Jeremaia 31:1 - Godigo dwagi yai po buku

¹ Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Jeremaia 31:1 Referans Kwoze

Jeremaia 30:22

Tama dage Israel te eno we bidi hani mu pedelama, te ena dagego God bidaibao,” te po wai dao.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Jeremaia 30:24

Genuai Bidigo haliga sębę me elaludu, te agai yaiba homu yali sę tigidali ela siligi paboba usu naibao. Te nosali dagego te sę page koneaibao wai dao.

Jeremaia 3:18

“Te sogo te Juda dabe augwali te Israel augwali dali deliba sisinama, te augwa kantri te not badu, te megi bidibo madi tagalaibao. Tama augwali te eno duga wąįba mani tǫba bidagasaibao, te augwa hanigo te tǫ sesemane elalua pidu bidaibao,” wai.

Hibru 12:16

Tiyu bidi me deligo te penani ebo kolesaga wali pabuo. Tiyu bidi me deligo te God tudiba muyu, te polobadu Isogo yali tiwai idalio. Te aga amade te tubo nai deli sogo naga abela tuali, tama agai te aga digi gomunai ogwa da wali bomo me, nogi me, te sigo te tubo nai abelama tama aga olo sąwai dao.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Esekiel 39:22

Tama tialima, te sogo me, nosali bidibo tigidali sogo me, te Israel dabe augwaligo te tama bugagia koneaibao, ena deli ena Genuai Bidi, tama ena augwa God dao waibao.

Esekiel 36:28

Tama dage eno duga wąį dabebolo mani te tǫde bidaibao. Tama dage ena we bidi dolo mu pedelaibao, tama ena dagego God mu bidaibao.

Esekiel 34:31

Dage eno we bidi, dage eno sipsip kibu tiwai dao, tama dage ena tǫde bidiyu, tama eno dagebolo nai mabo dao. Tama ena dagego God bidibao, Genuai Bidi eno po polo wali.’ Te po augwalibolo pusao,” God Genuai Bidigo te po wali.

Esekiel 11:20

Tialima, dagego te eno bomai po, me eno po dali te dagego bugagia wali paibao. Tama dage eno we bidi hani dabe dolo mu pedelebaso da, teda ena dagego God bidaibao.

Jeremaia 50:4

Genuai Bidigo te tiwai po wali, “Te sę dabe te Babilonba pedalubo sogo, te Israel we bidi me Juda te sisinama, gela weyu, te augwa Genuai Bidi, God ena gegaibao.

Jeremaia 33:14

Genuai Bidigo te tiwai po wai, “Eno te sogo medeli dąį elama, eno te Israel me Juda we bidi dabe dalidąų wali po usu naibao.

Jeremaia 33:7

Te sogode, eno te Juda hani dabe me, Israel dabe me, bugagia ma bidimainogo yaibao. Tama eno augwali bomai hani pedalumainogo elama, te polobadu tiwai yaibao.

Jeremaia 32:38

Tama augwali eno we bidi hani dabe bidiyu, te ena augwaligo God bidaibao.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Jeremaia 30:10

Genuai Bidigo te tiwai po wali, “Dage Israel, dage Jekopgo hani dabe, dage eno sę bidi me sę ebo we, dage wi me elama, midigi igio. Mu tama, eno dage digibulu bulude te kalabuside bidibadi ma saibao. Tama dage te duga tǫba digi ma aselama, te bugagia dugulaluagameo. Te niwai hani me deligo dage wi me iligobeo.

Jeremaia 30:3

Ena Genuai Bidi, eno te ena we bidiba yabo sę dąį ilali sogo elalubao, te Israel dabe me Juda te bugagia ma bidaibao. Te eno augwali te tǫ te augwa wąį nǫų dabeba polobadu mani tǫba ma odasa aselama, te augwa tǫ mu ma pedelaibao,” wali.

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 144:15

Te tiwai wiegi yai nai sabo we bidi hani, augwa te wiegi yai pemene yao. Awe, te we bidi dabego te Genuai Bidi augwa God da homu elama bidibo we bidi dabe, augwali me te wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 48:14

Dagego augwaliba te tama waiyagameo, “Te Godigo da tonaluai da,” po wao, “Aga te dago sesemane sogo bidada peyu, bidada pabo God dao. Tama sesemane sogo te aga poligi soyu, tama dabolo te sunumi ola mawaibao,” te po wao.

Pris Sę Ebo Bomai Po 26:12

Te ena dage tomode biliyu, te ena dagego God bidaibao. Te dage eno we bidi dabe bidaibao,” te po wai dao.

Hosea 1:11

Tama te hani Juda me Israel hani si te ma gesabidi deliba elama, tama te bulu tǫ kantri dedeli naga pedelaibao. Tama augwa polalubo bidi deli naga te nigilaibao, tama augwali te bomai kantri pedelama, tama augwaligo ebo sę tigidali te wiegi yai naga pedelaibao. Augwali te Godigo nigali wiegi yai gi tiwai pedelaibao. Mu tama, Godigo te sę ebo sogo, te genuai side mu yaibao,” wali.

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

Aisaia 20:6

Tama te sogo, te nambis we bidi, te Filistia dabe, augwali augwa hasi tomode po miyu, te po waibao, ‘Iya, tegoba! Dago te bomai bulu bidi dabebolo da tau somainu no munaluao po hanalu wai goli dama, tiyu Asiria dabego da dolagaidali weyu. Tiali goli, suao, augwa digi dolalio. Te da te Asiria dabego bainat hwą geda muabo sunumi menio,’ te po waibao.”

Esekiel 39:25

“Ena God Genuai Bidi, eno te po obao, eno te Israel dabe dene polo mawai dao. Tama tialima, eno megi augwali ma homu dene ma yaibao. Tama bidi mego eno genuai nogi aiyaba elalubo usu me egobeo.

2 Samuel 7:24

Genuai Bidi, nago da Israel hani we bidi dabe te naga hani we bidi mu pedelama, tama da te tiwai sesemane sogo bidaibao. Tama Genuai Bidi naga digi nage te dago God pedelai dao.”

Esekiel 34:24

Tama ena Genuai Bidi da, augwaligo God bidaibao, tama te Devitgo hani bidi te augwaligo king bidaibao. Te da God Genuai Bidi eno po dao.