Jeremaia 2:22 - Godigo dwagi yai po buku

²² Nago naga tigi te meda sela sąbo boma pai naigo teleyu, me te wiegi yai sobu hauwago wę telabadi, te tagalao, tego nago yali dwai sę me sela sągobeo. Menio. Te dagego yali dwai kolesaga te meda dagede mu dagana sai tiwai mu dao. Ena God Genuai Bidi, eno nago yali dwai sęgę elaludubadi gebo subao.

Jeremaia 2:22 Referans Kwoze

Jeremaia 17:1

Genuai Bidigo te tama po wai, “Dage Juda dabego duga sęgę me sela sągobeo. Dagego tabi haliga te masigi togwai dage tiwai elalubao. Te bidigo te masigi dagede po asębo nai nogi kolsisis selama, te dagego yali dwai sę dabe po te masigi dagede togogo pelama, elalumainu ebo tiwai yali. Tama me te bidigo duga alta nigali gąų tede te po asębo babaga pabo tiwai yali dao.

Jopgo Po Asęani Elalubo Buku 14:17

Teda nago eno sęgę sela sąnama, te sęge kone me egobe, te bidigo nai begide bulama, po dąų walama, susiąbo tiwai yaibao,” Jopgo te po wali.

Hosea 13:12

“Eno te Israelgo tigidali dwai sę yali sęgę te eno bukude asęnama, te eno munalubao, eno homu kone gegeda me pogobeo.

Jeremaia 16:17

“Magi baso meni, eno te Juda dabe tigidaligo ebo kolesaga subao. Augwa ebo dwai kolesaga te augwaligo dualainogo ebo usu me egobeo.

Godigo Nogi Ugwaba Sabo Tęąbi Po Wabo Buku Dabe 130:3

Te nago dago yali dwai sę tigidali nedebaso da, teda dego nago te po tų ebo ugwaba ela holobo usu egowe?

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Godigo Nogi Ugwaba Sabo Tęąbi Po Wabo Buku Dabe 90:8

Nago dago dwai kolesaga tigidali subo da. Tama dago geme dualama ebo sęgę tigidali, te nago pepeli diliba hanilama, munama, tama nago sualio.

Bomai Po 32:34

“‘Ena Genuai Bidi, eno te Israel dabego boi bidi dabego yali kolesaga dabe konealubo dao. Eno augwali dene maiabo bubuga te tonalubo dao.

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

2 Samuel 11:12

Tama tialima, Devitgo te tama po wali, “Te usu dao, megi nage ede bidao, tama do te nage eno ma tagala palaibao.” Tialima, Uria te Jerusalemde bidalio. Tama do te be pio ebadi,

Esekiel 24:6

“Ena God Genuai Bidi, eno te po obao. Jerusalem taun te brasgo nigai sene me deli tiwai elalu, te aga tomode meda mu elaluali, te bidi dabego aga wiegi yai pedalumainu yabo usu egobeo. Te senede kibu mi pedai tigidali, me kibu dili me teda muao, te senede deli me elalusiąwai. Magi baso meni. Te Jerusalem dabego gasa bidi dabe ela muani, tialima te augwali mu dolaibao,” wali.