Jeremaia 15:19 - Godigo dwagi yai po buku

¹⁹ Tialima, Genuai Bidigo enabolo po wei ponoyu te tiwai wali, “Te nage haliga begelama, enaba ma begasa asobaso da, teda nage eno ma selama, te nago eno sę ma yagameo. Te nago dwai po pusubo tagalama, te nago wiegi yai po naga pusubaso da, teda nage eno pedauwalide po sabo bidi bidagameo. Tama te we bidi dabe nage wali pomainogo yaibao, tialima nage augwali wali me pelamu dao.

Jeremaia 15:19 Referans Kwoze

Sekaraia 3:7

“Te Tigidali Bomo Elalubo Genuai Bidigo te po wali, ‘Tialima ma nago eno bomai po tigidali wali pelama, tama nago eno nagebolo mani sę tigidali eyu da, teda eno nage sa muyu, nago eno be tonalubo sę me te tigidali lotu wabo nai dabe tonalubo sę me idumainu sula tagalaibao. Tama eno nage ena pageba asomainu sula tagalaibao, te ensel dabego ebo gilama yaibao.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Pris Sę Ebo Bomai Po 10:10

Te dagego bomai ąį tusąbaso da, teda dagego bugagia dagaliyu, te mena nai eno nai ma te olo we bidigo nai mena elalubo bugagia dagalaibao. Te dagego eno gedude mena nai te meda menisąyu, te mena nai meda elalubo te bugagia mu dagalaibao.

Esekiel 44:23

“Te pris dabe augwaligo te we bidibolo mena nai dabe eno gedude te tedali gasagi yai meda meni yai nai mu augwalibolo ola mayu, me mena nai dabe eno gedude te olo da wabo nai dabe augwalibolo ola mayu yao. Tama me augwaligo mena nai eno gedude meda yai augwalibolo ola mao.

Esekiel 22:26

Te pris dabego eno bomai po bolama, tama augwaligo homugo enaba te lotu wabo nai te olo nai tiwai da homu yali. Augwaligo te tobage deli kolesaga eno nai dabeba eyu, te augwaligo eno nai da weyu, sa musiąwai naiba ebo kolesaga tiwai yalio. Tama eno gedude te mena nai dabe te meda meni yai, me te mena nai dabe te meda yai da, te po te we bidi dabeba bugagia me ola mabo meni. Tama tiyu, augwaligo te Sabat side bomo yai po me wali pabo meni. Tama augwaligo te tama tebo kolesaga tigidalide te ena nogi aiyaba elaluai dao,” wali.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

Galesia 1:10

Te eno te tobage bomai po weyu, te we bidi augwaligo ena dali dwagi yai homu emainogo wabeo. Te menio. Eno homugo God agai ena dali dwagi yai homu yaibao. Eno te tobage po weyu, we bidi augwaligo eno nogi ugwaba sao, eno te homu ebowe? Woo, te menio. Eno te we bidi te enade homu bega sabo po wagi sogo da, teda ena Kraisgo sę ebo bidi bidigi menio.

Hibru 5:14

Tiali goli te dili yai nai da te genuai bidi dabe augwaligo tubo dao. Te tobage bidi dabego te augwa digi augwa homude kolesaga hauwa sogo osola suyu, tama augwaligo te wiegi yai kolesaga ebo me te dwai kolesaga ebo me te augwaligo dagalabo usu dao.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Ma Dobola Sali 4:12

Megi da, nage pao. Te nago wabo po tigidali te eno tau siyu, tama te nago wabo po nagebolo ola mayu yaibao,” wali.

Esekiel 2:7

Nago koneani, augwali te hagoma bidi naga elalubao. Te augwaligo nago po odisąbadi goli, tagalao, te eno nageba mabo po tigidali te nago augwaliba walao,” te po wai.

Dwagi Yai Gesi Po Lukgo Asęani 12:12

Te sogo tama te Godigo Dwagi Yai Mobo Bidigo nago wabo po ola mawaibao, te nage tau sai hagede tiaibao,” Jisasgo te po wali.

Dwagi Yai Gesi Po Lukgo Asęani 1:19

Tama ensel bidigo te po wei ponoyu te po wai, “Ena nogi Gebriel dao. Ena God gesabidide dolalubo dao. God aga digi ena tagala palama, nagebolo dwagi yai po pusigi pa tobo obaso, nagebolo te po pusagasiyu te obao.

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Galesia 2:5

Augwaligo homugo te bidi aga Kraisgo hani tomoba asobo si, tama hasia aga tigi togwao, da Juda dabe tiwai eyu, tama dago bomo yai po tigidali wali pao. Tiali goli augwaligo Godigo gesi dwagi yai po dolidali weyu, tama te po bugagia bidiyu dage tau somainogo, dago augwaligo wali po odobeo. Te po dago polo odama tagalali.

Dwagi Yai Gesi Po Lukgo Asęani 21:36

Sesemane sogo dage bugagia suao, dua dao. Te sę eyu, tigidali sogo dage God hanalu wao, agai dagebolo aga bomo momainu yao. Tama tilama, tigidali te sę dageba pedelainogo yali da, te dage geda munama ela soeibao. Tiyu da, dage ena gesabide bugagia dolaluaibao, ena da te Godigo Bidi Mu dao,” Jisasgo te po wai.

Bugagia Bidibo Kolesagade Po Asęai Buku 22:29

Te bidigo wiegi yai sę ebaso da, teda aga te kingo sę bidi pedelaibao. Te tobage bidi te nogi meni yai bidigo sę bidi me pedalugobeo.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

2 Korin 5:16

Tama tibaso, megi dena digi te poloba te tǫde bidi dabego ebo homu kolesaga wali me pisąma tama bidi me deligo kolesaga me dagalogobeo. Mu tama, polobadu dago te tǫde poloba homu kolesaga wali peyu tama Krais dagaloyu tiwai. Tiali goli megi dago aga te dagalabo kolesagade me dagalobeo.

Jona 3:2

“Nage hogodama, tama nage te moni hanu Niniveba pao,” wai. “Tama eno nagebolo mani po, te nago te we bidi augwalibolo pusao,” wali.

Jeremaia 4:1

Genuai Bidigo te tama po wai, “Dage Israel, te dage ma begasa asabo homu ebaso da, teda dage enaba naga asiąo. Dagego te dwai kugumini yai tibo god eno gedude mubo te sela sąyao. Tama dagego ena sesemane sogo wali asiąo,” wai dao.

Jeremaia 6:29

Masingo te sia ponobo sę ebadi, te sia posolo umagia mu pedalu, te silva ulama, tede daganalubo ain hogomu sela sąwainu tiaibao. Tialima, te sę bidi dabe odolali sę dene yaibao. Siago te ain hogomu daganalubo me sela sągobeo. Te tiwai te dwai kolesaga ebo bidi sela sąbo sunumi meni yaibao, te nago we bidi dabe te wiegi yai ma pedalumainu ebaso usu egobeo.

Jeremaia 35:19

Tama tialima, ena, Tigidali Bomo Elalubo Genuai Bidi, eno te po obao, sesemane sogo Jonadapgo hani, Rekapgo ogwade, te eno sę yabo bidi dabe augwali hanide elalueibao,’ Genuai Bidigo te po dagede wali,” Jeremaiago te po wai dao.

Te We Bidi Dabego Jerusalem Hagede Gela Wali 1:11

Te Jerusalem we bidi augwali nasi genuai mu ebaso, tama augwali nai gegebo bomai sę mu te ebao, tama augwali hwąwa dwai mu obao. Augwa tigi bomo ma sainu eyu, augwaligo augwa wiegi wiegi yai nai dabego te dobu si ebo sę eyu, te nai sela tubo dao. Tama Jerusalemgo i weyu, te po obao, “Genuai Bidi, sulama, koneao, ena dwai bidu, te olo nai tiwai naga bidibao,” wabo.

Pris Sę Ebo Bomai Po 14:57

Te bomai pogo te dagebolo ola mayu, te mena nai te meda yai nai, ma te mena nai te wiegi yai eno gedude pedalubo, te bomai pogo page ola mabo po dao,” te po wai dao.

Jeremaia 1:9

Te po olama, Genuai Bidigo agai nogo eno pedauwaliba munama, tama enaba te tama po wali, “Odao, megi eno po te nago pedauwaliba mubaso, te po nago pusaibao.