Jeremaia 25:36 - Godigo dwagi yai po buku

³⁶ Megi da, te sipsip tonalubo bidi dabe gela weyu, homu dene dwai mu yaibao. Magi baso meni, Genuai Bidigo te augwa sipsip dabe nosai tubo pesage dolai baso.

Jeremaia 25:36 Referans Kwoze

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 25:34

Dage tobolu bidi dabe, me we bidi tonalubo bidi dabe, dage gela weyu, hobede dwai mu yao. Te dage tǫba degasa dulama, hogogobe paibao. Magi baso meni, megi da, te boi bidi dabe aselama, te dage ela munama, te bidalubo we bidi dabe sela sąbo sogo elalubao. Te dage tulaluama doloyu, te wiegi yai tǫgo nigai sospen tǫba tulaluama dolobo tiwai yaibao.

Jeremaia 18:22

Te polo tama mu nago te boi hwįbo bidi dabe te hwįagasomainu tagala palama, te augwali dolomainogo ilao, te augwa wi mu genuai eyu, te dwai gela mu omainao. Te eno boi bidi dabego ena pageabi elama, ena dolainogo ebao. Augwali te bidigo hasa tulalumainogo te tǫ dedage nigibo tiwai ebao, te bidigo sųgų sabo wa munama, te hasa tumainogo ebo tiwai ebo dao.

Jeremaia 25:35

Tama dage tonalubo bidi dabe, te dage wi pelama, geme dula sigi pabo pesage meni yaibao, te dolobo sę dageba ela somainogo te tama tebo usu me egobe dao.

Jeremaia 25:37

Genuai Bidi te haliga sębę umagia elama, te sipsip dabe dua tegaluama bidibo te wiegi yai kala koliai pesage dolaibao wali.

Sekaraia 11:3

Te king haliga sęgę mu ebaso augwali gela obao, magi baso meni, te augwaligo bomo me genuai nogi elaluali silalio. Dagego te king dabego i dwagila wabo odao. Augwali te hasa laion dabego ebo sę tiwai yali, augwaligo te wę Jordan sesegede te hasa laion geme duala siduali genuai busi togobaso te dwai hwą wabo tiwai obao.