Biblia Todo Logo
Bib sou entènèt

- Piblisite -




Jeremaia 25:10 - Godigo dwagi yai po buku

10 Tama eno te bugai haliga ebo me, pemene homu ebo kolesaga me, te bidi dabego we sabo kolesaga me mu silimainogo yaibao. Tama te wit halulu pabo sę ebo me meniama, te wit halubo masigi dabe kidagalo wali mu meni yaibao. Tama te pesagede te lam sole ula me egobeo.

Gade chapit la Kopi




Jeremaia 25:10
14 Referans Kwoze  

Te Judago taun dabede te we bidi dabe me bidisiąyu, te Jerusalem sunumide me bidigobeo. Eno te tigidali sę pedalumainogo yaibao, te bugai haliga wiegi yai homu pemene ebo kolesaga, me te we sabo sogo genuai nai daa tubo dabe me, te dabe tigidali silaibao. Tama te tǫ kantri tigidali pedai badu dolama, olo elalueibao,” wali.


Tama dagego te tęąbi po wabo me, te gita elebo sę ebo me, te ma egobeo.


Magi baso meni, ena, dage Israelgo God dao, ena te Tigidali Bomo Elalubo Genuai Bidi, eno po dolo obao, te tǫde we bidi dabe me bidigobeo. Te bugai haliga ebo me, pemene homu ebo kolesaga me, te bidi dabego gesi we sabo kolesaga me, te tigidali mu silaibao. Dage megi tama bidibo we bidi hani, te dagego te sę pedalubo sueibao,” te po wai.


Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.


Te pasigo te po wai, “Tuni bidigo po olama, te tigidali hanude bidibo Juda dabe tigidaligo te augwali, me augwa we wai puluba dali elainu usu sali te wąbi wei ponoyu hwįmainao,” po wai. “Te Juda dabego wąbi wei augwalibolo ponoyu, te mena gasa tǫdu asai bidigo, me ma te tǫ pedai provinsde bidibo bage. Tama eyu, augwaligo te boi bidi dabego doado bage somainao.


Magi baso meni. Bidi me deligo ena dali, eno hani bage dali elabo po mia sai elalubao. Agai da tigidali dolabo homu yalio. Tama timainogo agai te mone maiabo po wai dao. Te augwaligo da tagala palama, te da kalabus sę iligi sogo da, eno po me wagi menigi da, magi baso meni, te eno sęgę nagebolo magi menigio. Tiali goli, augwaligo da mu ela silainu ebaso, tama eno po hanilibao,” Estago te po wai.


Te pas sela pabo bidi dabe augwaligo te pas selama, tama te tigidali tuni bidigo tǫ pedai tomode bidibo te tigidali tobolu bidi dabeba te pas selasa palio. Tigidali paside te tiwai po wai, “Te polua nogo si olama, te sągągo si wabo polua nogi Adar, te 13 deide, te dagego Juda dabe tigidali ela muiąo. Te gesi we bidi me, te monu dabe me, te we wai puluba me, te side naga tigidali mu ela silao. Te augwali homu dene ebo tagalao. Tigidali ela silama, tama augwaligo doado bage sao,” te po wai.


Te nage olo mu sę ebo we tiwai gilama sę yaibao. Te nago tobolude ugwadu banualuali ugwa nami, me te nago sawi yai ugwa dabe me dagala sąnama, nago te wit halubo masigi dabe hogogo belebo sę yao. Tama nago gudali ugwa sugua selama, te ąį dabe nogwaibao.


Te Moapgo tǫde wiegi yai nai hauwa pedalubaso, te bidi dabego te nai siyu, wiegi yai pemene yai. Tiali goli, te wiegi yai pemene elama, gisugu wabo kolesaga te silaibao. Eno te tama tilama, te wain du agabo masigi poude te wain augwaligo munu ma nigigobeo. Augwa te i olama, pemene eyu, te wain agabo sę yali me egobeo. Mu tama, te augwa i weyu da yaibao, tiali goli, te augwa pemene elama, i me wagobeo.”


Dago wiegi yai homu pemene yali sia salio. Dago te tęąbi wabo kolesaga hasegelama, megi dago hobedai gela naga obao.


Swiv nou:

Piblisite


Piblisite