Jeremaia 25:37 - Godigo dwagi yai po buku

³⁷ Genuai Bidi te haliga sębę umagia elama, te sipsip dabe dua tegaluama bidibo te wiegi yai kala koliai pesage dolaibao wali.

Jeremaia 25:37 Referans Kwoze

Aisaia 32:14

Magi baso meni. Te tigidali we bidi dabe augwali te hanu taga pelama, tama augwali te hanude ugwa eda iyu, augwali te hanude sę dabe me egobeo. Te tuni bidigo be, me te ami bagego bomai obo, me te ami bidi dabe bidama boi bidi dabe asobo tonalubo te bobobage sigi be dabe, sese olo elaluama, tama dolaibao. Tama te bulu yowi donki dabe tede biliyu, wiegi yai homu yaibao. Tama me, te sipsip kibu dabe aselama, teba nosai tuagasaibao.

Hibru 12:29

Magi baso meni, dago God da, aga te tigidali nai dabo genuai sia tiwai dao.

Godigo Nogi Ugwaba Sabo Tęąbi Po Wabo Buku Dabe 97:1

Genuai Bidi king bidibao! Tǫ, nage pemene yao. Tama te tamu ąį tomode elalubo bulu ailan dabe, dage bugai haliga iyąo.

Aisaia 66:15

Te dagego Genuai Bidi te sia dali asobo sueibao, te aga karisde dugulama, bomonama, umagia mu udayu, te bomai wali asobo tiwai yaibao. Te aga haliga sębę ebo siago te aga boi bidi dabe ulama, te augwali mu silaibao.

Jeremaia 5:17

“Te augwaligo dagego gide elalubo nai, me bede elalubo nai sia saibao. Te augwaligo dagego wai puluba tigidali ela mubadi, te sipsip hani tigidali me, te dagego bulmakau me ela muaibao. Tama te augwaligo dagego wain du ni, me ni fik kaya, te dolaibao. Dagego homugo te dage bomai obo taun tomode bugagia bidaiba homu ebao, tiali goli, te menio. Te boi bidi dabego hwįagasiyu, te taun dabe dola silaibao,” wali.

Jeremaia 12:13

Dage Israelgo te wit wai ge bulaibao, tialima te inayani nai tau yali sabo sogo, dagego te sesani yai bono naga elalubo sueibao. Dage odolali sę dene elama, te magi nai me deli dagego me sogobeo. Dagego te Genuai Bidi eno haliga sębę naga saibao. Tama dage dwai hale mu siyąo,” wali.

Jeremaia 13:20

“Taun Jerusalem, nago gedu pedama, tama te not badu pedai tagalama, te nageba asobo bidi hani te nago tonao. Te nago augwaliba wiegi yai pemene eyu, te tonalubo we bidi augwali mena bidibawe?

Jeremaia 25:36

Megi da, te sipsip tonalubo bidi dabe gela weyu, homu dene dwai mu yaibao. Magi baso meni, Genuai Bidigo te augwa sipsip dabe nosai tubo pesage dolai baso.

Jeremaia 12:10

“Te gasa tǫ kantri polalubo bidi dabe aselama, te eno wain gi dolaibao. Te augwaligo eno wiegi yai gi agalama, te gi te wa pai pesage naga ilaibao.