Jeremaia 25:23 - Godigo dwagi yai po buku

²³ Tama eno te Dedan dabeba mayu, me te Temadabeba, me te Bus dabebolo me mayu, tama te tobolunisi duasabo we bidi dabeba mayu yaibao.

Jeremaia 25:23 Referans Kwoze

Jeremaia 9:26

Te e bage te Isip dabe, me Juda dabe, me Idom dabe, me Amon dabe, me Moap dabe, me te olo masigi kemi tǫde bidalubo bage me, te augwa gesabi badu tobolu nisi pęwadage sugą sobao. Te hani augwali te Genuai Bidigo po odisąbo bage, te Israel dabe augwaligo me te hani bagego kolesaga wali palio. Te Israel dabe me, augwa hale ebo tigiwali togosiąwai ąǫ tiwai yai dao,” wali.

Jeremaia 49:32

Dagego augwaligo te kamel dabe, me genuai bulmakau hani dabe, me sipsip dabe tigidali me sagameo. Te augwa gebo badu tobolu nisi pęwadage togobo bidi hani dabe eno sela sąnama, te augwali tedela paibao. Ena Genuai Bidigo, eno te tǫ pedai tigidali badu boi bidi pedalumainogo ilama, tama te dene mabo sę ebo sogo mugo te Hasor dabe gegaibao.

Jeremaia 49:8

Dage Dedan we bidi dabe, dage te taun tagalama, wi peyu, tama te masigi ola be dabeba geme bugagia duala sigi pao. Magi baso meni. Ena Genuai Bidigo eno te dene mabo sę ebo sogo mu te Idomba pedelaibao, dage Isogo hani, te dage dolaibao. Te sogo eno te dagego dwai kolesaga yali wei ponaibao,” wali.

Jopgo Po Asęani Elalubo Buku 6:19

Te bidi hani te hanu Tema bidi dali, Seba bulu bidi dabe, augwaligo me tiwai sę naga ebo dao. Augwaligo homugo te wę gamiade wę elalubao olama, augwa kibu kamel dabe teba sela pelama, te wę tumai homu elama, teba odasa pabo dao. Tiali goli, augwali te wę sula saibaso, noma sabo dao. Tama tibaso, augwali dwai homu ebo dao.

Tigidali Nai Gagalama Nigali Side 22:21

Te e da te wai dabe augwali nogi e dao, Us te gomunai bidi, tama Bus, me Kemuel, aga te Aramgo aya dao,

Esekiel 27:20

Te Dedango hani bagego nagebolo te hos dabe tudi dilide dugabo nai satel dologode munama dugayabo ugwa blanket dabe mani, te nago augwali maiabo nai dabe dali dobu si eyu tiali.”

Esekiel 25:13

Te eno megi te po obao, eno te Idom dabeba dwai dene umabo mu menama, te tigidali we bidi ela munama, te augwa kibu sibi dabe tigidali me elaibao, te not badu te distrik Temande gagalama peyu, te saut badu te taun Dedanba usu naibao. Te tǫ kantri Idom olo mu elaluaibao.

Tuni Bidi Dabego Po Elalubo Buku Deli 1:30

me Misma, me Duma, me Masa, me Hadat, me Tema dao,

Tigidali Nai Gagalama Nigali Side 25:15

Hadat, Tema, Jetur, Nafis, me Kedema.

Tigidali Nai Gagalama Nigali Side 10:7

Te Kusgo ogwa dabe da, te augwali e dao, Seba, Havila, Sapta, Rama, me Sapteka. Ramago ogwa si ame nani, me Siba me Dedan.

Jeremaia 49:7

Genuai Bidigo te Idom kantride po elalubao. Tigidali Bomo Elalubo Genuai Bidi, agai te tiwai po wali, “Magi yaliwe? Te Teman hanu we bidi dabego te wiegi yai homu kolesaga munu me elalubo homu meni da, agawe? Te augwaligo wiegi yai homude koneani kolesaga te hagawali da, agawe?

Esekiel 27:15

Tama te taun Dedan bidi dabego me te nage dali mone sabo bisnis sę yali. Tama te tamu ąį pąde bidibo bulu tǫ kantri bidi dabe hauwago te mone sabo bisnis sę ebaso, tama augwaligo nageba te elefango kele dabe mayu, te augwaligo nageba nago doado bage sainu te husugu yai ni ebonigo dobu si yalio.

Jeremaia 9:25

“Ena Genuai Bidi, eno te tama po obao. Te hani bidi dabe te augwa hale ebo tigiwali togobo bidi dabe eno dene ilabo sogo bodolu muai elalu, te kolesaga wali pomainu yali, tiali goli, augwa eno po wali pabeo.

Jeremaia 49:28

Genuai Bidigo po te Kedar hanide me te wa pai tǫ pedai Hasorde elalubao. Te Babilon king Nebukatnesargo boi hwįnama, te hani dabe aiyaba elaluai. Hasia bolo God Genuai Bidigo te Kedargo boi bidi dabeba te po walali, “Dage hogodama, te Kedarba boi hwįgi pao. Te giliga pedalubo pedai badu te we bidi mu silao.