Jeremaia 17:27 - Godigo dwagi yai po buku

²⁷ Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Jeremaia 17:27 Referans Kwoze

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Jeremaia 7:20

Te ena God Genuai Bidi, eno te tama po obao. Eno haliga sębę dwai mu eyu, te tǫ kantriba me, te we bidiba me, te tubo kibu hasa me, te ni dabeba me, te naiba me dwai sę mu yaibao. Eno haliga sębę te genuai sia dabo tiwai eyu, te bidi mego sula sąyabo usu me egobeo,” te po wai.

Jeremaia 21:14

Ena Genuai Bidi, eno po dolo obao, te eno dwai dene dageba mawaibao, te duga yali dwai kolesaga wei ponaibao. Te eno te Jerusalem taunde sia pedalumainu ilaibao, te moni bulu tomode isi dabo tiwai eyu, tama te isigo kingo be deyu, te Jerusalem tigidali be daibao,” te po wai dao.

Amos 1:14

Eno te moni taun Raba aiyaba isi tula palama, tama te taun bomai be dabe isi ulaibao. Te ami bidi augwa boi hwįbo sogo, te i hai bomonama weyu, tama te hwįbo bomai pedalu, te bomai wali me deli te dwai sogo pedalubo tiwai yaibao.

Esekiel 22:8

Dagego te homu eyu, enaba te lotu wabo nai dabe te olo nai da homu ebao. Tama me, dagego te Sabat bodolu muani side bomo yai po mu bolobo dao.

Te We Bidi Dabego Jerusalem Hagede Gela Wali 4:11

Genuai Bidigo te Saion dali haliga sębę dwai mu yalio. Tama tibaso, agai aga dene genuai mu manio, bidigo ąį te tǫba gelebo tiwai yali. Te agai te Saion isi tulama, tama te taun sese dela silibo tiwai yalio.

Jeremaia 52:13

Tama agai te augwaligo Genuai Bidiba lotu wabo tempel be, me te Juda kingo be, me te Jerusalem gegunai bidi dabego be, tigidali isigo ula silali. Te genuai dila pai be me deli digi te Babilon dabego me ulubeo.

Jeremaia 49:27

Eno te taun Damaskus bagulali obo isigo ulama, tama te isigo te king Benhadatgo bomai be dabe me siago daibao,” wai dao.

Jeremaia 39:8

Tama Jerusalemde te Babilon ami bidi dabego te kingo be me, we bidi dabego be me, isigo ulalio. Tama augwa te Jerusalem bagulali genuai masigigo nigai obo me pebe delama, sąwai dao.

Aisaia 1:20

Tiali goli, dagego hagela elama, eno po sela sąyani da, teda boi bidi dabego dage ela muagasaibao. Ena Genuai Bidi, eno po polo wali.”

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Amos 2:2

Eno isi te Moap kantri tǫba tula palama, te Keriot taunde elalubo bomai be dabe te isigo daibao. Tama te genuai boi hwįaibao, te ami bidi dabego i hai weyu, te bu wabo nai biugel bomonama ponaibao. Te tama tebo sogo te Moap dabe ela silama, isaibao.

Amos 1:12

Eno te isi aiyaba tula palama, tama te Teman taun, me Bosra taun sigo elalubo bomai be dabe te isigo domainu ulaibao,” te po wai dao.

Amos 1:10

Eno te Tair taun obo dabeba te isi tula palama, tama te taunde bomai be dabe te isigo dela silaibao,” te po wai.

Amos 1:7

Tialima, eno te isi Gasa taun obo tomoba tula palaibao, tama te isigo te taunde bomai be dabe ulaibao.

Amos 1:4

“Awe, eno isi te king Hasaelgo sę yani genuai wiegi yai beba te sia tula palaibao, tama te isigo te king Benhadatgo taun ulaibao, te bomai obo elalubo taun dao.

Esekiel 16:41

Tama te abagi dabego nago be dabe isi ulaibao. Tama te we hauwago nageba te ebo sę augwaligo sueibao. Nago te dwai kolesaga ebo eno mu silimai hagede ebaso, tama nago te bidi dabe nage dali piagasomainu homu bega sabo sę me egobeo.

Jeremaia 44:16

“Nago te Genuai Bidigo nogide dabolo po pusali. Tiali goli, dago te po me odogobeo. Menio.

Jeremaia 32:29

te augwaligo isi nogolama, te taun siago tigidali ulaibao. Tama te isigo te we bidi ugwaba holama, augwa be pedude te wiegi yai denami ilibo ofa te tibo god Balba iduali alta isigo daibao, te gasa god dabeba te wain ofa geludali. Tama te kolesaga idualigo te we bidi augwaligo ena haliga sębę dwai mu iliduai dao,” wali.

Jeremaia 22:5

Tialima, dagego eno po wali pisąbaso da, teda ena Genuai Bidi, eno mu po ena nogide digi obao, teda eno te nago genuai wiegi yai be mu dolaibao,’ te po te Juda king bidibolo pusao,” te po wai dao.

Jeremaia 17:24

Tiali goli, dagego da, Genuai Bidi eno po wali peyu, tama dagego walu dabe te Jerusalem tomoba te Sabat side me sela asigimio. Menio. Te Sabat sogo dagego eno side da olama, dąį ilao, tama te side sę ebo habu mu sao. Te dagego eno po wali pobaso da,

Jeremaia 17:4

Duga digi duga yali dwai sęde te eno dageba mani tǫ taga paibao. Ena digi dage te duga boi bidi dabego olo sę ebo hani pedalumainogo ilaibao. Te dagego konesiąwai tǫ kantriba pelama, bidigi paibao. Eno haliga sębę te sia me deli dabo tiwai ebao, tama dagego te sia ponama, tama te sia sesemane mu elaluduaibao,” wai.

Jeremaia 6:17

Tama Genuai Bidigo te po wai, “Eno te dage tau sabo tonalubo bidi nigilai dao. Tama eno te po wali, te sęgę pedelainu ebo sogo augwaligo te bu wabo nai biugel bu wai da obaso da, teda dagego bugagia odaluiąo.” Tialima, augwa te po wali, “Dago te tonalubo bidi dabego po me odogobeo,” po wai dao.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Tuni Bidi Dabego Po Elalubo Buku Si 36:19

Tama te Babilon ami bidi dabego Genuai Bidigo be sia uluyu, me kingo be me sia uluyu, me Jerusalemde genuai genuai be dabe sese tama isi ulali. Tama augwaligo te taunde tigidali wiegi wiegi yai nai dabe sese tama dolama tagaliyu, me te taungo obo aluama tagaliyu yali.

Te Israel me Juda Hani Sigo Tuni Bidigo Po Elalubo Buku Si 22:17

Te tigidali we bidigo ena tudiba ilama, tama augwaligo te tibo god dabeba ofa nai ula mabo sę ebo dao. Tama augwa te dwai kolesaga ebogo te eno augwali dali eno wado te ebao. Eno sębę genuai mu te Jerusalem dali eyu, tama eno te sębę ebo sę te eno polo sia sogobeo,’ wali.

Bomai Po 32:22

Tama te sogo eno sębę te isi bogoli tiwai elama, tama tǫde nai dabe tigidali mu ulaibao. Te sębę te tǫ aiyadu dologodu paibao, te isai bidi dabego buludu paibao. Tama agai te bulu du dabe dolalubo masigi du dabe isi ulaibao.’”

Godigo Nogi Ugwaba Sabo Tęąbi Po Wabo Buku Dabe 122:7

Te Jerusalem obo tomode bidibo we bidi dabe augwa te bugagia dugulalu, te hwįbo menia somainao. Tama king dali, te tobolu bidi dabe me, te bugagia dugulalumainao,” wao.

Jeremaia 18:1

Genuai Bidigo ena, Jeremaiabolo, te tama po walio,

Te We Bidi Dabego Jerusalem Hagede Gela Wali 2:6

Genuai Bidigo aga tempel be mu dolama, mu tagalali, te bidigo te gi be dolama, hųgila tagalabo tiwai tama yalio. Agai te Israel dabe augwali teba pelama, tama agaba augwaligo lotu po wagi pabo digi dolama, tagalalio. Tama te tiali kolesagago te Genuai Bidigo te lotu po wabo genuai sogo, me Sabat, si tama silalio. Tama te we bidi, augwali te Jerusalemde bidali we bidi, augwaligo agaba te lotu wabo sogo dabe ma lotu weyu ebeo. Genuai Bidigo te king me, pris dabe dali, agai sębę genuai mu yalio, tama agai augwali augwa sęde sela sąwanio.

Esekiel 21:15

Te bainat hwągo te taun sunumi tigidalide tonalu, te we bidi dabe wi ilama, te hauwa ela mubao. Te bainat hwą gegemani umagi mu eyu, te dagalu be sele ula tiwai eyu, te bidi dabe ela muabo sisi elaluai dao.

Esekiel 23:38

Te kolesaga naga me ebeo. Menio. Augwali sigo te tiwai gasa dwai kolesaga me yali. Augwali sigo eno be te eno gedude meda mu ilali. Te augwali sigo te Sabat bodolu muani side bomai po bolali, te eno bodolu muani side digi mu dao.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Esekiel 21:3

Ena Genuai Bidigo te po augwaliba mao, ‘Ena dage Israelgo boi bidi pedaliyu, te eno bainat hwą aga bulubo bedu selama, te dage tigidali elaibao, te dage dwai we bidi, ma dage dwagi yai we bidi, te eno me sula tagalogobeo.