Jeremaia 23:5 - Godigo dwagi yai po buku

⁵ “Ena Genuai Bidi, eno te po obao. Eno te wiegi yai bidi mu me deli te Devitgo hanide pedelabo sogo bodolu mueibao, te ni nologode gesi ni kulubi holobo tiwai yaibao. Te bidi te king bidiyu, agai te wiegi yai doloba pai homu kolesaga wali paibao. Tama agai te tǫde we bidi tigidaliba doloba pai kolesaga mu yaibao.

Jeremaia 23:5 Referans Kwoze

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Aisaia 52:13

Genuai Bidigo te tiwai po wali, “Suao, bugagia konea sao. Tigidali sę eno sę bidigo ebo te bugagia mu pedelaibao. Te bidi dabego agaba genuai nogi mayu, te aga nogi ugwanu mu saibao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Kraisgo Geme Dualali Sę Pedelabo Po Jonbolo Ola Mani 19:11

Te eno suali, dagalu tų genuai dawali, tama tedela yai kibu hos me deli tede bidibo eno suali. Bidi te kibu hosde dulaluali. Te bidi agai sę te we bidi po tų ebode dagaliyu da, tama agai boi bidi dabe dali wąbi hwįbaso da, teda agai te mu po dali, te wiegi yai doloba pai kolesaga dali si naga wali peyu, agai te sę si bugagia ebo dao. Tama tibaso, agai nogi si elalubao, me nogi “Godide homu kęą pai bidi.”

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Jeremaia 30:9

Te augwali ena Genuai Bidi, augwa God dologode bidaibao. Me eno te Devitgo hani bidi me deli augwaligo king nigilama, tama augwali aga dologode me bidaibao,” te po wai.

Jeremaia 30:3

Ena Genuai Bidi, eno te ena we bidiba yabo sę dąį ilali sogo elalubao, te Israel dabe me Juda te bugagia ma bidaibao. Te eno augwali te tǫ te augwa wąį nǫų dabeba polobadu mani tǫba ma odasa aselama, te augwa tǫ mu ma pedelaibao,” wali.

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Hibru 8:8

Tiali goli Godigo te we bidi augwaligo sęgę po haninama agai te po wai, “Eno te po obao, ‘Odao! Nosali me sogo te eno augwali tau somainogo eyu, dąų wabo gesi po te Israel hani augwali dali me, te Juda hani augwali dali me dodolama, tama dąų waibao.

Dwagi Yai Gesi Po Jongo Asęani 1:45

Filip pelama, Natanielbolo te po wagi pai, “Te bidi polobadu Mosesgo te bomo yai po bukude asęani po dali, tama Godigo polobadu po ola mani profet bidi dabe me, augwaligo te bidi dali po asęai, te bidi dago suai. Te bidi Jisas aga Nasaret bulu bidi Josepgo ogwa dao,” Filip agai te po wai.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Daniel 9:24

“Godigo dąį ilali te 70 taims 7 kibu be dabe silibo si, te agai nago we bidi dabe dali, me Jerusalem te wiegi yai ma ilabo po wali, tama aga taun dao. Agai te tigidali we bidigo sęgę sela sąnama, tama augwa yali dwai kolesaga tigidali siminaibao. Tama agai te sesemane bidada pabo sogo pedalumainu ilaibao. Tama aga te Gasagi Yai Tedali Mu pesage me deli nigilaibao. Godigo te sę dabe te nade wali sę me, te profet dabego wali po me, te usu nagasu, te tama yai dao.

Jeremaia 31:27

“Ena Genuai Bidi, eno te tiwai po wai, eno tebodolu me deli munama elalubo, tama te sogo eno te webidi dabe, me te hasa sibi hauwa, te Juda tǫde me Israeltǫde pedalumainogo ilaibao, te bidigo gide sę elama, naihauwa pedalubo tiwai yaibao.

Jeremaia 22:3

Genuai Bidigo e tama po walio. Dagego te wiegi yai doloba pai kolesaga naga iyąo. Te bidi me deligo gasa bidigo nai wi selama, agabolo sęgę mawai yai baso da, teda dagego aga tau selama, agai te sęgę silimainao. Dagego te tiana wai dabeba dwai sę igimio, te wilawe we dabeba dwai sę igio, te dage dali bidibo gasa tǫ kantri we bidiba me te dwai sę igio. Tama dagego te bulu we bidi dabe odolali me ela munamu dao.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Dwagi Yai Gesi Po Jongo Asęani 1:49

Natanielgo Jisasgo po wei begelai, “Po ola mabo bidio, nage Godigo Ogwa dao, nage Israel we bidigo tuni bidi dao.”

Matyu 2:2

“Wai me deli aga te Juda dabego tuni bidi pedalainogo ame nani, aga menade bidibowe? Da te sia ge pedalobo badude bidibadi dago aga hǫ pedalobo sulama, tama agade kidu sugunama dago agade lotu po wainogo digibulu asai dao,” te po wai.

Esekiel 34:29

Tama eno augwaligo tǫ ili hauwa emainu ilama, tama nai dabe hauwa tede holomainu ilaibao. Tama augwaligo kantri nai habuge me egobeo. Tama te gasa meba kantri we bidigo koneaibao, te kantride nai hauwa elalubao olama, tama augwaligo te posobo po me wagobeo.

Godigo Nogi Ugwaba Sabo Tęąbi Po Wabo Buku Dabe 80:15

Nago da tau sagasao, naga digi nago te naga bomogo da bulali. Da te gesi ni wain tiwai nago te bomonama mu pedalumainu yai dao.

Godigo Nogi Ugwaba Sabo Tęąbi Po Wabo Buku Dabe 45:4

Nage te genuai nogi elalu, te polalubo king dao. Nage te hosde dugulasa, tama te hwįboba pelama, tama te hwįbo bage aiyaba elaluao. Nago hwįainu da, te bidi dabego nago po te aiyaba me elalugobeo. Tama nago hwįbo te bidi dabe dolasa bilimainu tau siyu hwįani. Te nago hwįbo te bomo yai pedelaibao, tama te dwai bidi dabe nagede wi mu emainu ebo dao.

Jeremaia 22:30

Genuai Bidigo te tama po wali, ‘Te bidide po te tiwai asęao. Te bidi te wai meni yai bidi tiwai elaluali. Tigidali sę agai ebo te wiegi yai me pedalugobeo. Magi baso meni, te aga wai hani dabe me deligo te aga sę yali pesage selama, te Devitgo sia kingde dulalu, te tǫ kantri Juda tonalugobeo,’” wai.

Jeremaia 22:15

“King, nago te ni nami sida hauwa elalu, tama tego nage te wiegi yai king pedelaiba homu eba, agawe? Nago aya aga te nai me ąį tuyu, pemene yali. Tialima, agai doloba pai kolesaga te we bidi dabeba yalio. Tama tibaso, aga bidali wiegi yai yai dao.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Aisaia 42:6

“Ena Genuai Bidigo digi, eno nage i olama, te eno doloba pai kolesaga ola momainu yai. Te nage eno ugwaba pogalu bugagia tonalueibao. Te nagede naga, te eno te Israel hani we bidi dali bomai po dąų walaibao. Tama nage eno te Israel hani isąwai hani dabego ula tiwai ilama, bidaibao.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.

Esekiel 21:27

Te dwai mu dolai elalubao! Te bidi dabego polobadu susąwani kolesagade, te Jerusalem mu dolaibao. E bulu pesage olo tama elalubadi, te bidi me deli asobo sogoba usu naibao. Eno te bidi sa munama, agai te Jerusalem tonalumainogo, eno te taun agabolo mawaibao,” wali.

Esekiel 45:8

King aga tǫ tali elaluaibao, tama agai te we bidi dali dwai sę me egobeo, te king dabe augwalibolo eno polobadu mani king dabego yali gilama, tama agai Israel dabego tǫ sidali weyu,” wali.

Hosea 1:11

Tama te hani Juda me Israel hani si te ma gesabidi deliba elama, tama te bulu tǫ kantri dedeli naga pedelaibao. Tama augwa polalubo bidi deli naga te nigilaibao, tama augwali te bomai kantri pedelama, tama augwaligo ebo sę tigidali te wiegi yai naga pedelaibao. Augwali te Godigo nigali wiegi yai gi tiwai pedelaibao. Mu tama, Godigo te sę ebo sogo, te genuai side mu yaibao,” wali.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

Godigo Nogi Ugwaba Sabo Tęąbi Po Wabo Buku Dabe 99:4

Bomai king, nago te doloba pai kolesaga wei ebo dao. Nago da Israel we bidi dabeba te doloba pai me wiegi yai kolesaga menama, tama dago wali pali. Tama nago dago te gasa we bidi dabe te doloba pai kolesagade dagalumainu ilali.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Aisaia 33:5

Genuai Bidi aga genuai nogi mu elaluyu, tama aga bulude ugwade mu bidibao. Tama agai aga doloba pai kolesaga dali, agai po tų dolo naga ebo kolesaga dali, te tigidali Jerusalem tǫde pągąna paibao.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Esekiel 34:16

Tialima, sipsip kibu meba hagabaso da, teda eno augwali gegegi pelama, tama eno augwali ma oda saibao. Ma, te sipsip dabe meba subigila pepelawai baso da, teda eno augwali gegegi oda sigi paibao. Tama meba dolama, keni elalubaso da, teda eno augwaligo keni sisaibao. Tama meba augwali gasi elalubaso da, te eno augwaligo gasi usu ma ilaibao. Tiali goli, eno te tumona pai boma pai sipsip dabe dolaibao. Magi baso meni, eno sipsip dabe tonalubo doloba pai kolesaga naga ebo dao,’ eno te po te tobolu bidi dabebolo obao,” wali.

Maika 5:3

Tialima, Genuai Bidigo aga we bidi dabe digi te boi bidi dabego nogode bidimainu ilama, te Godigo we me deli sa mubo sogoba usu niyu, te ogwa me deli ame naibao. Tialima, te sogo te bidigo abagi dabe augwali te gasa bulu tǫ kantride kalabus sę igi pali bidi dabe, te augwali ma aselama, te augwa hani dali deliba ma sisinagasaibao.