Jeremaia 16:9 - Godigo dwagi yai po buku

⁹ Magi baso meni, ena, dage Israelgo God dao, ena te Tigidali Bomo Elalubo Genuai Bidi, eno po dolo obao, te tǫde we bidi dabe me bidigobeo. Te bugai haliga ebo me, pemene homu ebo kolesaga me, te bidi dabego gesi we sabo kolesaga me, te tigidali mu silaibao. Dage megi tama bidibo we bidi hani, te dagego te sę pedalubo sueibao,” te po wai.

Jeremaia 16:9 Referans Kwoze

Hosea 2:11

Te eno agai te wiegi yai homu pemene ebo te genuai side wabo te tigidali mu silimainu yaibao. Te genuai side da wabo te tiwai, te lotu wabo genuai side te deli deli kibu bede pedalu, te deli deli poluade pedalu yai, tama te Sabat side lotu wabo me, te gasa tobage lotu dabe me, te tama tiwai yai.

Esekiel 26:13

Tama dagego te tęąbi po wabo me, te gita elebo sę ebo me, te ma egobeo.

Jeremaia 7:34

Te Judago taun dabede te we bidi dabe me bidisiąyu, te Jerusalem sunumide me bidigobeo. Eno te tigidali sę pedalumainogo yaibao, te bugai haliga wiegi yai homu pemene ebo kolesaga, me te we sabo sogo genuai nai daa tubo dabe me, te dabe tigidali silaibao. Tama te tǫ kantri tigidali pedai badu dolama, olo elalueibao,” wali.

Jeremaia 25:10

Tama eno te bugai haliga ebo me, pemene homu ebo kolesaga me, te bidi dabego we sabo kolesaga me mu silimainogo yaibao. Tama te wit halulu pabo sę ebo me meniama, te wit halubo masigi dabe kidagalo wali mu meni yaibao. Tama te pesagede te lam sole ula me egobeo.

Godigo Nogi Ugwaba Sabo Tęąbi Po Wabo Buku Dabe 78:63

Te gesi ogwa bidi dabe te genuai boi hwįani madi isali, tama te gesi ogwa we wegi dabe te augwali sabo bidi dabe meni yai dao.

Esekiel 12:25

“Te ena God Genuai Bidi, ena digi eno te Israel dabeba te po menama, tama eno te po wali sę dabe polo tama pedelaibao. Dage hagoma ebo bidigo, odiąo. Te dage bidibo sogo, eno te sę dabe yaibao. Ena God Genuai Bidi, eno te po wai dao,” wali.