Jeremaia 27:17 - Godigo dwagi yai po buku

¹⁷ Dagego augwaligo po me odogio. Tiyu, te taun tigidali mu dolabuo. Te dage Babilon king dologode bugagia bidibaso da, te dage bugagia bidaibao.

Jeremaia 27:17 Referans Kwoze

Jeremaia 38:23

Eno te na subaso, te eno koneani, mu tama, te Babilon dabego nago we wai tigidali sela paibao. Te nage me augwalide wi pabo me usu egobeo. Menio. Te Babilon kingo nage pageabi yaibao. Nago te Genuai Bidigo po sela sąbaso da, teda Babilon dabego te taun siago ulaibao,” Jeremaiago te po wai dao.

Jeremaia 38:17

Tialima, Jeremaiago Sedekaiabolo te tiwai po walali, “Genuai Bidi, aga te Tigidali Bomo Elalubo God dao, aga te da Israelgo God, agai te tama po wali, te nago hwįbo tagalama, te Babilon king ofisa dabego nage somainogo eyu da, teda augwaligo nage ela musiąma, te taun me augwaligo isigo ulugobeo. Te nage dali, naga we wai me, bugagia bidaibao.

Jeremaia 7:34

Te Judago taun dabede te we bidi dabe me bidisiąyu, te Jerusalem sunumide me bidigobeo. Eno te tigidali sę pedalumainogo yaibao, te bugai haliga wiegi yai homu pemene ebo kolesaga, me te we sabo sogo genuai nai daa tubo dabe me, te dabe tigidali silaibao. Tama te tǫ kantri tigidali pedai badu dolama, olo elalueibao,” wali.

Jeremaia 42:11

Dage te Babilon kingde wi ebao, tialima, ena Genuai Bidi, eno po dolo obao, dagego agade wi ma elamu dao, magi baso meni, ena dage dali bidibao. Te eno dage tau selama, te dage agai nogode ma saibao.