Jeremaia 30:12 - Godigo dwagi yai po buku

¹² Genuai Bidigo te tiwai po wali, “Israel, te augwaligo nage dwagilama mu elama, te nago genuai keni pedela sabeo.

Jeremaia 30:12 Referans Kwoze

Jeremaia 15:18

Magi baso ena dene ebo silibewe? Eno keni genuai mu elalubao. Magi baso aga te pedelasiąbewe? Mu tamao, nago ena tau me sabeo. Ena ąį tueinu ąįba pabo bidi tiwai ebao, tiali goli, aga te wę sula sai subaso, te aga ąį tusiąwai tiwai ebo dao.”

Jeremaia 30:15

Nago te keni halubaso, te gela hauwa wabo tagalao. Te keni me pedela sogobeo. Nago dwai sę hauwa yali, tama nago sęgę genuai elalubao. Tama tiyu eno te kolesaga nageba ebo dao.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Tuni Bidi Dabego Po Elalubo Buku Si 36:16

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.

Esekiel 37:11

Tialima, Genuai Bidigo enabolo te po wali, “Tǫde bidi, te kalabuside megi bidibo Israel dabe tigidali augwali da, te bidi dili dabe wa pai tiwai dao, tama augwaligo te po wabo dao, ‘Te dago dili dabe mu wa pai dao, tama bugagia munu ma me bidigobeo. Tama da mu tama mu hagawaibao.’ Augwaligo po da te tama goli dao.

Jeremaia 6:7

Dwai kolesaga sesemane te Jerusalemde pedalubao, te ulu wę sesemane sogo pedalubo tiwai ebo dao. Tama augwaligo te taunde doado bage dolama, te gasa we bidi dabe eliyu ebao, te eno suali, te bage hobedagia te keni eyu gasi me elalubo dao.

Te We Bidi Dabego Jerusalem Hagede Gela Wali 2:13

Jerusalem, eno nage hobede mu dwalio. O Jerusalem, te meba taun dabe nago te sali dene tiwai me sai menio. Tialima, eno mena po mu olama, nago homu dąų walaibawe? Nage dolali, te ene genuai mu tomoba pali tiwai yalio, te tamu ąį ge te aiyana mu dulali tiwai yalio. Tama nage dego wiegi yai ma pedelemainu egowe? Woo, bidi menio.

Hosea 5:13

“Te Israel dabe augwali te tiwai te gasi dwai mu ebo koneani, tama te Juda dabego augwa keni dabe ebo sulama, tialima te Asiria bulu tǫ kantri genuai kingba pelama, te augwali tau somainu hanalugi pali. Tiali goli, te Asiria dabego augwaligo gasi usu ilama, tama augwaligo keni pedela somainu ilabo usu me ebeo.

Maika 1:9

“Magi baso meni, te Samaria dabego keni pedela sabeo. Tama pąde Juda dabe me te tobage keni saibao,” wali. “Tama Jerusalem digi, te eno we bidi dabego pesage, te dwasianu sogo naga tama te me dolaibao,” wai.

Nahum 3:19

Te nago keni dabe pedela somainu yabo marasin deli me elalubeo. Mu menio. Polobadu te nago augwaliba yali dwai kolesagade te bidi me deli wi painu ebaso usu ebeo. Tialima tigidali bidigo te nage dolali po sabilibo odolama, augwali te wiegi yai homu pemene mu elama, nogo elaibao.

Jeremaia 8:22

Te tǫ Gileatde te wiegi yai marasin me munalusiąyu eba, agawe? Te augwa dokta me menisiąyu, ebawe? Magi baso te eno we bidi hobedagia te usu ma pedalugobewe?

Jeremaia 14:19

Genuai Bidi, nago te tǫ kantri Juda tudiba mu muani da, agawe? Te nago Saion hanu godolo homu mu meni ebawe? Magi baso nago da dwagila mu elama, te da usu ma yabo ąǫ isąbawe? Dago homu te da bugagia bidaiba homu yali. Tiali goli, te da bugagia me dugulalubeo. Te dago homugo te da usu ma yabo sogo pedelaiba homu yali, tiali goli, te boi bidi dabe aselama, te wi dwai mu ilibo sę ebo dao.