Jeremaia 25:15 - Godigo dwagi yai po buku

¹⁵ Genuai Bidi, Israelgo God, agai enabolo te tamapo wali, “Jeremaia, te eno tolalubo kap waingo, te enohaliga sębę usu sai elalubao. Te kap selama, te nageeno te tigidali tǫde bidibo we bidi hani hauwaba tagalapalama, nago augwali te kapde ąį tumainogo ilagameo.

Jeremaia 25:15 Referans Kwoze

Godigo Nogi Ugwaba Sabo Tęąbi Po Wabo Buku Dabe 75:8

Genuai Bidigo te bomo yai gesi wain wę te kap me delide pągąwai tolaluai. Agai gea palama, tama tigidali bidi dwaigo tulama, tama mu siminanio. Te tama tiwai naga te dwai sę yali we bidi dabe te Godigo po tųba pedelama, tama te augwali mu hagawaibao.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Kraisgo Geme Dualali Sę Pedelabo Po Jonbolo Ola Mani 14:10

te augwali sibolo lotu po weyu tigide dąį sali bidi agabolo Godigo te bomai ąį wain tiwai mabo te agabolo dene mawaibao. Te wain te Godigo genuai sębę ebo te dao. Godigo te wain ąį te ąį mu dali hasia te si talubeo. Menio. Te sębę te bidibolo dolo mawaibao, aga dali homu dene dwasianu egobeo. Agai sębę ebo te dene sabo kapuba gelama mabo ąįgo wei ponoyu, tama te bidigo tumainogo yaibao. Tama te bidi dwai dene siyu, te posolo mu yai sia dali, te masigi salfade dabo sia bogoli dali, augwali side te dwagila dwai dene mu siyu, te magi dwai sę me isiąbo ensel mobo bidi dabego gedude me, te Kibu Sipsip Waigo gedude te dene saibao. Te bidibolo te dwai posolo yai siago dene mayu, te masigi salfade dabo posolo yai siago me te dene madueibao.

Jopgo Po Asęani Elalubo Buku 21:20

Awe, augwa digi sulama, dene konemainu te Godigo sębę, te God Tigidali Bomo Page Bidi.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Kraisgo Geme Dualali Sę Pedelabo Po Jonbolo Ola Mani 14:19

Te po obaso, te ensel bidi agai te hwą ge nogogo selama, tama te wain bonode walali du tigidali togwali, tama deliba sisinama elaluai. Tama agai te bono du dabe te wain agabo te dawai halobage tiwai genuai masigi tomoba sąwai. Te po digi po begelama, te genuai bono du agabo halobage te Godigo genuai sębę dao.

Jeremaia 51:7

Polobadu Genuai Bidigo te tigidali tǫ kantriba dwai dene momainogo yali, tama te tǫ kantri Babilongo agai te sę yalio. Babilon te kap gol me deli tiwai Genuai Bidigo nogode munama, tama Genuai Bidigo digi te gasa hani dabe te kapde wain tumainogo yai. Augwali te ayoge elama, te augwali umuna pai tiwai yai dao.

Godigo Nogi Ugwaba Sabo Tęąbi Po Wabo Buku Dabe 11:6

Agai dwai kolesaga ebo bidibolo posolo yai sia ugwadu aiyaba gelebo dao. Tama te posologo augwali mu dene sabo dao. Te augwaligo dwai sę ebaso, dene somainogo tiwai.

Godigo Nogi Ugwaba Sabo Tęąbi Po Wabo Buku Dabe 60:3

Nago te sęgę hauwa te naga we bidi dabolo mawai. Tama nago dabolo te wain ąį menama, tumainu ebo tiwai yai. Dago tulama, tama da te umuna pai mu pedelali.

Aisaia 51:23

Tiali goli, eno te kabu te nage dolobo bidi dabe nogoba mueibao. Augwaligo nage te tǫde pimainu ilama, te augwaligo nage agalama, te nage tudi daide biliyu, te augwa olo tǫ bulude bilibo tiwai yai dao,” te po wali.

Jeremaia 1:5

“Te eno nage naga idago haligade ame nisąbo sogo, eno nage koneai. Te nage naga idago ame nisąbadi, eno nage sa munama, te gasa bulu tǫ kantri dabe tomode te profet sę ela bilabo bidi da homu yai dao,” wali.

Jeremaia 43:11

Agai te Isip tǫ kantri dolagasaibao. Eno te dwai gasi selama, isabo bidi meba dąį ilaibao. Tama te sogo augwali dwai gasi saibao. Te gasa tǫ kantriba kalabus igi pabo bidi meba eno dąį ilaibao. Te sogo augwali kalabus yaibao. Te boi hwįgi pelama isabo bidi meba eno dąį ilaibao. Tama te dąį yali side hwįgi pobaso, te augwali isaibao.

Jeremaia 46:1

Genuai Bidigo po te haniani tǫ kantri dabede elalubaso, tama agai te po Jeremaiabolo mawai dao.

Jeremaia 48:26

Genuai Bidigo te tiwai po wali, “Moapgo ena dali hagoma ebaso, te eno homugo te boi bidi dabego aga elalumainogo homu elama, te aga bomai ąį tulama, gęǫ page ebo bidi tiwai pedalumainogo ilimainao. Te aga bugali bogu daide pila mudu, bebegeludubaso, te bidi dabego aga gisugu momainogo yaibao.

Jeremaia 49:12

Genuai Bidigo te tama po wali, “Eno te hauwa we bidi dabeba te dwai dene mabo sę yaibao. Te augwaligo dwai sę genuai me isąbadi tagalao, te eno dene augwaliba mawaibao. Te Idom, nago homugo eno nage ela soaiba homu eba, agawe? Mu menio. Eno nage me ela soagobeo. Eno nageba me te dene mawaibao.

Esekiel 23:32

“Ena God Genuai Bidigo te tama po obao, Oholiba, te eno nageba dwai dene mu mawaibao, te naga amabolo mani dwai dene tiwai tobage nageba me mawaibao,” te po wai. “Te eno nage te bomai wain ąį te genuai kabude tumainu ebo tiwai ilama, te nage wabo pabo bidi tiwai yaibao. Te gasa hani we bidi tigidaligo nage sulama, te nage gisugu mayu, te nageba dwai posobo po waibao.

Esekiel 23:33

Te wain ąį eno te Samaria mani tobage wain tiwai da, te naga nagebolo mawaibao. Nago tulama, te nage gęǫ page eyu, te nage haliga sęgę eyu, te wi dwai mu elama, te nage dolaibao.

Esekiel 29:12

Tama eno e kantri Isip geninama mu dolaibao. Te Isip taun dabe, me te tǫ sese dali, mu dwai dolai elalueibao, te gasa dolali tǫ dali taun dabe dali aiyaba elalueibao. Tama eno te Isip dabego taun dabe mu dolama tagalama, tama augwali kibu te bidi sese si kibu be mu tiwai tama me bidaibao. Tama eno te Isip dabe augwali augwa kantride sela sąwaibao, tama augwali gasa hani we bidi tomode bida bida paibao,’ agabolo te po wao,” wali.

Esekiel 36:5

Tama tialima, God ena Genuai Bidi ena haliga sębę posolo tiwai eyu, eno bomai po te kantri Idomba, me kantri dage pąde elalubo, te kantri dabeba te obao. Augwaligo homugo ena te olo nai dao tiwai homu elama, tama augwaligo eno tǫ sainu homu mu gana pai dao. Magi baso meni. Augwaligo te tǫ me badu te augwaligo kau kibu dabe me sipsip kibugo nosai tede tumainao homu yali.

Obadia 1:16

“Eno te dwai dene ena we bidiba mani. Te tiwai naga, te eno te tigidali bulu tǫ kantriba yaibao,” wali, “te augwali te ha yai wę tubo tiwai yaibao. Te eno augwali mu silaibao,” wali.

Habakuk 2:16

Te tama tiwai gilama, te Genuai Bidigo dagego genuai nogi elaluali aiyaba elaluama, te dage hale dwai mu yaibao. Te agai digi dagebolo dwai dene mu mabo sę elama, te agai duga digi te wain ąį hauwa mu tumainogo ebo tiwai elama, te dage gęǫ page dwai mu yaibao. Te dage tigi habu olo bidibo te bidi dabego sulama, tama dagego genuai nogi elaluali aiyaba tula palama, tama dage hale dwai umagi mu yaibao.

Godigo Nogi Ugwaba Sabo Tęąbi Po Wabo Buku Dabe 75:9

Tiali goli, eno te Jekopgo God po te sesemane hanilama pusaibao, tama eno agai nogide te tęąbi umabo mu udubadi geaibao.

Aisaia 14:26

Te tobage kolesaga naga Genuai Bidigo tigidali tǫde elalubo kantride yabo homu yalio. Tama tibaso, agai nogo ugwa sagulama, tama augwali dolabo no sealubao.

Aisaia 34:2

Genuai Bidigo te tigidali bulu tǫ kantri dali haliga sębę eyu, te augwa ami bidi dabe dali me sębę yali. Tama agai te po weyu, te augwali tigidali isaibao po wai dao. Awe, agai augwali sese mu dola silaibao.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Jeremaia 45:5

Tama tialima, nago homugo te wiegi yai nai naga nageba pedalumaina homu ebawe? Nago te tama homu kolesaga ebo tagalao, magi baso meni, ena Genuai Bidigo eno te tigidali tǫde we bidi dabebolo dwai dene mabo sę ebao. Tiali goli, te eno nage tau saibao, te nage menaba pobaso te tagalao, te nage augwaligo me ela mugobeo,’ agai te po nagebolo pusa mao wali,” Jeremaiago te po wai.