Jeremaia 29:7 - Godigo dwagi yai po buku

⁷ Eno dage te megi bidibo buluba odasa pali. Tama dagego te bulu tau sabo sę eyu, bugagia bidao. Tama dagego Genuai Bidi enaba gedu haluasa po waiyąo, te eno te bulu wiegi yai ilaibao. Magi baso meni, te bulu bugagia elalubaso da, teda dage me bugagia bidaibao,” te po wai.

Jeremaia 29:7 Referans Kwoze

Esra 6:10

Dagego te tama tibaso da, teda te augwaligo te augwa dagalude bidibo Godiba te wiegi yai ofa ebaso, tama te agai wei eyu godolo homu mu yaibao. Tama augwa te Godiba gedu haluasa po weyu, te enaba me, te eno ogwa dabeba me, te bugagia bidimainu te tama tiaibao.”

Daniel 4:27

Tama eno homugo te megi eno nagebolo wabo po tiwai yao. Nago te sęgę munu ma sigio,” wai. “Nago te doloba pai kolesaga naga yao, tama nago te olo tau sabo wiegi yai homu te magi nai sǫą pabo we bidi dabeba yao. Dago konebeo, te nago te tama tibaso da, teda nage te bugagia bidiyu, tama nago ebo sę tigidali te wiegi yai naga pedalaibao, te nago nade suali sę nageba asogobeo,” Danielgo king bidibolo te po wai.

Esra 7:23

‘Dagego Esrabolo te dagalude bidibo Godigo agai bede muabo wei homu ebo nai tigidali maiąo. Tiyu, dagego te sisinibo doado bage tigidali te pesage genuai mu igulubaso, tama te Godigo enaba haliga sębę eyu, me te eno wai dabe te nosali king pedalubode me te sębę elaluidalio.

Polgo Po Pas Rom Dabeba Asęani 13:1

Da Godigo po wali bilibo we bidi da tigidali te gavman bidi dabe augwali dologode bidao. Magi baso meni. Te tǫde elalubo gavman sę yabo bomo, te bomo tigidali te God aga digi agai dodolai dao. Te gavman me deli te olo me pedalubeo. Menio. Tigidali gavman bidibo, te Godigo digi augwali munama tama augwali bidibao.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Polgo Po Pas Rom Dabeba Asęani 13:5

Tama tibaso, da te gavman bidi dologode bidao. Da te Godigo sębę geda somainogo ebode naga tama te gavman bidigo po wali pigio. Menio. Dago homugo te kolesaga ebo te dolo dao te tiwai homu yao.

Godigo Nogi Ugwaba Sabo Tęąbi Po Wabo Buku Dabe 122:6

Dagego te gedu haluasa po waiyąo, te Jerusalem dabe bugagia dugulalumainogo yao. Dagego te tiwai gedu haluasa po waiyąo, “Te Jerusalem wei ebo we bidi dabe augwa bugagia bidimainao.

Jeremaia 38:4

Te kingo ofisa dabe mebago kingba te tiwai po waligi pali, “Jeremaia isimainao,” wali, “magi baso meni, agai pogo te taunde bidalubo ami bidi dabe me, we bidi dabe dali, bomo kimi tamunai. Te bidigo augwali bugagia bidimainogo me ebeo. Menio. Agai augwali dolomainogo ebo dao,” wali.

Esekiel 11:16

tialima, nago augwaliba te tiwai po walao,” walio, “‘Ena Genuai Bidigo, ena digi eno te dagego abagi dabe te gasa tǫ kantriba besela palali. Mu tama, te pęwadage sogo augwali kalabuside bidali, te enaba dolo augwaligo lotu wabo be meni yai. Tialima, ena digi ena augwali dali bidali, tialima augwaligo enaba lotu udubo usu igi dao,’ nago te po augwalibolo pusao,” wali.