Jeremaia 15:17 - Godigo dwagi yai po buku

¹⁷ Ena te bugai haliga eyu, gisugu wabo bidi dabe dali munu me bidibeo. Tama eno augwali dali wiegi yai pemene munu me ebeo. Menio. Enaduba naga bididuali, magi baso meni, eno koneani, te nago bomo enade elalu, te nago haliga sębę enade pągąnalubo dao.

Jeremaia 15:17 Referans Kwoze

Te We Bidi Dabego Jerusalem Hagede Gela Wali 3:28

Te Genuai Bidigo te bidi me delibolo sęgę mabode da, teda te bidi agaduba bidigi pelama, penane pania sai elaluao.

Godigo Nogi Ugwaba Sabo Tęąbi Po Wabo Buku Dabe 1:1

Niwai bidi agai te dwai bidigo po wali pisiąbo bidi, tama dwai sęgę sai bidigo tųde bilibo menio, tama God dali posobo po wabo bidi dali taluama, dulaluyu bidibo menio, tama tiyu, te bidi aga dwagi yai homu mu eyu bidaibao.

2 Korin 6:17

Tama Genuai Bidigo te aga we bidigo te dwai sę ebo bage tagalamainogo eyu po ma wai, “Tama tibaso, dagego augwali tagalama, tama gasa madi bidigi pao, tedali mu bidao. Tama dagego te augwaligo dwai sę yabo meda yai nai munu me tolamuo. Tama ena digi eno dage saibao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 6:11

Tiali goli, Genuai Bidi, nago augwaliba dene mabo haliga sębę enade me pągąnalubao, tama eno homude te dene mabo haliga sębę te palia saiba homu ebaso, usu egobeo.” Tialima, Genuai Bidigo enabolo e tama po wai, “Eno te haliga sębę ebo eno te sunumi dabe bidalubo wai puluba dabeba gea paliyu, te gesi bidi dabe sisinaluboba me tiao. Te bidi dabe augwa we dabe dali, me te monu dabeba me, eno te haliga sębę gea palao,” wai dao.

Godigo Nogi Ugwaba Sabo Tęąbi Po Wabo Buku Dabe 102:7

Ena te betde piali, tiali goli eno gedu pedaluali. Iya, enaduba deli te ba me deli te be pedu daide ugwadu dulalubo tiwai ebao.

Daniel 7:28

Te eno nade suali po tigidali te tama dao. Ena Daniel, ena wi dwai mu elama, tama eno gesabidi te hasegelama, tedela yali. Tama eno te nai dabede homu kone palobo homu mu yalio.

Jeremaia 16:8

“Tama nage te genuai nai daa tubo beba pelama, te augwali dali deliba kisalu, te nai tuyu, ąį tuyu me tigio.

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Sekaraia 1:12

Tialima te polalubo enselgo te po wali, “Tigidali Bomo Elalubo Genuai Bidi, nago te kibu be 70 usu nama nago te Jerusalem we bidi dali me te Juda hanigo taunde bidibo we bidi dabe dali sębę yai dao. Nisu mu nago augwali dali homu dene eyu tau ma saibawe?” tama wali.