Jeremaia 29:6 - Godigo dwagi yai po buku

⁶ Te dagego we selama, te wai dabe ame nao. Tama nosali, dagego wai dabego we selama, te augwade digi wai pedalumainao. Dage te genuai hani pedelao. Dagego duga digi te dwasianu hani pedalumainogo ilamu dao.

Jeremaia 29:6 Referans Kwoze

Te Israel Tobolu Bidi Dabe 12:9

Agai ogwa dabe te 30 elaluali, te agai wegi dabe te me te 30 elaluali. Tama agai te wegi dabe gasa hani bidigo somainu mani. Tama agai te gasa hani bagego wegi te 30 wegi dabe selama, tama augwali te agai ogwa dabego sali. Ipsan te Israel dabego tobolu bidi bidali te kibu be a naga olama, me badu si bidai.

Tigidali Nai Gagalama Nigali Side 29:19

Tialima, Labango te po wali, “Te mu tama, eno te gasa bidiba mabo te usu dao, tiali goli te eno aga nagebolo mobaso da, te dwagi yai mu dao. Nage te ena dali bidao,” wali.

Tigidali Nai Gagalama Nigali Side 24:51

Rebeka te bidibao. Nago aga selasa, tama naga pao. Aga te nago genuai bidigo ogwago somainao, te Yawego wali po tiwai gilama emainao,” te po wai.

Tigidali Nai Gagalama Nigali Side 21:21

Tama aga idago aga we me deli te Isip bulu we selama, aga ogwa mani.

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

Te Israel Tobolu Bidi Dabe 14:2

Tama aga buluba ma begasa pelama, tama aga aya idabolo wagi pali, “Eno te gesi wegi ogwa we me deli te Filistia dabego bulu Timnade suali. Eno homugo nago aga oda sobaso da, te aga eno saibao,” wali.

Tigidali Nai Gagalama Nigali Side 34:4

Tama nosali Sekemgo aga ayabolo hanalu wali, “Ayao, te we selama, te eno we bidaibao.”

Tigidali Nai Gagalama Nigali Side 9:7

Megi da, dagego wai dabe hauwa ame nomainao, tama dagego wai dabe hani te hauwa mu pedelama, tama tigidali tǫ pedai badu pągąna sao,” Godigo te po wai.

Tigidali Nai Gagalama Nigali Side 24:60

Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.

Ma Dobola Sali 5:11

Duga digi pelama, tama te nosa gegegi pao wai, tama dagego te mama tǫgo nigibo nai brik te polobadu nigali tiwai hauwa nigao, tama te nigibo brik namba te aiyaba me dulugio. Te namba te polobadu elaluali tiwai naga tama elalumainao,” te po wai.