Jeremaia 23:28 - Godigo dwagi yai po buku

²⁸ Ena Genuai Bidi, eno po dolo obao, te profetgo odolali na yali da, agai te na yali po miaibao. Tialima, eno te bidi me deliba po mawai ebaso da, teda agai eno te po dolo pusao. Eno po da, te wiegi yai nai wit ge wai tiwai elalubao, tama te profet dabego po wit aga bo ma wali tiwai olo nai dao.

Jeremaia 23:28 Referans Kwoze

2 Timoti 1:12

Dago Genuai Bidi Krais Jisas agai eno sę yabo bomo mobaso, tama eno agabolo buba hwi wabo dao. Agai homu ena agaba homu kęą pai bidi bidiyu, tama agai sę yabo ena usu yaibao. Agai te homu elama, tama aga sęba ena mubaso, eno agabolo nage usu da po wabo dao.

2 Korin 2:17

Tiali goli, da te bidi hauwa augwali tiwai me ebeo, augwali tedali tedela pelama, te Godigo pode masigi sabo bisnis sę tiwai me ebo, te tiwai dago egobeo. Menio. Dago te sę Godide sali, tama dago te Godigo sęde tibo po subigila me wagobeo. Menio. Dago sę dolasa mu tigidali ela pobao. Da te Krais dali wadolama, tama homu mu naga eyu, tama God gedude dago agai po te we bidi dabebolo pusubo dao.

Dwagi Yai Gesi Po Lukgo Asęani 12:42

Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

Matyu 24:45

“Mena sę bidigo wiegi yai homu elama, tama agai aga genuai bidide homu kęą pai bidi dawe? Te bidi aga genuai bidigo aga sa munama, te gasa sę ebo bidi augwali tonalumainogo, tama augwalibolo aga te nai mabo sogo te nai momainogo yai.

Bugagia Bidibo Kolesagade Po Asęai Buku 14:5

Te suali po pusubo bidigo te po mu po da weyu da, teda agai te po tųde doloba pai po naga pusaibao. Tiali goli, aga te tibo po wabo bidi yai baso da, teda agai po tigidali te dolo me egobeo.

1 Korin 4:2

Tama te sę tonalubo sęde te tiwai bomai po elalubao: te sę ebo bidigo te sę idubadi aga te agabolo te sę mani bidi dali homugo kęą pai bidi bidao.

Jeremaia 9:12

Tialima, ena, Jeremaia, eno te po obao, “Magi baso te tǫ dolama, tama te olo masigi kemi pesage elalu, tama tede bidi me bidibewe? Mena wiegi yai homu kolesaga mu yai bidigo aga te sę yali page konegowe? Genuai Bidigo mena bidibolo te po pusulama, tama te bidigo te sę yali page te we bidiba pusugowe?”

Jeremaia 9:20

Dage Jerusalem we dabe, Genuai Bidigo po enaba dageba po pusao wali, tama dagego agai poba olo bugagia muao. Dagego duga wegi dabeba te hobede ebo tęąbi wabo kolesaga ola mao. Tama dage we deli deligo te hobede ebo tęąbi wabo kolesaga te gasa we dabeba ola mao.

Jeremaia 23:25

“Te profet dabego eno nogide te tibo po pusubo eno odalio. Augwaligo te tiwai po wabo dao, ‘Eno na yalio! Eno na yai dao!’ te po wabo dao.

Jeremaia 42:4

Tama profet Jeremaiago augwaliba te tiwai po wali, “Te dagego wabo pode eno usu da po obao. Te dagego enabolo hanalu wali po wali gilama, te dagego Genuai Bidi Godiba gedu haluasa po weyu, hanalu waibao. Te Genuai Bidigo enaba mena po wei ponobaso da, te eno dagebolo pusaibao. Eno te po me deli dagede geme dualugobeo,” wali.

Esekiel 13:3

Ena God Genuai Bidi, eno te po obao. Te wabo pabo po wabo tiwai ebo profet dabe te dolaibao. Augwaligo te nade subo nai tiwai me sugobeo. Menio. Augwaligo te pusubo po dabe, te augwa homude digi augwaligo nigilama, pusai dao.

Te Israel me Juda Hani Sigo Tuni Bidigo Po Elalubo Buku Deli 22:14

Tialima, Mikaiago ofisa bidiba te tama po wai, “Te Sesemane Sogo Bidibo Genuai Bidigo nogide, eno mu po nageba obao, mena po Genuai Bidigo enaba mani, te po naga eno pusaibao,” wali.

Te Israel me Juda Hani Sigo Tuni Bidigo Po Elalubo Buku Deli 22:16

Tiali goli, Ahapgo agaba te tama po wali, “Tibo po tagalao. Sesemane sogo eno nagebolo weyu, te nago Genuai Bidigo nogide mu po naga omainogo yai. Nisu sogo nago po odaibawe?” wali.

Aisaia 21:10

Eno we bidi dabe, hobede ya, te boi bidi dabego dage te bidi dabego wit elebo tiwai yalio. Tiali goli, megi da, eno te God Tigidali Bomo Elalubo Bidigo mani po dagebolo pusubao. Aga te Israel dabego God dao.