Jeremaia 2:28 - Godigo dwagi yai po buku

²⁸ Tiali goli, tega! Juda te dage tau somainogo duga digi te nigali god dabe mena bidibawe? Augwa namba te duga taun dabe namba tobage gagawai yali. Te dageba sęgę me pedalubo sogo, augwaligo digi dage tau somainao, te augwali usu elalubaso da, te emainao,” wali.

Jeremaia 2:28 Referans Kwoze

Jeremaia 11:13

“Tegoba! Dage Judago, te dagego tibo godigo namba dabe te dagego taun dabego namba tobage tiwai elalubao. Te dagego wiegi yai denami yabo ofa te Balba yabo alta hauwa nigibao, te hale ebo god dao. Te alta dabego namba te Jerusalem sunumi dabego namba tiwai si elalubao.

Aisaia 45:20

Genuai Bidigo te tiwai po wali, “Te tigidali tǫ kantri we bidi dabe, dage sisinagasiąo. Te hwįani sogode dolisąma bidalubo we bidi dabe, dage tigidali te po tųba asiąo. Tama dego te tibo god piksa dali sela asobo bidi, aga homu kolesaga mu meni ebao. Aga te tibo godiba gedu haluasa po weyu, aga tau somainu tiaibao, tiali goli te god te bidigo nigo dulama naga nigali, tama agai te bidi tau sabo usu me egobeo.

Bomai Po 32:37

Tialima, Genuai Bidigo aga we bidibolo te po walaibao, ‘Dagego homugo te tibo god dabego bomo elalubao, dage tau saiba homu ebawe? Tiali goli, megi da, magi yaliwe?

Te Israel Tobolu Bidi Dabe 10:14

Dage pelama, te duga digi sa muyu nigilali god i wagi pao. Augwaligo te dage sęgę sabo sogo tau somainu emainao.” Genuai Bidigo te Israel bagebolo te po wai.

Hosea 10:1

Te Israel dabego doado bage hauwa elalu, tama augwali te nai hauwa mu walobo wiegi yai ni wain tiwai yalio. Augwaligo te wiegi yai nai doado bage umabo mu pedelama, tialima augwa te tibo godigo alta, me ni pos te umabo umabo digi nigilama, tama augwa te ni pos bugagia mu me au ilai dao.

Te Israel me Juda Hani Sigo Tuni Bidigo Po Elalubo Buku Si 3:13

Elisa agai te Israel bidi dabego king bidi subaso, tama agai te po wai, “Magi baso nage ena pageba asobawe? Nage pao, tama te polobadu naga aya me, te ida me, augwaligo pelama, te hanalugi pali te profet bidi bageba pao,” wali. Tiali goli, te king Joramgo te po wei ponoyu, e tiwai po tama wali, “Menio. Genuai Bidi aga digi te da sela king bidi dabe sisinama, tama da te Moap hanigo king nogoba muainu ebao,” wali. “Tama tibaso, da nage pageba asai dao,” wali.

Jeremaia 1:16

Tama eno ena we bidi dabe po tų kot ilama, te augwali dene mawaibao. Magi baso meni, augwaligo ena tudiba munama, te augwa digi tibo god nigilama, te augwaliba ofa eyu, te lotu augwaliba wai. Te kolesagade augwaligo te dwai sęgę saibao.

Jeremaia 11:12

Te Jerusalem dabe me te gasa Juda bage te augwa wiegi yai denami hano holobo ofa ebo tibo godiba paibao. Tama augwa te god dabeba i waibao, tialima, te god dabego augwaliba te dwai sę ebo sogo ebo side tau sainu ebaso, usu me egobe dao,” wali.

Jeremaia 30:7

Homu dene mu ebao, te dwai sogo mu me deli pedelaibao. Te dwai sogogo te gasa dwai sogo ebo tigidali aiyaba elalueibao. Eno we bidi dabe, te Israel dabe, augwali te sogo genuai sęgę elalueibao. Tiali digi, te eno augwali ma saibao.

Jeremaia 37:19

Nago profet dabego te profet po te tiwai pusali, ‘Te Babilon kingo nageba me, te tǫ kantriba me, hwįagasogobeo,’ wali. Tialima, megi da, te profet dabe mena bidibawe?

Habakuk 2:18

Dage bidi dabego te ni dage dabeba me, te masigi dabe me, te tiwai po waliyu, “Nage pila muani tagalama, hodaluao,” wabo. Dage dolaibao. Dagego homugo te nai hodaluama, te dagebolo magi me deli ola mawaiba homu eba, agawe? Tega, dage, te tibo god dabego dage magi ila tau saibawe? Augwaligo usu me egobeo. Tibo god nigibo sę da, te gol me, te ni dagego me selama, te bidigo digi nigibao. Tama tiyu, te nai dabego dage dali po me deli me wagobeo. Agai dage tibo po naga ola mawaibao, tama tiyu te dage dolaibao. Bidigo digi te tibo god nigo dulama nigali, tama agai homugo te naigo aga tau sabo usu yaiba homu yali. Tiali goli, agai usu munu me egobeo. Te tibo godigo mobo meni yai nai naga dao, tama po me wagobeo. Te dagego silvago me golgo bugagia mu au ilali goli, te tagalao. Agai magi sę me egobeo.

Aisaia 57:13

Te dwai sęgo dage dolobo sogo, dagego te pesage holama elalubo godigo te dagego augwaliba i obaso, te augwali aselama, dage tau sagasaiba, agawe? Mu menio. Augwa bomo me elalubeo, te dwasianu waligo naga augwali sela paibao. Tialima, te bidi dabe enaba aselama, te eno augwali tau siyu, tonaluainu ebo bidi da, augwaligo te tǫ eno sa muyu, te eno we bidi dabego somainu yaibao, te augwali me eno digi te sa muani bulu dude bidimainu yaibao,” wali.