaibao. Tama te bidi aga haliga sęgę elalubaso, te eno agai haliga usu naibao,” wali.

Jeremaia 32:15

Magi baso meni, Israel God, aga te Tigidali Bomo Elalubo Genuai Bidi, agai te po wali, nosali te bidi dabego te be, me tǫ, me wain gi dabe te abelibo sę ma gagalaibao, e tǫ kantride,’ agai te po wai,” eno te po Barukbolo wali.

Jeremaia 33:12

“Ena Tigidali Bomo Elalubo Genuai Bidigo enote po obao. Megi da, te tǫ me taun dabe dolali elalubao, tama bidi me hasa dabe tede me bidibeo. Tialima, nosalite we bidi dabe te bulude ma bidaibao. Te wiegi yai nosaima pedelama, te sipsip tonalubo bidi dabe te tigidalitǫ kantride te sę ma ela paibao. Augwa te sipsip dabete wiegi yai nosai elalubo madi odasa pelama, tomanomainogo yaibao.

Jeremaia 33:13

Tama augwa sipsip nedaibao. Tesę te bulu dude elalubo taun dabede, me te dwasianu buludu dabede, me te tǫ pedai Negev te saut Juda badu eyu, tama augwa te sę Benjamin hanigo tǫde, me te Jerusalempąde elalubo bulude, me te tigidali Juda taunde, te sęyaibao. Te ena, Genuai Bidigo po dao,” wali.

Esekiel 34:14

Tama augwali Israel dabego bulu du dabede bidiyu, te wiegi yai nosai dabe tuyu bidaibao.

Hagai 2:19

Te mu tama, te tubo nai muabo bede te sia gagawai nai wit me elalubeo, tama ni wain me, me te ni kaya fik me, tama me te ni pomigranet me, te oliv me, te ni dabe augwali du walisąbadi, tiali goli megi eno te gagalama, tama dage dali eno dwagi yai sę ma ilaibao,” te po wali.

Aisaia 52:8

Te tonalubo bidi dabe te masigigo nigali bobobage be taua daide bidali, te Genuai Bidi te Saion badu ma asobo sueinu yali, te augwa tigidaligo te genuai pemene dali eyu, te i bomonama mu waibao.

Sekaraia 8:12

Te eno augwali haliga dua tegaluama bidibo sę ilama, te augwa wai gi dabe bulumainu yaibao. Te tulubage hauwa tulama, te augwaligo wain ni du dabe walama, te nai dabe me wiegi yai holaibao. Eno te tigidali wiegi yai sę te dwasianu bidibo hani pedali dali yaibao.