Jeremaia 17:1 - Godigo dwagi yai po buku1 Genuai Bidigo te tama po wai, “Dage Juda dabego duga sęgę me sela sągobeo. Dagego tabi haliga te masigi togwai dage tiwai elalubao. Te bidigo te masigi dagede po asębo nai nogi kolsisis selama, te dagego yali dwai sę dabe po te masigi dagede togogo pelama, elalumainu ebo tiwai yali. Tama me te bidigo duga alta nigali gąų tede te po asębo babaga pabo tiwai yali dao. Gade chapit la |
Dage haninama te dage te Kraisdu asai pas tiwai me deli bidibao. Te da sigo yali sęde Kraisgo te pas asęai. Agai te asębo medabugo sisi ąį selama tama me asębeo. Menio. Agai te bidibo ula elalubo Godigo Mobo Bidigo asęai. Agai te sawali yai masigi daide me asębeo. Menio. Agai te we bidigo homude asęai dao.
Tiali goli, augwaligo te po me odobeo. Menio. Te Gileatde augwaligo dwai kolesaga hauwa yali, tama te augwali mu hagawaibao. Te taun Gilgalde augwaligo te bulmakau dwai alta dabede ofa yai. Tialima, te alta dabe te besela sąnama, te masigi pesage holali te pepeli delide hania olo elalueibao,” po wai dao.
Nago naga tigi te meda sela sąbo boma pai naigo teleyu, me te wiegi yai sobu hauwago wę telabadi, te tagalao, tego nago yali dwai sę me sela sągobeo. Menio. Te dagego yali dwai kolesaga te meda dagede mu dagana sai tiwai mu dao. Ena God Genuai Bidi, eno nago yali dwai sęgę elaludubadi gebo subao.
tama augwaligo homu masigi dila pabo tiwai yalio. Augwaligo Genuai Bidi ena Tigidali Bomo Elalubo Bidigo bomai po dali haniani po odobo hagela yalio. Eno Spirit Mobo Bidigo te profet sibigo pedauwalidu eno te po augwalibolo polobadu tolai dao. Tiali goli te we bidigo te po wali pabeo. Tama tibaso, eno sębę dwai mu yalio.