Jeremaia 25:30 - Godigo dwagi yai po buku

³⁰ “Jeremaia, nago eno nagebolo te mani po tigidali pusao. Nago te we bidi dabeba te tama po walao, ‘Genuai Bidi aga bulu dagalude digi bidama, tama aga we bidi dabeba genuai po dagą mu waibao. Awe, aga gasagi yai tedali bulude bidiyu, tama agai i wabogo dogoni te be kulukulu wabo tiwai yaibao. Agai te tigidali tǫde we bidi i bomonama weyu, te bidigo te wain wai agawaide i wabo tiwai yaibao.

Jeremaia 25:30 Referans Kwoze

Amos 1:2

Te Amosgo e bukude wabo po page e tiwai dao, Genuai Bidi te Saion bulu dude bidiyu, te agai i hai genuagia mu udubao. Awe, aga tede te Jerusalem moni taunde bidiyu, sębę ebaso, te agai dogonigo hwą bomonama obao. Tama tibaso, te sipsipgo tuabo wiegi yai nosai dabe sasia pobao, me te Karmel bulu dude elalubo ni yabe dabe, tigidali wa pobao.

Joel 3:16

Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

Aisaia 42:13

Genuai Bidi te bomai ami bidi tiwai elalu, te megi agai hwįgi painu paibao. Agai te po dagą genuai olama, i weyu, te ami dabego ebo kolesaga tiwai te aga haliga sębę hodolama, te hwįabo sisi elalubo tiwai yaibao. Te agai aga boi bidi dabe dali hwįnama, te augwali aiyaba mu elaluaibao.

Aisaia 16:9

Ena te hanu Jaser de Sipma si wain gi hagede gela obao. Tama me eno gela ųga te hanu Hesbon me Eleale buluba tulalubao. Magi baso meni, dage sese dola silalio. Tama dagego we bidi augwa wain giba pelama, tama augwali te wain du tau yali sainu wiegi yai homu elama, hai dali iba, eda egobeo.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Sekaraia 2:13

Genuai Bidi aga bulu mu tagalama, tama aga daba asaibao. Tialima, da tigidali tǫ pedaide bidibo we bidi pedauwali pani selama tama tonaluinao.

Amos 3:8

Te bomai hasa laiongo i bomonama wabo odobo si da, te bidi aga wi homu ebo meni da, agawe? Awe, aga wi yaibao. Te God Genuai Bidigo po bidi me deliba pusubaso, te bidigo te po pusubo meni da, agawe? Menio. Agai pusaibao. Te Amosgo wali po dao.

Hosea 5:14

Megi da, ena te bomai laion tiwai pedalama, tama eno te Israel me Juda si dali hwįaibao,” wai. “Te ena digi eno augwali pepeda palama tagalaibao, tama augwali te tiwai bidimainu yaibao. Te eno augwali kekasa pelama, te bidi me deligo augwali tau siyu, eno nogode ma sainu ebo usu me egobeo,” wali.

Jeremaia 48:33

Te Moapgo tǫde wiegi yai nai hauwa pedalubaso, te bidi dabego te nai siyu, wiegi yai pemene yai. Tiali goli, te wiegi yai pemene elama, gisugu wabo kolesaga te silaibao. Eno te tama tilama, te wain du agabo masigi poude te wain augwaligo munu ma nigigobeo. Augwa te i olama, pemene eyu, te wain agabo sę yali me egobeo. Mu tama, te augwa i weyu da yaibao, tiali goli, te augwa pemene elama, i me wagobeo.”

Jeremaia 17:12

Dena Godigo be da, te God aga dugulalubo sia king tiwai elama, te wiegi yai mu elalubao. Polobadu mu aga genuai nogi elaluai, tama tiwai me elalubo dao.

Godigo Nogi Ugwaba Sabo Tęąbi Po Wabo Buku Dabe 132:14

Agai te po wali, “Te ena te taunde sesemane bidada peyu, bidada paibao,” wali. “Eno te pesage te ena king bidabo madi sa muai dao.

Godigo Nogi Ugwaba Sabo Tęąbi Po Wabo Buku Dabe 78:65

Tialima, megi da, Genuai Bidi hodaluali, te bidi betde pilama hodalubo tiwai gilama yali, tama te bomai bidigo te wain wę hauwa tulama, tama te i hai ola bilibo tiwai gilama yali.

Godigo Nogi Ugwaba Sabo Tęąbi Po Wabo Buku Dabe 58:5

Te hasamanigo te kolesaga koneai bidigo po me odisiąwaibao, te agai musik wabo sogo te hasamani hodaluama, tęąbi emainu yai. Te agai ona elaidu geani, tama te hasamanigo me odogobeo.

Godigo Nogi Ugwaba Sabo Tęąbi Po Wabo Buku Dabe 11:4

Genuai Bidi God aga dwagi yai bede bidibo. Tama aga dagalude genuai tuni bidi bidiyu, tama agai gedugo tigidali bidi subo dao. Tama augwaligo tigidali sę ebo agai osola subo dao.

Tuni Bidi Dabego Po Elalubo Buku Si 30:27

Tama nosali te Livai hanigo pris bidi dabe doligiluama, tama Godibolo te we bidi wiegi yai sę ilao olama hanalu wali. Tama God dagalude bidiyu, aga wiegi yai bulude bidiyu, tama agai te pris dabego gedu haluasa po wabo odali.

Te Israel me Juda Hani Sigo Tuni Bidigo Po Elalubo Buku Deli 9:3

Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Bomai Po 26:15

Nage naga wiegi yai bulu dagalude bidiyu, tama eno homugo nago da Israel dabeba eba tonama, dabolo wiegi yai sę yao. Tama te tǫ wiegi yai ili hauwa yai, te tǫ nago dabolo mani tǫ wiegi yai ilao. Te naga digi dago wąį dabebolo mawaibao wali gilama tama,’ te tama po wao,” Mosesgo te we bidibolo te po wai.

2 Samuel 15:25

Tama kingo Sadokbolo te tama po wai, “Te Dąų Wali Bomai Po Muani Halobage te hanuba ma sela pao,” wai. “Te Genuai Bidigo enaba wiegi yai homu pemene eyu da, teda agai ena te ma odasa aselama, tama eno te Dąų Wali Bomai Po Munalubo Halobage me, te aga bidibo ugwa be me, te eno sueibao.

Godigo Nogi Ugwaba Sabo Tęąbi Po Wabo Buku Dabe 46:6

Te haniani tǫ pedai kantri we bidi hani dabe augwali dwai midigi selama, tama hwįyu dali yai, tama te king dabe dali, te augwa we bidi dabe me, te augwali dolaibao. Godigo genuai po dągą mu obaso, tama tǫ te olo wę tiwai pedelaibao.

Aisaia 33:3

Te bomai bulu bidi dabego nago te be kulukulu tiwai i wabo odobo sogo, me nago augwali dali hwįainu hogodasa asobo si da, augwali we bidi sese wi paibao.

Jeremaia 25:38

Genuai Bidi hogodasa asali, te laion aga geme dulaluama asobo tiwai yali. Genuai Bidi te haliga sębę mu elama, te boi bidi Juda dabeba hwįagasomainogo yaibao. Tama tialima, te tǫ kantri mu dolama, te dwai olo pesage pedelaibao.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.