Jeremaia 22:2 - Godigo dwagi yai po buku

² “Nago te tama po wao, ‘Nage te Juda king, nage te king Devitgo duayali sia kingde dulalubao, nago te Genuai Bidigo po odao. Nage, te naga ofisa dabe dali, te nago we bidi dabe dali, dage tigidaligo te po odao.

Jeremaia 22:2 Referans Kwoze

Dwagi Yai Gesi Po Lukgo Asęani 1:32

Tama Godigo te po waibao, ‘Aga nogi Genuai Godigo Ogwa dao,’ waibao. Godigo aga genuai bidi nigilaibao, aga nǫų Devitgo yali gilama.

Jeremaia 22:4

Te dagego eno po wali pobaso da, teda sesemane sogo te king dabe Devitgo hanide pedaludaibao. Tama te king dabe te hosde me karisde dugulama, te kingo be oboba iba soyu, eda asiyu yaibao, te augwa sę eyu tiaibao. Te ofisa dabe me te we bidi dabe te king dali bilaibao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Aisaia 1:10

Dage tobolu bidi dabe, me dage Jerusalem we bidi dabe, dage te bidi dwai dabe te hanu Sodom de Gomora side polobadu bidali bidi dabe tiwai mu tama dao. Megi da, dagego olo bugagia munama, tama Godigo bomai po odao, dago Genuai Bidi. Agai dabolo mawainu ebo po bugagia odao.

Amos 7:16

Tialima, Genuai Bidigo po odao. Agai te Israel dabede wado po elalubao, tiali goli nago enabolo te profet po augwaliba pusubo te habu selibo dao.

Esekiel 34:7

“Te po me pusao, ‘Tialima dage te tonalubo bidi dabe, dagego Genuai Bidi eno po odao.

Jeremaia 36:30

King Jehoiakim nago te tobage po wali, tama ena Genuai Bidigo, eno nageba homu koneama, eno te po obao, te nago hani bidi me deli te king pedelama, te Devitgo sia kingde me dugulalugobeo. Te Jehoiakim nage isibo si da, teda augwaligo nago tigi te tǫba sąnama, te giligago posolo ilama, te hulide ais agaba tulalueibao.

Jeremaia 29:20

“Dage tigidali we bidi eno Jerusalemde sela sąnama te Babilonba tagala palali, dagego ena Genuai Bidigo po bugagia odao.

Jeremaia 19:3

‘Dage te Juda king dabe, me dage Jerusalem we bidi dabe, dagego eno po odiąo. Ena dage Israelgo God dao, ena te Tigidali Bomo Elalubo Genuai Bidi, eno po dolo tama obao, te eno dwai nai mu te pesagede pedalumainogo yaibao. Tama tigidali bidigo te sę pedelali po odolama, augwa te dwai noma mu saibao,’ wali.

Jeremaia 13:18

Genuai Bidigo enabolo te tiwai po wali, “Nage pelama, te king dali, aga idaba me, waligi pao, ‘Dage sigo te duga si dugulalubo sia king tagalao, magi baso meni, te dage sigo kingo gudali madi te olo nai tiwai pedelali, te dage sigo tonalubo tǫ kantri dabe me tonalugio,’ wali.

Jeremaia 7:2

“Nage pelama, ena Genuai Bidigo tempel be sunumiba doligi pelama, tama eno po te enaba lotu wagi soyu tomoba soabo te Juda dabeba pusao. Nago augwaliba te po weyu, ena Genuai Bidigo poba olo bugagia muao po wao. Eno po e tiwai dao.

Aisaia 28:14

Dage e Jerusalemde we bidi tonalubo we bidi, dagego Genuai Bidigo po odiąo. Dagego homugo Genuai Bidigo po olo nai dao homu ebo.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.

Jeremaia 22:1

Genuai Bidigo te tiwai po wali, “Jeremaia, nage te Juda kingo beba dulama, te po pusao,” wali.

Jeremaia 34:2

“Ena Genuai Bidi, ena dage Israelgo God, eno te po obao, nage te king Sedekaiaba pelama, agabolo te tiwai po wao. Ena Genuai Bidi, eno te taun te Babilon kingba menama, siago ulumainogo yaibao.