Jeremaia 2:16 - Godigo dwagi yai po buku

¹⁶ Israel, nage we me deli tiwai, te taun Memfis bidi dabego, me te taun Tapanes te tǫ kantri Isip bagego nage dwai hale iliyu, te nago tobolu nisi tigidali poalama, sela sąwai.

Jeremaia 2:16 Referans Kwoze

Jeremaia 46:14

“Dagego te taun Mikdol, me Memfis, me Tapanes, me te gasa Isip pedai badu, teba te po hanilama, pusao. Augwaliba te tiwai po wao, ‘Dage Isip te hwįabo sisilama, dolaluao. Magi baso meni, te boi bidi pedelama, te dage ela mubo sę yaibao.

Jeremaia 44:1

Genuai Bidigo po Jeremaiabolo mawai, te agai Isipde bidibo Juda dabeba pusumainogo yai. Augwali te taun Mikdol, me Tapanes, me Memfis, tede bidali, te saut Isip badu me bidai. Jeremaiago te tiwai po wai,

Aisaia 19:13

Te hanu Soan, me genuai hanu Mempis genuai bidi dabe, augwali te kolesaga meni yai bidi dabe naga dao. Tama me ma, te Isip bulu tobolu we bidi dabe augwaligo te bulu bugagia tolasa sę ebeo.

Bomai Po 33:20

Tama agai Gat hani kone elama, te po wali, “Godigo Gat hanigo tǫ genuai pedalomainu ilai dao. Te tama tialima, dage sesego Godigo nogi ugwaba sagameo. Te Gat hani te boma pai dao, te laion te uni yowi te bulu hasa ela tuainogo nogo guda sąbo o tobolu wali me dagala sabo tiwai yaibao.

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Jeremaia 46:19

“Dage Isip dabe, dage gasa kantriba kalabus igi paibao, te duga doado bage sisi ela muao. Te boi bidi dabego te taun Memfis dolama, tama te taun olo elalu, bidi tede me bidigobeo,” te po wai.

Te Israel me Juda Hani Sigo Tuni Bidigo Po Elalubo Buku Si 23:33

Te Isip bulu king bidi Nekogo agai te bidi Joahasgo te king sę yali sela sąyani, tama aga te Hamat bulu taun Ripla taunde aga te hadabu bede bidali, tama te king Joahas aga king bidi nigilama ma bidibe. Tama te king Nekogo te Juda hani dali te agai takis mone sali, te mone te 3,400 kilogram usu silva me sali, me te 34 kilogram gol, tama mone dabe selama, takis mone mani.

Te Israel me Juda Hani Sigo Tuni Bidigo Po Elalubo Buku Si 18:21

Eno koneani, nago homugo te Isip haniba tonono eyu, tama nago boi hwįbode augwaligo nage tau saiba. Tiali goli, eno nagebolo obao, te Isip hani augwali da, te da te sigi dili deli toga pai tiwai dao. Tiali tama, nago selama, tama te tolasa bilibo dono tiwai dao, tama tialima, te sigi dage mego naga nogode eneyu, dolaibao. Te Isip hanigo king bidigo agai kolesaga te bomo isąwai sigi dili mu tiwai dao,’ wali. ‘Tama teyu, nago boi hwįbode agai nage usu nama, nage me tau sagasogobeo.

Jeremaia 48:45

“Te Moap we bidi dabe te boi bidi dabede wi elama, te taun Hesbonba geme duala sigi painogo yali. Tiali goli, menio. Augwaligo te Hesbon sia dabo suai, te polobadu te king Sihon bidali sogo sia dali tiwai yai. Tama augwali te taun tomoba pabo usu meni yai. Augwaligo te mena sę yabo bomo me elalubeo. Te siago te kantride elaluali nai tigidali dela silali, te bulu kantri dąįde elalubo, ma te hwįbo bidi dabego bulu du ugwadu elaluali me, te tagalao, te siago dela silai dao.”

Hosea 9:6

Nosali te genuai sęgę yai sę, te dage dolabo sę te pedalubaso da, teda dage wi tedela paibao. Tama te Isip dabego dage suyu da, te dage selasa peyu, te Isipba kalabus iligi paibao. Tama tede dage bidaludubadi, te dage isibo siba usu nama, te augwaligo dage te Mempisde pubulaibao, te augwa genuai taun dao. Dage te duga pesage buluba ma asogobeo. Menio. Tama te duga be dabe, me mone silva, me te wiegi yai doado bage te olo bulu tomode elalubadi, te genuai bus holama, te tigidali mesegelaibao.

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.