Jeremaia 2:18 - Godigo dwagi yai po buku

¹⁸ Magi baso nage te tǫ kantri Isipba pelama, te wę Nail tugi paiba obawe? Magi baso nago homu kone paliyu, te bulu tǫ kantri Asiriaba pelama, te wę Yufretis tugi pabo homu eyuwe? Te kolesagago nage dwasianu tau sainu ebaso, usu mu egobeo. Mu menio.

Jeremaia 2:18 Referans Kwoze

Josua 13:3

te tǫ te dwasianu wę Sihor te Isip tǫ sesede elalubo, tedu gagalasa, te palio olama, te Eklon tǫ bogo baduba dąį igi pelama, hasia bolo te Kenan dabe bidaluai madi. Te Filistia dabe tonalubo bidi dabe te bulu Gasade me, te Asdot, me te Askelon, me Gat, me Eklon, me tama te Av dabego moni tǫ te giliga dega sabo bogo badu elalubao.

Hosea 7:11

Israel te kolesaga meni yai umunaluai ba hi subigila bola bilibo tiwai ebo dao,” wai. “Hasia bolo augwali pelama, te Isip dabego augwali tau sogowe weyu, hanalugi pali, tama nosali augwali pelama, te Asiria dabeba me hanalugi pai dao.

Jeremaia 2:36

Nago sunumi me deli wali pali, te polo tagalama, te nago gasa sunumi wali pobao. Te Isip dabego nage tau sisąbaso, te nage dwai hale siyu, te nage Asiria dabego tau sisąbaso, te sogo te dwai hale yali tiwai gilama yaibao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Hosea 5:13

“Te Israel dabe augwali te tiwai te gasi dwai mu ebo koneani, tama te Juda dabego augwa keni dabe ebo sulama, tialima te Asiria bulu tǫ kantri genuai kingba pelama, te augwali tau somainu hanalugi pali. Tiali goli, te Asiria dabego augwaligo gasi usu ilama, tama augwaligo keni pedela somainu ilabo usu me ebeo.

Esekiel 17:15

Tialima, te Juda kingo agai dąų walali bomai po wali pabeo. Agai te Isipba po ola tolama, te hos dabe me te genuai ami bidi hani dabe aselama, aga tau sagasao wali. Te Isip king bidi da, te si wabo ba kemodage tiwai dao. Tialima, te king aga bugagia bidaiba homu elama yali da, agawe? Menio. Agai te Babilon kingo po sela sąbaso, tialima te Babilon king aselama, te agabolo dwai dene mawaibao,” wali.

Te We Bidi Dabego Jerusalem Hagede Gela Wali 4:17

Dago tonaluama, tama dago te gasa tǫ kantri bidi hani me deligo da ma oda sagasomainu tonaluali. Dago te sunumi dabeba gedu tonono ela bilibadi, tama dago gedu dene yali. Tiali goli, dago olo dali tonalualio. Augwali me asobeo. Augwaligo da tau sabo menio.

Aisaia 7:20

Tama te sogo Genuai Bidigo te Asiria tuni bidi te wę Yufretis u badu oda saibao. Aga te Genuai Bidigo nisa tiwai elama, dagego nisi poawaibao, te dage Juda dabego tigi nisi. Agai dagego penane nisi me, tobolu nisi me, tigi nisi me, tigidali agai poawaibao.

Aisaia 23:3

Tama nage te nai abeliyu, te nai maketde muyu ebo genuai nogi sabo bulu tiwai yai dao. Te sip dabe te Isipba, te wę Nail elalubo badu pelama, tama te wit nai dabe nageba sesai dao. Tama nago te nai dabede bisnis sę elama, te naide mone hauwa sai dao.

Esekiel 16:28

“Te bidi dabe nage dali piagasali, te augwaligo nago godolo ebo homuba usu nusiąbaso, tama nago penani sę ebo kolesaga te Asiria bidi dabe dali yali. Tialima, augwaligo me nago godolo ebo homuba me usu nubeo homu yali.

Tuni Bidi Dabego Po Elalubo Buku Si 28:16

Te Israel dabego Juda dabe dali boi hwįnama augwali aiyaba elaluama pabo tudi badu, nosali te Idom dabe ma aselama, tama te Juda dabe dali boi hwįnama Juda dabe aiyaba ma elaluali. Tama augwaligo meba we bidi kalabus elama odasa pali. Tama tibaso, king Ahasgo bidi meba Asiria king bidi sugi pelama, aga tau sagasomainu hanalugi pali.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Te We Bidi Dabego Jerusalem Hagede Gela Wali 5:6

Da nai mu sǫą palio. Tama tibaso, dago te Isip dabebolo me Asiria dabebolo da tau somainu hanalu walio.

Esekiel 23:30

tama nageba te sęgę dabe pedelaibao. Nago te gasa tǫ kantri dabego tibo god dabe tigidali wali peyu, te naga digi eno gedude meda ilali, te penani we aga yali kolesagago meda ilibo tiwai yalio.