Jeremaia 25:33 - Godigo dwagi yai po buku

³³ Tama te sogo Genuai Bidigo te we bidi hauwa ela munama, tama augwa tigi dabe te tigidali tǫ badu munalua paibao. Tama augwalide hobede elama gela wabo bidi meni eyu, te augwali tigi pubulabo bidi me bidigobeo. Menio. Te tigi dabe te tǫde yowi di munalua pabo tiwai yaibao.

Jeremaia 25:33 Referans Kwoze

Aisaia 66:16

Magi baso meni. Te Genuai Bidigo isigo te we bidi uluyu, te agai hwą ge bainatgo te we bidi hauwa mu ela mueibao, te augwa yali dwai sę wei ponoyu, tiaibao.

Jeremaia 8:2

Te Juda dabego te giliga, me polua, me hǫ dabe, te godolo homu mu yalio. Tama augwa te nai dabeba kidu sugunama, gedu haluasa po augwaliba weyu, te augwali tau somainu augwaliba hanalu wali. Te augwaligo te tobage kolesaga dabe augwaliba lotu weyu ebo sę dabe yali. Tama tibaso, te boi bidi dabego te Juda dabego tigi dili dabe selama, te tǫba sąyu, te yowigo di tabo tiwai yaibao. Te giligago, me poluago, me hǫ dabego te tigi dili sueibao. Tama te dili dabe selama, te ma pubulabo bidi dabe meni yaibao.

Godigo Nogi Ugwaba Sabo Tęąbi Po Wabo Buku Dabe 79:3

Te boi bidi dabego nago we bidi dabe ela munama, tama augwaligo kaneme gelama, tama te wę tiwai te Jerusalem tomodu pai. Tama augwaligo tigi dabe pubulabo bidi deli me bidibeo.

Aisaia 5:25

Tama tibaso, Genuai Bidi agai aga we bidi dabe dali sębę eyu, te sębę posolo mu ebao. Tama megi da, agai nogo ugwa sagua selama, dolainu no munalubao. Agai nogogo deli sogo elebaso, te tigidali tǫ dabe bulu du dabe elebaso, memenege elama, bulu du dabe aluasa dulaibao. Tama we bidi hauwa isila paibao. Tama augwaligo tigi dabe te hanu sunumi dabede olo pobele bage dabe munalua pabo ąǫ yaibao. Genuai Bidi agai tama tiaibao. Tiali goli, te tama tibogo Genuai Bidi agai sębę siligobeo. Menio. Agai nogo me ugwaba me dodolalubao.

Kraisgo Geme Dualali Sę Pedelabo Po Jonbolo Ola Mani 11:9

Tama bidi meba tigidali haniani tigi yai me, te tigidali tǫde, te haniani po wabo me, te tigidali bidi hani, augwaligo te bidi si tigi te sela sogo bidilama me sogo te giligade deli tama sogo te bidi si tigi te po mibo pesagede munalubo sueibao. Tama bidi meba augwaligo “Te bidi si pubulumainao,” te po waibao. Tiali goli gasa bidi dabego “Menio, tagalao,” waibao.

Sefanaia 2:12

Dage kantri Kus we bidi, Genuai Bidigo dage boide ela muna silaibao.

Godigo Nogi Ugwaba Sabo Tęąbi Po Wabo Buku Dabe 83:10

Te sogo nago augwali te Endor bulude dolama, tama augwa tigi te tǫde munaluama, tama damua pai dao.

Te Israel me Juda Hani Sigo Tuni Bidigo Po Elalubo Buku Si 9:37

Tama te agai tigi pebeda pai mu, te yowi di gagawai mu te tǫde munalua pabo sueibao, tama tiwai munalua pabo te bidi dabego sueibao, te augwaligo te Jesebel tigi te yaba wabo augwaligo munu me konebe,’ Genuai Bidigo te po polobadu wai dao,” Jehugo te po wai.

Esekiel 29:5

Tama eno nage te sųgų dabe dali dage selama, te wa pai bulu besela sąwaibao. Tama nago tigi te tǫde pila mubadi, tama nago tigi pubulabo bidi meni yaibao. Tama eno te bulu hasa dabe, me ba dabego nago tigi tumainogo sula tagalaibao.

Esekiel 21:11

Megi tama augwaligo te bainat hwą meda holobao, te agai bidi elabo sisi elalueibao. Augwaligo te elego dulama, meda hola silai elalubao, tialima augwaligo te we bidi dabe elabo bidi nogoba muaiba.

Esekiel 29:4

Tama tialima, eno huk nago penanede munama, tama te sųgų dabe nago abolode dagana somainu yaibao. Tama eno nage kegelama, tama te sųgų dabe dali dage ąį tagalama, dage buluba soaibao.