Jeremaia 27:16 - Godigo dwagi yai po buku

¹⁶ Tama eno te Genuai Bidigo po te pris dabeba, me te tigidali we bidiba, te tiwai pusali, “Ena Genuai Bidi, eno po dolo obao, dagego te tama tiwai po wabo profet dabego poba olo me mugio, ‘Te pąde tama augwaligo te Genuai Bidigo bede tigidali nai sela pali, te Babilonde munolubo nai dabe, tamadi tama augwaligo te Jerusalemba ma selasa asaibao.’ Te profet dabego dage tibo po naga ola mobao.

Jeremaia 27:16 Referans Kwoze

Jeremaia 28:3

Te kibu be si silisąbadi, tama te eno bede tigidali nai te eno ma saibao, te Nebukatnesargo Babilonba sela pali nai dabe selama, tama eno te Jerusalemba ma sesaibao.

Te Israel me Juda Hani Sigo Tuni Bidigo Po Elalubo Buku Si 24:13

Tama te king Nebukatnesar aga te Genuai Bidigo tempel be tomoba pelama, tama agai te tigidali gol te king Solomongo nigali naide muani gol dabe tigidali sali. Tama me te gasa dwagi yai doado bage te Genuai Bidigo tempel bede muani me, me te kingo bede muani doado bage me, tama tigidali te agai te Babilon buluba selasa pali. Agai te tama tiali sę te Genuai Bidigo polobadu wali poba usu nigi peyu, tama sę yali.

Daniel 1:2

Godigo te Nebukatnesargo te Jehoiakim me te Juda we bidi hauwa somainu elama, tama te Godigo bede muani wiegi yai nai, te kap, me plet pou dabe meba salio. Tama agai te aga tibo godigo beba digibulu sela pali, te be te tǫ pedai Sinarde elaluali, te Babilon hanude digi dao.

Jeremaia 27:10

Tiali goli, augwaligo dage tibo po ola mobao, tama dagego augwaligo po homu dąų obaso da, teda eno dage te duga page bulu mude digibulu sela sąwaibao. Tama dage mu dolaibao.

Jeremaia 27:14

Tama tialima, dagego te dage Babilon king dologode bidigobeo po wabo profet dabego po me odogio. Augwaligo dage tibo po naga ola mabo dao.

Aisaia 9:15

Tobolu te polo monu dabe de genuai nogi yai bidi sibolo wali. Te danu te tibo po we bidibolo pusali profet bidi dabebolo wali.