Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.
Jeremaia 18:15 - Godigo dwagi yai po buku15 Tialima, ena we bidi augwaligo ena homu kone me isąma tagalali. Tama augwa te wiegi yai denami ilibo hano ebo ofa te tibo godiba ebao. Tama tebo kolesagade augwali tulaluama, te polobadu wiegi yai sunumi wali pabo tagalali. Te megi da, augwa te dwai sunumi wali pabo dao. Gade chapit la |
Jeremaia 18:15
35 Referans Kwoze
Dagego homugo te gesi wegigo aga au ebo wiegi yai au dobage gegeda pabo homu yaibawe? Te we dabego te augwa bidigo kębo sogo au yali wiegi yai au dobage gegeda pabo homu yaibawe? Menio. Augwaligo gegeda painu ebaso, usu mu me egobeo. Tiali goli, tega! Dage eno we bidigo enaba hauwa sogo homu kone gegeda paludu gebo dao, bidigo nedebaso, usu egobeo” wali.
magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”
Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.
Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.
Te doloba pai kolesaga e dao: nago amade kone palao. Aga te mi tubo kolesagade, ma te bomai wę tubo kolesagade, ma gasa sęde me te habu selai dwai sę dao homu ebaso da, teda agai nage te tobage kolesaga ebo sulama, tama aga homude elalubo habu selali po bolama tulaluidali weyu, nago te tobage kolesaga egio. Tama tiyu te nago te wiegi yai ilibo dao.
Tigidali Bomo Elalubo Genuai Bidi, aga da Israelgo God dao, agai te po wali, ‘Te dage bidi dabe te duga we dabe daligo te dagego dąų wali po usu nainogo ebao. Dage te tama po dąų wali, “Dago te wiegi yai denami ebo ofa eyu, te wain gelibo ofa te Dagalu Kwin Weba yabo po dąų wali, mu tama dago te dąų wali po usu naibao.” Tialima, tegoba, dagego te po dąų weyu, te yaibao wali sę dagego iyąo,’ Genuai Bidigo dagebolo te po wali,” Jeremaiago wali.
Dage te megi Jerusalemde bidibo hani dabe, dage tigidaligo taun tagaliąo. Te taun tagalama, sunumi bogoba pelama, te sunumi bugagia dodolao, te duga we bidi dabe ma asobao. Te augwa sunumi bugagia sisilao, te sunumide elalubo masigi dabe sela sąyao. Tama te tigidali tǫ kantride bidibo hani we bidigo suabo plak me deli nide walao.
Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”
Te eno duga yali sęgo sęgę dali, te duga bulai wąį nǫų dabego yali sęgę dali tolomainu yaibao. Te duga bulai wąį nǫų dabe te lotu wabo pesage te bulu du bageba holama, tama augwa te wiegi yai hano denami ilibo ofa eyu, tama augwa te haniani dwai kolesaga ena gedude yali. Tama eno augwa yali dwai sę tigidali usu nama, dolo mu te wei ponaibao,” wali.
Te dagego nai wi siyu, te bidi dabe ela muyu, te penani sę ebo kolesaga te bidi dabe me bidigo sai we dali eyu yali. Te dagego bomai po dąų wabo sogo te tibo po obao. Te dagego wiegi yai denami hano ebo ofa te tibo god Balba ebao, te dagego polobadu lotu me wasiąwai tibo god dabeba lotu wabo dao.
Augwaligo tibo god dabe wali pabo, teda augwali olo nai mu dao. Tama augwaligo te dwai kolesagago ena sębę elama, augwaliba wado homu emainu yali dao. Tama tialima, eno te bidi hani me deli, augwali nogi meni yai hani, te olo nai tiwai o augwali polobo bidi dabe tiwai, tama augwali eno tagala palama, tama te Israel dabe haliga tigi dolomainu elama, wado emainu tagala palaibao.
Tama augwaligo nago po wali pabo hagela yali. Te nago augwali tau selama, te bomai sę genuai tigidali yali te augwaligo homu konesiąyu gegeda palali. Tama augwali hagoma mu elama, tama augwa te tobolu bidi me deli nigilama, te augwa kalabus sę yali Isip tǫba ma odasa pomainu yali. Tiali goli, God, nago da tǫde we bidigo sęgę sela sąbo dao. Tama nago da godolo geninama eyu, tama daba wiegi yai sę mu ebo da. Tama nago haliga sębę polo me egobeo. Menio. Nago te olo mu tau sabo wiegi yai homu kolesaga te umabo me elalu, tama tiyu nago dago wąį nǫų dabe tudiba me mubeo.”
Piblisite