Jeremaia 23:39 - Godigo dwagi yai po buku

³⁹ Tama tialima, mu tamao, te dage eno selama, te enade digi sągi paibao. Eno dageba tama tilama, te eno dagego wąį nǫų dabeba mani tǫ taun me te dageba digi te eno digibulu tagala palaibao.

Jeremaia 23:39 Referans Kwoze

Jeremaia 23:33

Genuai Bidigo Jeremaiabolo te tiwai po walali, “Te we bidi dabego, ma profet me deligo, ma te pris me deli, te aselama, nageba te tiwai po hanalu waibao, ‘Genuai Bidigo sęgę yai po meba elalubo, ma meniwe?’ obaso da, teda nago eno te po agabolo pusao, ‘Ena Genuai Bidigo, eno po dagede elalubao. Dagego enabolo sęgę mawai. Tialima, te eno dage sela sąwaibao.’ Nago eno te po agabolo pusao.

Esekiel 8:18

Tibaso, eno augwaliba dwai dene umagia mabo sę eyu, te eno haliga sębę yaliba usu naibao. Te eno augwali bugagia bidimainu me sula tagalogobeo. Te eno olo mu tau sabo wiegi yai kolesaga te augwaliba me egobeo. Te eno augwali tau somainu i bomonama obadi goli, tialima eno te augwaligo gedu haluasa po wabo me odogobeo,” te po wai dao.

2 Tesalonaika 1:9

Tama te bidi dabe augwali e tama dene saibao, augwali Genuai Bidi gesabidide digibulu bidaibao, tama agai genuai ula dali bomo dali digibulu bidada peyu, bidada paibao, tama tiyu augwali mu dwai bidaibao.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Hosea 5:14

Megi da, ena te bomai laion tiwai pedalama, tama eno te Israel me Juda si dali hwįaibao,” wai. “Te ena digi eno augwali pepeda palama tagalaibao, tama augwali te tiwai bidimainu yaibao. Te eno augwali kekasa pelama, te bidi me deligo augwali tau siyu, eno nogode ma sainu ebo usu me egobeo,” wali.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Esekiel 34:20

“‘Tama dagego ebo kolesaga dolo meni baso, God Genuai Bidi eno te po obao, te ena digi dagego tumona pai me boma pai sipsip, me bomo meni yai sipsip dabego kolesaga dagala sueibao.

Esekiel 34:11

“‘Ena God Genuai Bidi, eno te po te obao, te ena digi ena sipsip dabe gegelama, tama augwali ma oda selama, tama ena digi augwali bugagia tonaluaibao.

Esekiel 9:6

Tigidali monu dabe ela muao, te tigidali gesi ogwa bidi me, gesi wegi ogwa we me ela mubadi yao, te ida dabe, te wai puluba me, tigidali mu elao. Tiali goli, dagego te eno augwali gesabidide dąį ilali bidi ma we me deli, te munu me elamuo. Te eno bede bidibo bidi dabe augwali bolo hasia ela muao,” wali. Tama tialima, augwaligo te sę gagalama, hasia augwaligo te Godigo be pąde bidibo tobolu bidi dabe ela muai dao.

Esekiel 6:3

Te Israel dabe augwaligo bulu du dabe, me odogo bulu dabeba te tama po wao, augwaligo te ena God Genuai Bidigo, eno augwaliba wainogo ebo po odiąo po wao. Eno te boi bidi dabe tagala palama, te Israel dabe augwaligo te tibo godiba lotu wagi pabo bulu du dabe dolaibao.

Esekiel 5:8

Tama tialima, ena God Genuai Bidi, eno te tiwai po dageba obao, eno dageba wiegi yai homu pemene me ebeo. Menio. Eno dageba boi bidi ebao. Tama dage eno te tigidali tǫde we bidi gedude po tų ilaibao.

Te We Bidi Dabego Jerusalem Hagede Gela Wali 5:20

Tialima, nago da magi baso tudi ola menama, tama da magi baso sesemane sogo gegeda pobawe?

Jeremaia 52:3

Te Juda dabe me Jerusalemgo dwai kolesaga ebogo te Genuai Bidigo haliga sębę dwai mu ilali, tibaso Genuai Bidigo te we bidi dabe augwali hagela ebaso, te augwa bulu tǫde sela sąnama, digibulu pai dao. Sedekaiago homu te Babilon aga tonalubo hagela mu yai, tibaso aga munu me aga dologode me bidibeo.

Jeremaia 36:31

Te eno nagebolo me, te nago wai dabeba me, te nago ofisa dabeba me, te dwai dene mu ilama, te dagego dwai kolesaga yali wei ponaibao. Te eno dwai dene me sęgę mabo sę te Jerusalem me Juda we bidi dabeba yaibao, te eno yaibao po wali gilama te sę yaibao. Eno te bukude asęani po augwaliba mani, tiali goli augwaligo me odobeo,’ te po te king Jehoiakimbolo asęao” Genuai Bidigo Jeremaiabolo wali.

Jeremaia 35:17

Tama tialima, ena Genuai Bidi, ena Tigidali Bomo Elalubo God, ena Israelgo God, eno te po obao. Dage Juda me Israel we bidigo, odao. Polobadu eno po dageba pusali, tiali goli dagego te poba olo me mubeo. Eno dage i wali, tiali goli dagego eno i wali wei me ponobeo. Tama tibaso, eno te dwai dene mabo sę tigidali dageba pedalumainogo ebao, eno te sę yaibao po wai dao,’ te po te Jerusalem bage dali te Juda bagebolo pusigi pao,” Genuai Bidigo Jeremaiabolo wali.

Jeremaia 7:15

Tama eno dage sela sąwaibao, eno te Israel dabe sela sąwani tiwai yaibao, te duga deli hani dao. Te dagego ena tagaliyu, te eno dage munu ma sugobeo,” wali.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Aisaia 48:15

Menio. Ena deligo naga eno dageba weyu, te bidi asaibao po wali. Ena digi eno aga asao olama, i wali. Te eno aga odasa aselama, te agai te boi bidi dabe aiyaba elalumainogo yai dao,” wali.

Bugagia Bidibo Kolesagade Po Asęai Buku 13:13

Te bidi dabego agabolo te wiegi yai homu kolesaga mawainu ebadi, te aga hagoma ebo bidi yai baso da, teda aga te aga digi dolobao. Tiali digi, te bidigo te agabolo te wiegi yai homu ebo kolesaga mawainu ebaso, te po agai wali pobaso da, teda aga bugagia bidaibao.

Godigo Nogi Ugwaba Sabo Tęąbi Po Wabo Buku Dabe 51:11

Nago ena sela sąyu, tama ena nage digibulu bididalio. Nago ena dali bidibo mobo bidi naga ma sidalio weyu.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Tigidali Nai Gagalama Nigali Side 6:17

Te eno te tǫde wę asobo genuai mu pedalumainu elama, te tigidali bidibo ula elalubo nai dabe dola silimainu yaibao. Te tǫde tigidali nai dabe isila silaibao.

Tigidali Nai Gagalama Nigali Side 4:16

Tama Kein te Yawe bidibo madi tagalama, wi pelama, tama tǫ me deli teba bidigi pali, te augwaligo te tǫ nogi poali “Subigila Bilibo,” te nogi poali. Te tǫ te Iden gi elaluali madi te giliga asobo badu elaluai.

Jeremaia 7:14

Mu dao, eno te tempel be dąį ilali, te dagego enaba lotu weyu, te dagego konealubo homugo te bego dage tau selama, bugagia bidimainu homu yali. Tialima, ena, Genuai Bidi, eno po dolo dagebolo obao, eno te be dolaibao, eno te Silode ena te be dolali tobage kolesaga tiwai yaibao. Tama me, te eno duga wąį nǫų dabeba mani tǫ me dolaibao.

Jeremaia 12:7

“Ena Genuai Bidi, eno tama po obao. Eno Israel tudiba muaibao, te ena we bidi da olama, sa muai. Eno te we bidi dabe godolo homu mu yali, tiali goli, megi da, eno te boi bidi dabego augwali aiyaba elalumainu ebo dao.

Jeremaia 23:38

Tialima, dagego te po weyu, ‘Genuai Bidigo po te sęgę mu elalubo,’ obaso da, teda ena Genuai Bidi, eno po dolo dagebolo obao. Eno dageba te tobage po pusubo habu selali, tiali goli, dagego eno po sela sąnama, dagego te po ma weyu, ‘Genuai Bidigo po sęgę mu ebao,’ wabo dao.

Te Israel me Juda Hani Sigo Tuni Bidigo Po Elalubo Buku Si 23:27

Tama tibaso, te Genuai Bidigo te tama po wali, “Tama te deli kolesaga naga te Juda hanigo bulude yaibao,” wali, “te polobadu te eno te Israel hanigo bulude yali tiwai yaibao. Tama eno augwali sela sąnama, tama augwali digibulu mu gudulaibao,” wali. “Magi baso meni, eno augwali tonobo hagela mu ebuo. Tama eno te Jerusalem bulu taun eno tudiba ilaibao, te taun bulu te ena digi ena bulu da olama, dąį ilai dao. Tama eno te we bidi dabe augwali asama, te ena dolo lotu po omainu eno te dąį ilali be, te me eno tudiba ilaibao,” God Genuai Bidigo te po wali.