Jeremaia 22:17 - Godigo dwagi yai po buku

¹⁷ Tialima, nagade digi, naga homu elama, te nago sesemane sogo te tobage nai dabe pesa elama, tama nago te nai dabe sainogo tibo kolesaga ebao. Tama nago te magi dwai sę isąwai bidi dabe odolali elibao. Tama nago te we bidi elaluama, te augwaliba dwai sę ebo dao,” wali.

Jeremaia 22:17 Referans Kwoze

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

Esekiel 19:6

Aga genuai pedelama te aga gasa hasa laion dabe dali uda wali, tama idago agabolo te hasa gegebo kolesaga ola mani, tama nosali aga te bidi ela tubo hasa laion pedelai dao.

Jeremaia 22:3

Genuai Bidigo e tama po walio. Dagego te wiegi yai doloba pai kolesaga naga iyąo. Te bidi me deligo gasa bidigo nai wi selama, agabolo sęgę mawai yai baso da, teda dagego aga tau selama, agai te sęgę silimainao. Dagego te tiana wai dabeba dwai sę igimio, te wilawe we dabeba dwai sę igio, te dage dali bidibo gasa tǫ kantri we bidiba me te dwai sę igio. Tama dagego te bulu we bidi dabe odolali me ela munamu dao.

Te Israel me Juda Hani Sigo Tuni Bidigo Po Elalubo Buku Si 24:4

Tama me te agai e tama homu koneani, te king Manasego agai te tigidali Jerusalem bulu pedaide te haniani dwai kolesaga isąwai doloba pai we bidi dabe ela muani, tama Genuai Bidi agai homu te king Manasego te dwai kolesaga yali sęgo sali sęgę agai tagalabo homu ebe.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Godigo Nogi Ugwaba Sabo Tęąbi Po Wabo Buku Dabe 10:3

Te dwai sę ebo bidigo te aga ebo dwai homu kolesagade hagoma homu eyu ebo dao. Tama te hauwa nai wei eyu, pesa ebo bidigo agai te Godiba dwai po weyu, tama aga tudiba mudu gebo dao.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

1 Korin 6:10

tama te nai wi sabo bidi dabe tama te gasa bidi dabego doado bagede pesa homu ebo bidi dabe me, tama te bomai wę tubo bidi me, tama te gasa bidi dali posobo po wabo bidi dabe me, tama te gasa bidi dabego doado bage anoma elama sabo bidi dabe me, te tobage kolesaga ebo bidi dabe tigidali te augwali Godigo we bidi bugagia tonalubo bomo tomoba pabo usu me egobeo.

Polgo Po Pas Rom Dabeba Asęani 1:29

Tama augwaligo te doloba pai kolesaga me isąyu, tama dwai kolesaga mu eyu, tama mena nai pesa eyu, tama boi bidi ebo kolesaga yali. Augwaligo te doado bage hauwa elalubo bidi dali dwai homu eyu sębę sabo homu elama, tama bidi ela muyu yai, tama wado po weyu, tama tibo po weyu elama, tama gasa bidi dali dwai sę yabo homu kone palobo dao, tama augwaligo po tola sabilibo po wabo dao. Te tigidali dwai kolesaga augwalide mu pągąnaluai.

Sefanaia 3:3

Te Jerusalem genuai bidi dabe augwaligo te olo we bidi dali dwai kolesaga ebode augwali te bulu laion sibi nasi ebaso bomona dagą wabo tiwai ebo dao. Tama te po tų odobo bidi dabe, augwali te uni yowi nasi genuai ebo tiwai iyu ebo dao. Tama augwaligo te hasa tulama, silama, tama augwaligo do tuabo dili me mubeo.

Jopgo Po Asęani Elalubo Buku 31:7

Tiali goli, ma eno gedu olo tagala palama, ena gedugo dwai kolesaga emainu sula tagalama igi sogo da, teda eno dwai kolesaga elama, agai gedude meda mu igi sogo da,

Tuni Bidi Dabego Po Elalubo Buku Si 36:8

Te king Jehoiakimgo yali sę po dabe aga king pedelali sogo gagalama yali sę dabe me te buku augwaligo te Juda Me Israel Dabego King Dabego Po Buku wabo, te bukude te elalubao. Te bukugo te dwai damua pai kolesaga me dwai kolesaga te Jehoiakimgo yali po te bukude pusai te elalubao. Tama aga ogwa Jehoiakingo agai pesage selama, tama aga king pedelali.

Te Israel me Juda Hani Sigo Tuni Bidigo Po Elalubo Buku Deli 21:19

Nago agabolo te tama po walao, ‘Ena Genuai Bidi, eno te po obao, nago te bidi ela munama, megi da nago agai wain gi me sainogo eba, agawe? Tialima, eno te tiwai po dolo nageba obao, te yowigo Nabotgo kaneme tuali pesagede, te nago kaneme me augwaligo tede tueibao,’ te po agabolo pusao,” Genuai Bidigo te po wali.

Josua 7:21

Te dago hwįyu, te Jeriko dabego nai dabe sali sogo, eno te nai dabe tomode te Babilon dabego sawi yai bobobage gudubo ugwa me deli suali, tama te silva sęgę me badu te 2 kilo usu badi, te gol me badu te sęgę deli usu elalubo eno suai. Eno te nai dabe pesa mu ebaso, tama augwali eno sai. Nago te eno ugwa be tomode munalubo gegelama, suagameo. Eno tigidali te tǫba pubulama, tama silva te dologode mu munalubao,” te bidi Akango te po wai.

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Bugagia Bidibo Kolesagade Po Asęai Buku 24:2

Augwaligo te bidi dolabo homu naga elama, tama augwaligo te sesemane sogo po miyu, te dwai sę pedalubo kolesaga ebo dao. (20)

Aisaia 56:11

Augwali te nai hauwa tuabo homu ebo yowi tiwai bidali, te dwasianu pągąsiąbo ąǫ yai. Augwali te sipsip tonalubo bidigo aga sę ebo konesiąbo tiwai yali. Deli deligo te augwa homu wali pelama, te aga tau sabo nai naga homu koneai dao.

Jeremaia 6:6

Tigidali Bomo Elalubo Genuai Bidi, agai te po wai, “Dage ami dabe, te Jerusalem pąde ni dabe togolama, te tǫ dabe dali te bobobage obo pąde pesage holao, te daide dolalu, te taunba hwįagameo. Te taun aga dwai dene umabo somainao, magi baso meni, te taunde we bidi dabego te augwaligo abagi dabe dolobo sę mu ebo dao.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Jeremaia 17:11

Te bidigo kolesaga dolo isąbadi, te mone hauwa sobaso da, te aga te ba me deligo te gasa bago ge wi selama, tama te gede pedelali wai dabe sabo tiwai ebao. Te bidigo mone tigidali te aga monu dabe isąbadi hagawaibao. Tama nosali, te bidi dabego koneaibao, aga te homu kolesaga meni yai bidi tiwai yalio.

Esekiel 18:12

Agai te magi nai doado bage meni yai bidi dabeba dwai dwai sę eyu, te agai nai wi siyu, tama te gasa bidi dabego agabolo mani nai dabe dąų olama tolalu, te augwaligo mani negeli ponabo dąįba usu nubo tiwai yali. Tama agai te tibo god dabeba lotu weyu, tama te lotu wabo pesagede te tobage dwai kolesaga dabe mu eyu ebo dao.

Maika 2:2

Te dagego bidi me deligo gi sabo homu pesą eyu, dagego bomonama te siyu naga yaibao. Dagego te be sabo homu pesą ebaso da, dagego te siyu naga ebo dao. Dagego te tibo sę ebo kolesaga elama, te gasa bidi dabego be me, te augwa wąį nǫųde sali tǫ me, wi sabo dao.

Maika 3:10

Dagego te we bidi dabe elibo kolesaga, me te tobage dolo isąwai kolesaga dabe yali, tama te kolesagade dagego homugo te Jerusalem we bidi dabe, te Godigo taunde, te bomai hani pedalubao homu ebo dao.

1 Samuel 8:3

Tiali goli, augwali sigo te augwa ayago kolesaga tiwai me wali pabeo. Menio. Augwali sigo te mone sabo homu godolo yai, tama augwali sigo te gasa bidigo homu bega sabo po odoyu, tama tede te mone siyu, tama augwali sigo te ebo kolesaga geda muyu, tama te po tų bugagia me dodolobeo.

Te Israel me Juda Hani Sigo Tuni Bidigo Po Elalubo Buku Si 23:37

Te king bidi Jehoiakim agai te aga wąį nǫųgo yali kolesagadu wali peyu, tama agai te dwai sęgę sabo kolesaga te Genuai Bidigo gedude yali.

Jeremaia 7:6

Dagego te gasa tǫ kantri bidi dabe duga dali bidibo te aiyaba elalugio, te wai dabe, augwa aya isai, te wilawe we dabe, te augwaliba tama kolesaga igio. Tama te duga tǫ kantri te we bidi dabe odolali me ela mugio. Te dagego tibo godiba lotu weyu, te duga digi dolamu dao.

Jeremaia 19:4

‘Eno te tiwai yaibao, magi baso meni, te eno we bidi dabego ena tudiba munama, tama augwa te gasa tibo god dabeba te wiegi yai denami ilibo hano ebo ofa ebao. Te we bidi augwa digi, me te augwa wąį nǫų dabego me, te Juda king dabego me, te god polobadu me konebeo. Tiali goli, megi augwaligo te god dabeba lotu weyu ebao, tama tebo kolesagade augwaligo te pesage dwai meda mu eno gedude ilibao. Tama me, te augwaligo magi sęgę meni yai bidi hauwa ela muyu, tama augwaligo kaneme te pesagede geą sąbo dao.

Esekiel 19:7

Agai augwaligo te bomai be dabe koneama, tama aga pelama, te boi bidi dabego taun dabe dolali. Agai i hae umagia bomonama mu obaso, te tigidali we bidi wi yai dao.

Esekiel 19:9

Augwaligo agai penane dilide te gąų yai huk munama, te aga kekasa pali. Augwaligo aga te halobage me delide kalabus elama, tama augwaligo aga te Babilon kingba odasa pali. Augwaligo aga te bomai kalabusiba muani, te aga te Israel bulu du dabeba wi ma painu ebo usu egobeo. Tama te we bidi dabe augwaligo agai i wabo ma odogobeo.”

Esekiel 22:6

“‘Te Israel polalubo bidi dabe, augwali tigidaligo te augwa bomode tigidali sę ebo usu da homu yali. Tiyu, augwaligo te bidi dabe ela mubo sę yai dao.