Jeremaia 18:20 - Godigo dwagi yai po buku

²⁰ Te wiegi yai kolesaga ebo bidiba, te bidi dabego dwai kolesaga agaba wei ponobaso usu da, agawe? Menio. Tialima, te boi bidi dabego ena dolainogo ebao, augwali te tǫ dedage dogobo bidi tiwai ebao, te hasa dabe teba tulalumainogo tiaibao. Nago te eno polobadu yali kolesaga homu kone palao. Te ena nage pąba aselama, te nageba hanalu, te nago haliga sębę tagalama, te bidi dabeba wiegi yai sę bugagia yao po wai dao.

Jeremaia 18:20 Referans Kwoze

Godigo Nogi Ugwaba Sabo Tęąbi Po Wabo Buku Dabe 57:6

Te boi bidi dabego ena tola somainu ebo bono gągą muani. Tama tiyu, genuai sęgęgo ena aiyaba mu elaluai. Augwaligo eno sunumide te tǫ dedage dogolama, teba ena tula mumainu yai. Tiali goli, ena tula mubeo. Augwa digi te dedageba ma tulaluali.

Godigo Nogi Ugwaba Sabo Tęąbi Po Wabo Buku Dabe 35:7

Eno dwai sę augwaliba me isiąwai, tiali goli tagalao, te augwaligo ena dolabo bono gągą dualali elalubao. Tama augwaligo ena tulalumainu yabo tǫ dedage me deli nigai dao.

Godigo Nogi Ugwaba Sabo Tęąbi Po Wabo Buku Dabe 106:23

Tialima, me sogo nosali Godigo te aga we bidi augwali dolaibao po wali. Tiali goli, Moses, te Godigo dąį muani sę bidi, aga te God geduba doligi pelama, tama agai te Israel dabe tau siyu, tama Godigo haliga sębę yali togolama panibaso, tama Godigo augwali me dolobeo.

Godigo Nogi Ugwaba Sabo Tęąbi Po Wabo Buku Dabe 35:12

Eno wiegi yai kolesaga augwaliba ebadi, tama augwaligo dwai kolesaga enaba wei ponani. Tama tibaso, eno haliga sęgę mu yai.

Jeremaia 18:22

Te polo tama mu nago te boi hwįbo bidi dabe te hwįagasomainu tagala palama, te augwali dolomainogo ilao, te augwa wi mu genuai eyu, te dwai gela mu omainao. Te eno boi bidi dabego ena pageabi elama, ena dolainogo ebao. Augwali te bidigo hasa tulalumainogo te tǫ dedage nigibo tiwai ebao, te bidigo sųgų sabo wa munama, te hasa tumainogo ebo tiwai ebo dao.

Kolesaga Koneai Bidigo Pusali Po Elalubo Buku 10:8

Te bidi mego genuai tǫ dedage dogobaso da, teda aga digi te dedageba tulalueibao. Ma, te bidigo te masigigo bagulali obo alubaso da, teda te hasamanigo aga gąų kelaibao.

Bugagia Bidibo Kolesagade Po Asęai Buku 26:27

Te bidigo dwai kolesaga yabo homu ebaso da, teda aga digi dolaibao. Awe, te bidigo tǫ dedage dogolama, te gasa bidi teba tulalumainu yali, tiali goli te bidi aga digi aga teba ma tulaluali. Tama te bidigo te masigi te bulu du bageba ugwaba hogogobele pabo tiwai ebadi, tama te masigi edaba ma hogobeasa dulu, tama aga mesega sigulaibao.

Godigo Nogi Ugwaba Sabo Tęąbi Po Wabo Buku Dabe 119:95

Te dwai sę ebo bidi dabe geme duala sagaselama, ena ela mueinu ebao. Tiali goli, eno nago bomo yai po tigidali konealubaso, te tama sę eno homu si me egobeo.

Dwagi Yai Gesi Po Jongo Asęani 15:25

Tama polobadu God agai po obaso, te bidi mego te po bukude asęani, augwaligo bomo yai po bukude. Tama augwaligo megi ebo boi bidi homu ebo sęde, augwaligo te po wali peyu, te po usu nuyu nai gilama walobao. Te polobadu asęani po e dao, ‘Augwaligo olo dali ena dali boi bidi yabo homu yai dao,’ te po wali,” Jisasgo te po wai.

Dwagi Yai Gesi Po Jongo Asęani 10:32

Jisasgo augwalibolo te po wai, “Eno dagebolo Ayago dwagi yai bomo yai sę hauwa ola mawai dao. Tama dagego eno te yali sęde dwai sę me deli ebo sulama, tama dagego te homu eyu, ena masigi sąnama elainogo ebawe?” Jisasgo augwali dali te po wai.

Jeremaia 14:20

Genuai Bidio, mu tamao, dago dali, te dena wąį nǫų dabego me, te nago gedude dwai sę hauwa yali dao.

Jeremaia 11:14

Jeremaia, te we bidi dabe te dwai sęgo gegebaso, te augwaligo enaba i weyu, te eno augwali tau sao po waibao. Tialima, te eno augwaligo i wabo me odogobeo. Tama te augwali tau somainu te nago gedu haluasa po enabolo me olamuo. Te nago gela me weyu, te enaba bomonama i weyu, te eno augwaligo sęgę silao po me olamu dao,” te po wai.

Jeremaia 7:16

Genuai Bidigo po ma weyu, te tiwai po wali, “Jeremaia, nago gedu haluasa po enaba me wagio, te we bidi dabe tau somainu. Nage te gela weyu, te enaba bomonama i me wagio. Magi baso meni, eno nago te gedu haluasa po wabo me odogobeo.

Bugagia Bidibo Kolesagade Po Asęai Buku 17:13

Tama augwaligo te bidi me deli dali wiegi yai kolesaga ebadi, tama te bidigo dwai kolesaga augwaliba wei ponobaso da, teda sesemane sogo te aga we wai bidalubo kolesaga te dwai elaluaibao.

Godigo Nogi Ugwaba Sabo Tęąbi Po Wabo Buku Dabe 38:20

Eno dwagi yai kolesaga augwaliba ebadi, tiali goli augwaligo enaba dwai kolesaga wei ponoyu yai. Eno te wiegi yai kolesaga wali pobadi, tama tede augwaligo homu koneama, tama enade augwa boi bidi pedelali.

Godigo Nogi Ugwaba Sabo Tęąbi Po Wabo Buku Dabe 7:15

Agai tǫde genuai tǫ dedage nigilama, te gasa bidi aba tulalumainu yali, tiali goli aga digi aga te nigali tǫ dedageba tulalubo dao.

Jopgo Po Asęani Elalubo Buku 6:27

Menima. Dagego kas gagali elama, te tiana wai dabe dego mu sogowe weyu suainu yabo bage dao. Tama duga abagi solo maketde munama, mone sainu yabo usu.

1 Samuel 19:4

Tialima, kigamu Jonatan de Sol si peyu, tama po miani, tama Jonatango te Devit nogi ugwaba siyu tama Solbolo te tiwai po wai, “Ayao, te eno magi nai po me deli nageba wabo usu egowe? Te e tiwai dao. Nago dwai kolesaga te naga sę bidi Devitba munu me elamuo. Magi baso meni, te agai dwai sę me deli nage dali me ebeo, menio. Te tigidali sę agai yali, te nage tau siyu naga yali.

Jeremaia 5:26

“Te meba eno we bidi dabe, augwaligo te dwai kolesaga ebao. Augwaligo te gasa we bidi dabeba dwai sę yainu tonalueibao, te bidigo umben wa muai madi te ba tomoba soabo tonalubo tiwai ebo dao.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Jeremaia 18:19

Tialima, ena, Jeremaia, eno gedu haluasa po te tiwai wali, “Genuai Bidi, eno gedu haluasa po odao. Eno homugo nago eno boi bidi dabego enaba wabo pode homu kone palomainogo ebo dao.

Jeremaia 27:18

Te augwali profet mu tama te Genuai Bidigo po augwaliba mabo da wida, teda augwaligo te Tigidali Bomo Elalubo Genuai Bidiba hanalu, agai te boi bidi dabego te Genuai Bidigo bede me munalubo doado bage, me te kingo bede munalubo doado bage dabe, me te Jerusalem tigidali pedai habu badu elaluali doado bage selama, te Babilonba me sela pigio po wao,” eno te po wali.

Te We Bidi Dabego Jerusalem Hagede Gela Wali 3:59

Genuai Bidi, nago te bidi dabego ena dolobo sę ebo nago suai dao. Tama tibaso, nago augwaliba po tų elama, nago ena tau selama, te bage augwali aiyaba elalubo sę yao.

Jeremaia 17:18

Tama megi eno homugo nago te enaba dwai posobo po sę ebo bidi dabeba hale ilama, te augwa homu dolomainao. Tialima, nago ena homu dolobo sę me isąyu, te ena hale me iligio. Eno homugo nago te dwai sę ebo sogo augwaliba pedalumainogo ilao, te nago augwali dwagila augwali mu doloyu da yao, ena Jeremaiago te po wai.