Jeremaia 25:14 - Godigo dwagi yai po buku

¹⁴ Te eno Babilon dabeba dwai dene mawaibao, te augwa yali dwai kolesaga wei ponaibao. Te tǫ kantri hauwa bomai kingo te augwali aiyaba elaluama, te augwalibolo kalabus sę mawaibao,” Genuai Bidigo te po wali.

Jeremaia 25:14 Referans Kwoze

Jeremaia 51:6

Dage Israel me Juda, dage te Babilon tagalama, wi pao. Dage deli deli te wi pobaso da, te dage dologobeo, dage bugagia bidaibao. Tiyu, dage te kantri Babilon dali dolabuo, magi baso meni, megi da, Genuai Bidigo te Babilon aga yali dwai kolesagade dwai dene mabo wei ponobo sogo dao.

Jeremaia 50:9

Dagego Babilon tagalao, magi baso meni, eno te not pedai badu te haniani tǫ kantride bomai bidi hauwa hodolama, te augwali odasa aselama, te Babilonba hwįagasomainogo yaibao. Augwali te lainde wasilama, te hwįnama, te Babilon dabe aiyaba elalueibao. Te boi bidi hani augwaligo te enesigigo hwįbo mu konea pai bidi, te augwaligo ene enebo sogo da, te munu me geda mugobeo.

Jeremaia 27:7

Tigidali hani we bidi te aga dologode elaluama, te nosali augwali aga ogwa dologode bidama, te agai waigo wąį nǫų dabe dologode me bidaibao. Augwali te Babilon dologode bidada pedubadi, te eno Babilon dolabo bodolu muani sogoba usu naibao. Tama te sogo te tigidali tǫ kantri bomai king dabego te Babilon aiyaba elaluama, te augwa olo sę ebo bidi dabe tiwai mu pedelaibao,” te po wai dao.

Jeremaia 50:41

“Suao! Te ami dabego te not badu bidali tagalama, asainogo ebao. Augwali te bomai hani mu te king hauwa elalu, te digibulu mu bidibao. Megi da, augwaligo te boi hwįabo nai sisi ebo dao.

Daniel 5:28

Tama te ‘Pedao’ wali po page, te tiwai, Godigo te nago tonaluali tǫ kantri pedelama, tama me badu te Midia dabeba doba yali, te me badu Persiaba doba yalio,” Danielgo te po wali.

Aisaia 66:6

Te taun tomode genuai i weyu, te eno be tomode kulukulu wabo odao. Te eno i me kulukulu weyu ebao, te Genuai Bidi dao. Eno te ena boi bidi dabeba dwai dene mayu, te augwa yali dwai kolesaga wei ponaibao,” wali.

Aisaia 14:2

Awe, Genuai Bidigo te Israel hani isąwai we bidigo te Israel dabe augwa buluba ma asomainu tau somainu ilaibao, te Genuai Bidigo augwalibolo sa muani tǫ dao. Tama te we bidi dabe te Israel dabego olo sę ebo we bidi tiwai pedalaibao. Te bidi hani polobadu Israel dabe kalabus elaluali bage, megi da augwali Israel dabego kalabus bidi dabe bidaibao. Te polobadu te Israel dabe aiyaba elaluama, augwali dali dwai sę yali. Tiali goli, megi da, Israel dabego augwali tonaluaibao.

Godigo Nogi Ugwaba Sabo Tęąbi Po Wabo Buku Dabe 137:8

Babilon, odao. Te nage dolaibao. Te nago dabolo yali dwai sę wei ponobo bidi da, te bidi aga pemene yagameo.

Hosea 9:7

Te Godigo dageba dwai dene maiabo sogo pedelalio. Tama duga te yali dwai kolesagade usu nama, te dene saibao. Te sę pedalubo sogo da, teda Israel, duga koneaibao, te dwai dene dao. Dagego enabolo te po wali, “Te profet aga te kolesaga meni yai umuna sali da,” wali. “Te Godigo bomo elalubo bidi, aga te kolesaga geda mubo bidi da,” wai. Dage we bidigo ena godolo homu me isąwani, magi baso meni, dagego dwai sęgę te genuai umabo yai dao.

Aisaia 13:4

Dagego odao, te kulukulu te bulu dude dabe wabo odiąo. Te geninama bidi dabego kulukulu te obao. Te tigidali bulu hauwa badu ami bidi dabe te sisinagasali dao. Tigidali Bomo Elalubo Genuai Bidigo aga bomai ami bidi dabe sisinagasali dao, te hwįabo bidi dabe.

Jeremaia 32:19

Nago te wiegi yai sę dabe yabo homu kolesaga elalubao. Nago bomo elalu, te nago genuai sę dabe ebao. Nago te tigidali we bidigo ebo sę subo dao. Nago te bidi tigidali deli deligo ebo kolesaga dagalama, te augwa yali kolesagade usu nama, wei ponobo dao.