Mu tama, ena Genuai Bidigo eno te ena we bidi dabe te tǫ kantri not badu, me tigidali tǫ pedai badu selama, te augwali ma odasa asaibao. Te gedu widai dabe, me sągą dwai, me te haliga elalubo we dabe, me te wai tega painogo ebo we dabe, augwali me asaibao. Te Israel genuai hani mu pedelama, te augwali augwa tǫba digi ma asaibao.
Jeremaia 3:18 - Godigo dwagi yai po buku18 “Te sogo te Juda dabe augwali te Israel augwali dali deliba sisinama, te augwa kantri te not badu, te megi bidibo madi tagalaibao. Tama augwali te eno duga wąįba mani tǫba bidagasaibao, te augwa hanigo te tǫ sesemane elalua pidu bidaibao,” wai. Gade chapit la |
Jeremaia 3:18
22 Referans Kwoze
Tama te hani Juda me Israel hani si te ma gesabidi deliba elama, tama te bulu tǫ kantri dedeli naga pedelaibao. Tama augwa polalubo bidi deli naga te nigilaibao, tama augwali te bomai kantri pedelama, tama augwaligo ebo sę tigidali te wiegi yai naga pedelaibao. Augwali te Godigo nigali wiegi yai gi tiwai pedelaibao. Mu tama, Godigo te sę ebo sogo, te genuai side mu yaibao,” wali.
“Tama Jeremaia, nage dolugulama, te not badu bidibo Israel haniba i wao. Nago Genuai Bidi eno po te tiwai pusao, ‘Israel, nage da, te aga bidiba homu kęą pabo kolesaga tagalobo we da,’ wao, ‘nage enaba begasa ma asao. Ena Genuai Bidi, eno te po obao, eno nageba haliga sębę munu ma egobeo. Magi baso meni, ena te olo mu tau sabo wiegi yai homu kolesaga ebo God dao, te eno haliga sębę ebo te sesemane sogo elalua pidugobeo.
“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.
Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.
“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.
Augwali te Saion bulu duba painogo da, teda augwa teba pabo sunumi hanalu waibao. Te augwa te tiwai po waibao, ‘Tegoba, da pelama, te Genuai Bidi dali po dąų wagi pelainao, te da aga hani we bidi bidaibao. Tama te dąų wali bomo yai po sesemane elalueibao, te bidigo agade homu kone me gegeda palama tagalamu dao.’ Augwaligo te sogo te po waibao.”
Te Genuai Bidi aga we bidi dabebolo e tama po walali, “Asiąo. Eno dage tigidali badude elalubo buluba pomainu dobola palai dao. Dage meba te saut badu peyu, meba te giliga pedalubo baduba peyu, tama meba te giliga degasa pabo baduba peyu yali. Tialima, dage mebago megi da te not badu elalubo te taun Babilon wi tagalama, Jerusalem taunba polo ma asiąo,” wali.
Piblisite