Jeremaia 25:11 - Godigo dwagi yai po buku

¹¹ Te tǫ tigidali dolama, te dwai olo pesage naga elalueibao. Tama te hani we bidi dabe te kingo sę olo ebo bidi tiwai te Babilonde bidaludubadi, te kibu be bidi sese sela olama, nogo si, te 70 yia bidaibao,” wali.

Jeremaia 25:11 Referans Kwoze

Daniel 9:2

Te hasia kibu bede aga te king bidali, ena Daniel, eno te Godigo buku dabe nededuali. Tama eno te Genuai Bidigo te profet Jeremaiaba mani pode homu kone palali. Agai te po weyu, te Jerusalem dolama elalubadi, te kibu be bidi sese sela olama, te nogo si, te 70 yiaba usu naibao walio.

Sekaraia 1:12

Tialima te polalubo enselgo te po wali, “Tigidali Bomo Elalubo Genuai Bidi, nago te kibu be 70 usu nama nago te Jerusalem we bidi dali me te Juda hanigo taunde bidibo we bidi dabe dali sębę yai dao. Nisu mu nago augwali dali homu dene eyu tau ma saibawe?” tama wali.

Sekaraia 7:5

“Nago te kantri we bidi dabe me augwaligo pris bidi dabebolo e tama po walao, ‘Mu tamao, te kibu be 70 edubadi te tigidali 5 poluade me te 7 poluade dagego nai dabe habu selama, hobedai gela weyu yai dao. Tiali goli dagego te enade homu kone paliyu, te eno nogi ugwaba sabo kolesaga me yai menio. Mu menio.

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Jeremaia 4:27

Genuai Bidigo te tama po wai, “Te tǫ tigidali te olo nai tama pedelaibao,” wali, “tiali goli, te eno aga tigidali mu me dologobeo.

Pris Sę Ebo Bomai Po 26:32

Te eno dagego tǫ mu dolaibao, te dagego boi bidi dabego te tǫ selama bidibo sogo, te augwa sulama, te dwai noma mu saibao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Jeremaia 27:22

‘Te boi bidi dabego te nai dabe doado bage selama, te Babilonba selasa paibao. Tama te nai te doado bage te Babilonde munalubadi, tama eno augwaliba homu kone ma palobo sogo me deli teba ma yagasaibao. Tama tebo sogo te eno augwali ma sela aselama, te augwali Jerusalemde ma munalueibao,’ te po Genuai Bidigo wai dao,” wali.

Jeremaia 28:14

Ena te Israel God, ena Tigidali Bomo Elalubo Genuai Bidi, eno te tiwai po obao. Ena digi eno augwaligo aingo nigai domabo nai selama, eno te we bidi dabeba, me te tǫ kantri dabeba, muna muna paibao, te augwali Babilon king Nebukatnesargo olo sę ebo bidi bidalueibao. Tama eno te bulu uni hasa sibi tigidali me agaba mani, te augwali me aga dologode bidaibao,” Genuai Bidigo te po wai.’ Nago te po Hananiabolo pusigi pao,” Genuai Bidigo Jeremaiabolo wali.

Jeremaia 29:10

“Ena Genuai Bidi, eno dageba mani po page e tiwai elalubao. Eno te 70 yia, te bidi sese sela olama, nogo si kibu bede te dage Babilonde bugagia bidaibao, te tama dąį ilali. Tama te tudi badu nosali, te Babilon dolaibao. Te sogo te eno homugo dage koneama, te dage eno Jerusalemba ma odasa paibao, te eno dąų wali tau sabo poba usu naibao.

Jeremaia 43:10

Tama te Juda dabeba nago te tiwai po wao, ‘Tigidali Bomo Elalubo Genuai Bidi, aga te Israelgo God, agai te tama po wai, “Ena Genuai Bidi dao, te eno ena sę bidi, te Babilon king Nebukatnesar i waibao, tama aga te buluba asaibao. Tama aga duabo sia king te pubulali masigi dabe daide mueibao. Te agai ugwa be pasugulama, te masigi munalubo tǫ pedai badu mesegelaibao.

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Maika 7:13

Tiali goli, te tǫ kantri dabe te olo masigi kemi tǫ pesage pedelaibao, magi baso meni, tede bidali we bidi dabego te dwai kolesaga hauwa yalio.

Tuni Bidi Dabego Po Elalubo Buku Si 36:20

Tama te Babilon kingo te we bidi te boide elisąma yali we bidi sese tama te Babilonba kalabus elama selasa pali. Tama te Juda we bidi augwali te Babilon king dabego olo sę ebo bidi we bidada pidubadi, te kantri Persia boma pai mu pedaliyu, tama te kantri Babilon aiyaba elalubo sogoba usu nagasali.

Jeremaia 4:26

Eno suai, te tigidali tǫ pedai te tǫ ili elaluali, tiali goli megi da, te olo masigi kemi tǫ naga elaluali. Te tǫde tigidali elaluali taun, augwali te dolai yalio. Genuai Bidigo haliga sębę umabo mu eyu, te sę dabe pedalumainogo ilali.

Jeremaia 25:38

Genuai Bidi hogodasa asali, te laion aga geme dulaluama asobo tiwai yali. Genuai Bidi te haliga sębę mu elama, te boi bidi Juda dabeba hwįagasomainogo yaibao. Tama tialima, te tǫ kantri mu dolama, te dwai olo pesage pedelaibao.

Jeremaia 27:7

Tigidali hani we bidi te aga dologode elaluama, te nosali augwali aga ogwa dologode bidama, te agai waigo wąį nǫų dabe dologode me bidaibao. Augwali te Babilon dologode bidada pedubadi, te eno Babilon dolabo bodolu muani sogoba usu naibao. Tama te sogo te tigidali tǫ kantri bomai king dabego te Babilon aiyaba elaluama, te augwa olo sę ebo bidi dabe tiwai mu pedelaibao,” te po wai dao.

Esekiel 6:14

Awe, te eno augwaligo tǫ kantri pedai mu dolaibao. Te eno augwaligo tǫ pedai tigidali te olo bulu pesage tiwai pedalubo yaibao, te tǫ wa pai bulu Diplatde gagalaibao. Eno te Israel dabe bidibo bulu pesage deli me sula tagalogobeo. Menio. Te eno tigidali dolama, te tigidali olo bulu pesage naga elalueibao. Tialima, te we bidi tigidaligo bugagia koneama, ena digi ena Genuai Bidi mu bidibo yabo po omainu yai dao,” te po wai.

Esekiel 12:19

Te nago naga abagi dabeba te tiwai po walao, ena God Genuai Bidi, eno te Jerusalemde bidalubo we bidi dabe augwalide pedelabo sę po obao. Te we bidi augwaligo te augwa abagi dabeba sesemane sogo dwai sę ebao. Tama tialima, te dwai sę ebo bidi dabe augwali te nai me wę tubo sę ebadi, te augwali wi dwai mu elama, midigi saibao, magi baso meni, te boi bidi dabego hwįagaselama, te augwaligo doado bage tigidali te tǫ kantride elalubo da selama saibao.

Esekiel 29:11

Tama te kibu be 40, bidi sese si kibu bede, te nai dabe me deli te kantri Isip tomode me elalugobeo. Tama tede bidi ma hasa dabe tede me biligobeo.