Biblia Todo Logo
Bib sou entènèt

- Piblisite -




Jeremaia 29:26 - Godigo dwagi yai po buku

26 ‘Sefania, Genuai Bidigo nage dąį ilama, nago te pris Jehoiada hasegelama, te Genuai Bidigo be tonaluao. Tama tialima, te esela pabo bidi me deligo te profet po pusubaso da, teda nago aga kalabus yabo sę elalubao, te aga nogo sągą dunama, te ain me deli aga dogonide domonao.

Gade chapit la Kopi




Jeremaia 29:26
28 Referans Kwoze  

Jehu ma geasa pelama, te gasa gavman ofisa bidi dabe augwali bidiboba sabalobode, te ofisa dabe augwaligo agabolo e tama po hanalu wai, “Magi nai me deli pedalaliwe, a? Magi baso te e wabo pabo bidigo asama, nage suagasaliwe?” wali. Tama Jehugo te po wei ponoyu, e tama po wai, “Dagego koneanio, te tama tibo bidi dabego augwaligo kolesaga. Augwaligo te po subigilama po wabo dao,” wali.


Te bidi Pol aga digi tau sabo po tama obadi, te bidi Festus agai agabolo i bomonama weyu, te po wali, “Pol, nage wabo pobao. Nage hauwa sogo skul wai bidi dao. Tama te genuai kolesaga sai bidi dao. Tibaso, nage wabo pobao,” wali.


Bidi hauwago te po wai, “Dwai haubo noma bidi agade bidiyu, aga polobao. Magi baso dagego agai po odobawe?” Juda bage me badugo Jisasde te po wai.


Te Godigo dageba dwai dene maiabo sogo pedelalio. Tama duga te yali dwai kolesagade usu nama, te dene saibao. Te sę pedalubo sogo da, teda Israel, duga koneaibao, te dwai dene dao. Dagego enabolo te po wali, “Te profet aga te kolesaga meni yai umuna sali da,” wali. “Te Godigo bomo elalubo bidi, aga te kolesaga geda mubo bidi da,” wai. Dage we bidigo ena godolo homu me isąwani, magi baso meni, dagego dwai sęgę te genuai umabo yai dao.


Tama te bomai po odama, te kalabus bidi tonalubo tobolu bidi agai te Pol dali Sailas dali si odasa pelama, te moni dąį todogo pai te masigigo nigai be habu muba tagaligi pali. Tama te bidi si moni ni pedai si dudulaweba sągą si tagalaluama, ma lok dąų walali.


Te Jisas aga deli kaneme bage augwaligo te po odama, tama augwaligo aga sagasainogo asai. Magi baso meni, te olo we bidi dabego “Aga te wabo palio” po wabo augwaligo odali.


Tama nosali gana gasa bagego dagebolo dene mawaibao. Tiali goli dage te dene sabo sęde wi egio. E po odao. Satango dage meba kalabus iliyu, te dage agai poba asobowe suainogo usu siyu tiaibao. Tama dage te dwai sę ebogo sęgę me dene dali te nogo si sogo usu nama saibao. Gasa bidi augwaligo dage dali te dwai sę eyu, tama augwaligo dage ela mubo sę me eyu da, teda dage enade homu kęą pai bidi dabe bidiyu da, eno dagebolo wiegi yai nai mu mawaibao, te bidada peyu, bidada pabo ula dagebolo mu mawaibao.”


Tiali goli meba ama dede augwaligo ena moni basket wade munama, tama te hanu genuai masigigo nigai bobage obo te windodu augwaligo ena buluba aba bonogo tagalama, tama ena buluba dilama teda soali. Tama ena te tobolu bidi nogode muani tagalama, tama ena sana pelama wi pai dao. Te sogo te sęde ena bomo meni yai bidi mu bidali. Tialima Godigo ena tau sali.


Tama hauwa sogo ena te Juda dabego bomo yai po ola mabo be dabe tomoba pelama, tama eno te augwali elemainu, eno bidi dabe me badu tagala palai dao, dene mawai, augwaligo Jisasba augwa homu mubo sę tagalomainu yali. Tama ena moni sębę mu elama, te Juda hani isąwai bidigo be nani dabeba peyu, tede te Jisasgo po wali pabo we bidi augwalibolo sęgę mawainu, gegegi pali,” Pol agai te po wai.


Tama te Moni Lotu Be tempel genuai enesigi bidi dali, te pris genuai bidi dabe dali, augwaligo te po odama, augwaligo moni homu yali. Augwaligo te po wai, “Te magi sę yaliwe?”


Augwaligo te Jisasgo tagala palai bidi dabe tulama, kalabus beba muani, dwai sę ebo bidi dabe dali hodobo te kalabus beba muani.


Te Pita dali Jon si te we bidibolo po ola mobadi, te pris bidi dabe dali, te Moni Lotu Be tempel genuai enesigi bidi kepten dali, te Juda dabe bidi sibi Sadyusi bage dali, augwali te bidi si pageba sabolali.


Tama Juda bage augwaligo Jisas dali po bomo elama weyu, te po wai, “Dago homugo nago de dwagi yai sę yalide dago te homu elama, nage masigi sąnama elainogo ebeo. Nage olo tǫde bidi tiwai digi, nago Godibolo posobo po weyu, te po wai, naga digi nage te God dao, te po obaso dago nage masigi sąnama elainogo ebao,” augwaligo te po wai.


Magi yainuwe? Nago dago wąį Abraham aiyaba elaluai hagede, nago te po waliwe? Te isai dao. Godigo nosali yabo sę po ola mani profet bidi dabe augwali me isai dao. Naga digi magi baso naga nogi ugwaba sobawe?” Juda bagego Jisas dali te po hanalu wai.


Te Jisas te Juda dabego Moni Lotu Be tempel tomoba pelama, te wiegi yai po te we bidibolo ola maduai. Tama te genuai pris bidi dabe dali, te Juda bagego tobolu bidi dabe augwali dali agaba aselama, tama te po wai, “Nago magi bomo elaluyu, nago naga ebo sę ebawe? Tama dego te bomo nagebolo mayu te sę yao weyu yaliwe?”


Tialima, Jeremaia te ami dabe badu kalabus elaludubadi, te boi bidi dabego te Jerusalem sagasobo sogoba usu nai dao.


Tialima, te ofisa dabego Jeremaia te ąį ulu me deliba sela pali. Tama augwaligo aga nogode te baklain bono gebelama, tama te baklain bono te dedage pageba tatagalo dulali. Tialima, te dedagede wę meni yai elaluai, tǫ pu naga elaluali. Tama Jeremaia te dedagede dolaluali sogo, agai sągą te tǫ tomoba pali. Te Malkiago dedage, te kingo ogwa, te ami dabe pedai badu te kingo obo tomode elaluai.


Tama tialima, magi baso nago Jeremaia te Anatot bulu bidi hage yai meniwe? Te bidi agai dage tomode te po me pusubo dao.


Tama nago eno e po augwali sibolo pusa mao, ‘Eno homugo te bidi te kalabus elama be habuba tagalao,’ po wao. ‘Tama aga dwasianu bret dali wę dali madubadi, te wabi hwįbo silama, ena ma asoboba usu nao,’ te po wao,” wali.


Te profet Hananigo te wali pogo king Asa sębę dwai mu ilali. Tama agai pode augwaligo Hanani kalabusiba muani, tama agai sągą ni namego dąų walali. Tama te sogo naga Asago bomonama dwai sę te Juda we bidi meba dali yali.


Tama nosali te we bidi dabe augwali te tibo god Balgo lotu beba pelama, tama te lotu be hųgia sąyani. Tama augwaligo te lotu wabo pesage te alta dabe me, tama me te tibo god Bal noma piksa me, pepedelama sąyani. Tama augwaligo te Matan elama isilali, te tibo god Balgo pris bidi, te alta dabe pąde elali. Tialima, te Jehoiada agai te ami soldia bidi dabe me badu te Genuai Bidigo tempel be tonaluabo soldia ami bidi dabe dąį ilali.


Te pris bidi Jehoiada agai homugo te Atalia augwaligo aga te Genuai Bidigo tempel be elalubo pąde augwaligo te Atalia elamuo homu yali. Tama tialima, agai te gavman ofisa bagebolo e tiwai po wali, “Te Atalia tulama, tama agabolo e tama po walao, ‘Nage te ami soldia bidi dabe tomo agebeledu pao,’ wao. Tama te Genuai Bidigo be obo banis buluba teda pelama, tama tialima, te bidi me deli aga wali pobaso da, teda te bidi dagego ela muao,” Jehoiadago te po wai.


Tama Pol agai te po wali, “Festus, nage dago gavman tobolu bidi dao. Ena wabo pabo bidi menio. Eno dwagi yai homu elalu, te po eno mu obao.


“Te tiwai sę pedalubo si da, teda eno ulu ąį me deli munama elalueibao. Te Devitgo bulai wąį nǫų dabe me te Jerusalem we bidi dabe augwaligo te tibo god dabeba lotu olama, te sęgę hauwa sali. Tibaso, te ąįgo augwaligo te dwai sę yali sęgę tigidali sela sąwainogo yaibao,” Genuai Bidigo te po wai.


Swiv nou:

Piblisite


Piblisite