Jeremaia 25:5 - Godigo dwagi yai po buku

⁵ Te profet dabego te tiwai po wali, ‘Dage deli deligo homu begelama, te dagego dwai sunumi wali pabo tagalama, te dagego dwai kolesaga ebo me tagalao. Dagego te kolesaga tagalobaso da, teda Genuai Bidigo duga wąį nǫų dabeba te polobadu mu mani tǫde bugagia bidimainogo ilaibao, te tǫ te dage Israelgo tǫ sesemane sogo elaludaibao, te po wai dao.

Jeremaia 25:5 Referans Kwoze

Jeremaia 7:7

Te dagego eno te tobage po tigidali wali pobaso da, teda dage eno te duga wąį nǫų dabeba mani tǫde bugagia bidimainu ilama, te augwa hani dabego tǫ sesemane elalua pomainu yaibao,” te po wai.

Jeremaia 17:25

teda sesemane sogo te king hani te Devitgo hanide naga pedelama, te augwali Jerusalemde king bidaibao. Tama te king dali, te ofisa bage dali, augwali te hos dabede dualama, te karisde dolalua peyu, te Jerusalem sunumidu eda asu, iba soyu iduaibao. Te sesemane sogo Jerusalemde te we bidi bidaluyu, te Juda me Jerusalem dabe te sunumidu eda iba soyu iduaibao.

Tigidali Nai Gagalama Nigali Side 17:8

Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.

Esekiel 18:30

“Megi da, ena God Genuai Bidi, eno dage Israelde po elalubao. Te eno dage po tų ilibo sogo te dage deli deligo kolesaga eno dagalaibao. Tama tibaso, dage homu begelama, ge neyu, dagego te ebo dwai kolesaga tigidali tagalao. Te dagego tama tibaso da, teda duga te yali dwai kolesagago dage me dologobeo.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Jeremaia 18:11

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Godigo Sęba Tagala Palai Bidigo Po 26:20

Tama hasia bolo eno te Damaskus we bidi pageba pali. Eno augwalibolo te po tama pusa mani, ‘Dagego dwai kolesaga ebo sę tudiba sąnama, dage God pageba asao. Tama dagego dwagi yai kolesaga ebo tigidali we bidi augwaligo sulama, dwai kolesaga tudiba sąyani konemainao,’ wali. Tama eno te po Jerusalem we bidibolo me, te Judia tǫ tomode bidibo we bidi tigidalibolo me, te Israel hani isąwai we bidibolo me, eno te po tama augwalibolo pusali.

Esekiel 33:11

Te Israel dabebolo e tama po walao, ‘Ena God Genuai Bidi, ena tigidali sogo bidibo dao, tama mu tama dao, te dwai kolesaga ebo bidi dabe isibaso, eno tede wiegi yai homu pemene egobe dao. Menio. Eno te dwai kolesaga dabeba tudi ola menama bidibo bidi dabeba eno wiegi yai homu pemene ebo dao. Dage Israel dabego odao. Ma begasa asao. Dagego duga ebo dwai kolesagaba tudi ola menama, tama dage enaba ma asiąo. Magi baso dagego isabo sę idu gebawe?’ Nago augwalibolo te po wao,” wali.

Godigo Nogi Ugwaba Sabo Tęąbi Po Wabo Buku Dabe 37:27

Nago te tigidali dwai kolesaga tudiba munama, tama wiegi yai kolesaga naga yao. Te tiwai nago ebaso da, teda nago nosali pedalubo hani bage augwaligo te tǫde sesabi elama, bugagia bidada paibao.

Godigo Nogi Ugwaba Sabo Tęąbi Po Wabo Buku Dabe 139:24

Nago ena bugagia dagalao, tiyu te tibo homu meba enade elalu idalio. Tama nago ena te bidada pabo ula sabo sunumidu odasa pao.

Aisaia 1:16

Eno dage suali mu doali. Dage wę paugi pįa, tama duga digi duga pęnama, tama dwai sęgę dage elalubo sela sąyao. Tama dwai sę ma igio.

Jeremaia 4:1

Genuai Bidigo te tama po wai, “Dage Israel, te dage ma begasa asabo homu ebaso da, teda dage enaba naga asiąo. Dagego te dwai kugumini yai tibo god eno gedude mubo te sela sąyao. Tama dagego ena sesemane sogo wali asiąo,” wai dao.

Hosea 1:7

Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.