Jeremaia 22:27 - Godigo dwagi yai po buku

²⁷ Dagego te duga page buluba asabo homu godolo mu yaibao, tialima, dage usu munu ma egobe dao,” wali.

Jeremaia 22:27 Referans Kwoze

Jeremaia 44:14

Dage megi Isipde bidibo dwasianu Juda hani, dagego te Juda tǫba ma pabo homu godolo ebao. Tiali goli, te dageme deli te dolabo sęgo geda munama, te duga tǫba mepogobeo. Dage tigidali dolaibao, te deli deli bidi naga wipeyu, ma paibao,’ Genuai Bidigo te po wali.” Jeremaiagote Isip tǫde bidali Juda dabebolo te po pusali.

Jeremaia 22:11

Joahasgo gasa nogi Salum, agai te Josaiago pesage hasegelali, te aga aya, tama te Juda king pedelali. Tialima, Joahasgo te Jerusalem taga soalio. Genuai Bidigo Joahasde homu kone palama, te tiwai po wali, “Te bidi ma begasa asogobeo.

Godigo Nogi Ugwaba Sabo Tęąbi Po Wabo Buku Dabe 86:4

Genuai Bidi, nago eno haliga wiegi yai pemene mu ilao, te naga sę bidi dao. Magi baso meni, eno gedu haluasa po nageba naga wabo dao.

Jeremaia 22:26

Eno te nage naga ida dali selama, te dage si gasa tǫ kantriba sąwaibao. Te tǫ kantri te dage sigo page bulu mu meni ebadi, tialima, dage si tede bididubadi, te dage si isiboba usu naibao.

Jeremaia 22:28

Jeremaiago te tiwai po wai, “Magi basowe? Te bidi Jehoiakin te tǫgo nigai dwai tagalai sospen sene alua pai tiwai te bidigo godolo isąbo homu ebo ąǫ eba, agawe? Magi baso Genuai Bidigo aga, te aga wai puluba dabe dali, te augwaligo konesiąwai tǫ kantri me deliba sąwaibawe?

Jeremaia 28:4

Tama me eno te king Jehoiakin saibao, te Jehoiakimgo ogwa, te gasa Juda dabe te Babilonba kalabus igi pali bage me selama, tama eno augwali ma odasa asaibao. Magi baso meni, eno te Babilon kingo dage mageba muani ni nami pedai togwa sąwaibao. Ena Genuai Bidi, eno te po wai dao,’” te bidi Hananiago te po wali.

Jeremaia 42:18

“‘Ena Tigidali Bomo Elalubo Genuai Bidi, ena Israelgo God, eno po dolo obao, polobadu eno haliga sębę umabo mu te Jerusalemba elama, te eno augwali mu dolai dao. Te tiwai naga, te dage Isipba pobaso da, teda eno haliga sębę umabo mu elama, te dage dolaibao. Te gasa bulu hani we bidi augwaligo eno te dwai sę dageba yali po odolama, te augwali wi elama, nogo hogwabo tiwai eyu, midigi dwai mu yaibao. Te augwaligo dage dolama, posobo po waibao. Te augwa boi bidi dabeba dwai po wabo homu ebo sogo da, augwa te tiwai po waibao, “Dage te Juda dabe dolali tiwai dolagameo,” te po waibao. Tama dagego duga te tǫ ma sugobeo,’ Genuai Bidigo te po wai,” Jeremaiago te po te Juda we bidi dabebolo wali.

Jeremaia 22:10

Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Jeremaia 22:12

Te boi bidi dabego aga te gasa tǫ kantriba sela palio. Te agai aga tǫ kantri me sugobeo. Menio. Te aga te gasa tǫ kantride isaibao,” te po wali.