Biblia Todo Logo
Bib sou entènèt

- Piblisite -




Jeremaia 2:5 - Godigo dwagi yai po buku

5 Genuai Bidigo te tiwai po wai, “Eno mena dwai sę ebaso, te dage bulai wąį dabego te ena tagalama, digibulu mu paliwe? Waa? Koneao. Augwa te olo naiba lotu obaso, tama tiyu, augwa digi te olo nai tiwai pedelai dao.

Gade chapit la Kopi




Jeremaia 2:5
24 Referans Kwoze  

Te Israel hani bidi dabe augwaligo te augwa Genuai Bidi Godigo po tudiba sąnama, tama te bomai po te agai augwa wąį nǫų dabe augwali dali dąų wai po, tama te tigidali bomai po agai augwalibolo mani. Tama augwaligo te po umabo sogo mu sela sąnama, tama augwaligo te tibo godiba lotu po mu weyu, bidali. Te tibo god augwali te God mu menio. Tiali goli, te Israel we bidi dabe augwaligo te tibo god te olo naiba augwaligo lotu po bomo yali. Tama te Israel hani augwa digi augwa te olo bage gagawai mu pedelali, te olo tibo god tiwai. Polobadu te Genuai Bidigo augwalibolo e tama po augwalibolo ola mawai, “Dagego te dage pąde bidibo bidi dabego ebo kolesagadu wali pigio,” wali, tiali goli te Israel hani augwaligo te Genuai Bidigo wali po sela sąnama, tama augwaligo te hanigo yali kolesagadu wali pali.


Magi baso meni, augwaligo God koneali goli augwaligo aga te God mu da te homu me isąyu, tama augwaligo aga nogi ugwaba me sabeo. Tama augwaligo gedu haluasa po weyu agaba puba hwi me wabeo. Menio. Te augwaligo augwa homu kolesaga te olo naiba muani, te augwaligo God gegeda peyu, tama augwaligo homu te be hulia sabo tiwai pedalai.


“Te tibo godiba lotu po wabo bidi dabe, augwaligo te nago augwali homu dene eyu, tau sabo kolesaga te tudiba mubo dao.


Eno homugo te bidi dabego te tibo god nigibaso, augwali te augwa tibo god tobage tiwai nigali god dabe pedelaibao. Tama te tibo god dabeba homu kęą pabo we bidi dabe, augwali me te tiwai pedelaibao.


“Te tibo god piksa noma nigibo bidi dabe, augwa digi te dwai mu ilibao. Te sawi wiegi yai piksa augwa wiegi yai pemene ebo, augwali te olo nai tiwai ebao. Te tibo godiba lotu wabo bidi dabe, tiwai bidibao. Tiali goli, te augwali hale mu yaibao, magi baso meni, augwaligo te tibo godigo magi sę me deli ebo me sugobeo. Augwali te homu kolesaga mu umuna sai bidi tiwai dao.


Tama dagego te tibo god dabe wali me pelamuo. Augwali te olo nai naga elalu, tama augwaligo dage tau selama, te dage ma dobola sabo usu me egobeo.


Augwaligo tibo god dabe wali pabo, teda augwali olo nai mu dao. Tama augwaligo te dwai kolesagago ena sębę elama, augwaliba wado homu emainu yali dao. Tama tialima, eno te bidi hani me deli, augwali nogi meni yai hani, te olo nai tiwai o augwali polobo bidi dabe tiwai, tama augwali eno tagala palama, tama te Israel dabe haliga tigi dolomainu elama, wado emainu tagala palaibao.


“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.


Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.


‘Te hani we bidi augwaligo eno nogi te pedauwaligo naga ugwaba sabo dao, tiali goli augwaligo homu kolesagago augwaligo ena dali abagi homu ebo menio.


“Tǫde bidio, te Jerusalemde bidalubo Israel dabego te nagede me, te nago we wai dabede homu koneama, te bulude kalabus bidibo gasa Israel dabe augwalide te homu eyu, augwaligo te tiwai po wali, ‘Genuai Bidigo augwali ela gudulama, tama augwali te digibulu buluba pelama, bidigi palio. Genuai Bidi augwali dali me bidibeo. Menio. Agai e tǫ dabolo mawai.’ Te Jerusalemde me bidibo bage augwaligo te tiwai po wali,


Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.


Nago augwali te tǫba munama, augwali te wiegi yai pedelali, te bidigo bulali ni tiwai elama, te ni sele tǫ tomoba pelama, te ni genuai holama, te nai walobo tiwai ebao. Sesemane sogo augwaligo nago nogi nogi eyu ebao, tialima, te augwa homu nagede digibulu elalubo dao.


Te bidi dabego homu kolesaga te geda muyu, te augwali umuna pai mu elalubao. Magi baso meni, augwali te nigo nigali naiba naga pelama, te kolesaga sabo dao.


Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.


“Dage hagoma bidi dabe, eno po odao. Dagego homugo te eno dage sa munama, ma saibao wali sogo, te digibulu elaluba homu eba, agawe?


Dage Jekopgo bulai wąį wai puluba dabe, dage tigidali te Israel hani dao, dagego te Genuai Bidigo te tiwai po odiąo.


Hobede dao, te eno hani dabe tigidali tǫ kantride bidalu, te augwa gela weyu, te tama i obao, “Te Genuai Bidi te taun Saionde king munu ma bidigobe homu yaiba, agawe? Magi baso agai da tau sabewe?” Tialima, Genuai Bidigo po wei ponoyu, te tiwai po wali, “Magi baso eno we bidi dagego te gasa tǫ kantri dabego tibo dwai godigo piksa nigilama, te augwaliba lotu waliwe? Duga te tama tebo kolesagago te ena dwai haliga sębę ilali.”


“Te Israel dabe augwaligo eno homu kolesaga mu konebo si da, augwaligo te tibo god dabeba homu konebo homu ebo tagalama, te augwaligo ena deliba naga homu konealuaibao. Augwaligo tama timainu eno megi e po obao.”


Swiv nou:

Piblisite


Piblisite